دعيتي على ظالم واستجاب الله لك ؟ اكتبي حكايتك

[زهرة الجهرة]

تعبنا من الظلم ,,,,,,,,,,,,,, لكن لم ولن نتعب من الدعاء على الظلمه

نعلم ان الله يمهل ولايهمل

لذلك هذا المتصفح لتجارب الاخوات لكل من دعت على ظالم واستجاب الله لها وشاهدت نصرها على هالشخص

اكتبي حكايتك .............. لنستفيد

 

[mi corazon]

والله ياخيتي صارلي موقفين انظلمت فيهم والله سبحانه خذالي حقي

بس للأسف ماقدر اكتبهم لأنهم مواقف عائليه ..

بس فعلا بعدها ايقنت بلاشك ان الله يمهل ولا يهمل ولا يضيع حق مظلوم

وكل مازاد ألم الصبر زاد الثواب والحق مفرح بعدها

 

[أغلى أمنياته]

انا اول شي لمن حسيت بالظلم قعت ادعي وهذا

 

[أغلى أمنياته]

انا اول شي لمن احس بلظلم ادعي وهاذا غلط //
يابنات هي كلمه وحده والله ياخذ حقج عاجلا غير اجلا ::
حسبنا الله هوتعم الوكييييييل على كل من ظلمني//
احسن من الدعاوي الله ياخذ بحقج مو انتي الله اقدر واقوى ارمو حمولكم على رب العالمين وتلقين حوبتج او الله يغير حالج الى احسن الاحوال وانتي تصيرين فوق وهم تحت الله قااااااادر سبحانه​

 

[StrOnG WoMeN]

الله عادل وينصر كل مظلوم
عاجلا ام اجلا
وان الله يمهل ولا يهمل
الله ماينسي عبده خاصه المظلوم والصابر

 

[المرتاحة]

والله يا اختي انا صار لي موقف طريف بس بنفس الوقت تحسين فيه استجابة الله لدعاء المظلوم ووايد انصدمت عقب هالدعاء

انا اكبر خواتي.. واذكر ايام المراهقه كانوا خواتي شارين ارنوب صغيرون و مستانسين عليه و يلعبون معاه .. بس لما تصير حزت تنظيف مكانه كلهم كانوا يتهربون ما يبون ينظفون .. فكانت منو اللي تنظف مكانه !! المسعده اختكم المرتاحه باعتبار اني انا الكبيرة واللي راح تتحاسب قبل الكل .. و كل يوم على هالحال و اهاوش خواتي ابيهم ينظفون لان الارنب اساسا مو لي واهم شارينه حقهم ووعدوا ابوي انهم يهتمون فيه بس ماكو فايده .

قمت دعيت وانا مقهوره ومحتره قلت عسى تيي القطوه و تاكله و افتك منه عساه الموت ان شا الله.. وكانوا خواتي يسمعون ..وكل وحده تقول حرام عليج اهو شنو ذنبه

والله العظيم ثاني يوم سمعت خواتي يصيحون ؟!!! لييييش؟؟ لان الارنب نحاش من القفص وطلع بره و يت القطوه و عضته برقبه وخواتي ما لحقوا عليه الا لما فات الاوان و قام يتلفظ انفاسه الاخيره

انا من يومها بطلت عيني و اخترعت حتى من نفسي اشلون ربي استجاب دعائي بالحرف الواحد.. بس بالنهايه عرفت انها هذي هي دعوة المظلوم ما بينها و بين الله حجاب

سبحان الله