دعوه للنقاش: هل مايدرس في المدراس..

[البارونـه]

السلام عليكم
ادعوكم كويتيات للنقاش بموضوع المدارس
هل من وجهة نظركم مايدرس كفيل ببناء جيل متعلم مثقف وناجح
هل تهتم المدارس بشكل ممتاز بالقيم الخلاقيه؟ التاريخيه؟ العلميه والادبيه؟

فكرت بهذه الامور وانا الان طالبة في الجامعة
بغض النظر عن الي ادرسه لان بالجامعه نتخصص لكن بالمدرسة المفروض نتعلم من كل العلوم
من حوالي 5 سنين بدأت بالقراءة بالبداية بدافع التسلية والمتعة
لكن الان بدافع تنمية الافق الادبية والعلمية واللغوية
لحد الان ومع عدد الكتب الجيد الي قريتهم ما احس اني وصلت لمرحلة اني افهم واحس اني فعلا "مثقفة" اقدر اناقش واتحاور لكن بامور قليلة
حسيت بلحظه ان احنا فعلا ماكنا نتعلم شي يستاهل في المدارس
وطبعا انا اقصد مدارس الخليج بشكل عام لانها اتبعت في السنوات الاخيره نظام التركيز على التدريس باللغة الإنجليزية وتطوير المعدات الدراسية واستبدالها بالالكترونية واهمال جوهر المواد والدروس
وبهذي الطريقة فشلنا ببناء جيل متعلم ومثقف وصار الدور ان نثقف نفسنا بنفسنا وبجهدنا "للي فعلا يبي هالشي"
اهملت مدارسنا تدريسنا القرآن من حفظ وتجويد وتفسير ابسط السور
اهملت الرياضيات والفيزياء والكيمياء والاداب
اهملت الاخلاق وتعزيز اللغة العربية

هذي وجهة نظري ، انتظر ارائكم
شكرا

 

[المحاميه ن]

شكرا على الموضوع القيم
بالفعل إن التعليم يهمل جوانب ويركز على بعض
لكن الحياة ليس فقط انكليزي
ولكن الاهم غرز الشخصية والتركيز على المناقشه الجادة
والحوار البناء وخاصة في هذا الزمان
الذي اصبح فيه النت كل شئ يمكن دخلت بغير موضوع
لكن حتى الاسرة عندما تجتمع تشوف الكل ساكت
لان كل واحد داخل في عالم اخر من خلال الموبايل والاجهزه الاخرى
يقال ان التعليم في الصغر كالنقش على الحجر

سلمت واشجع خطوتك في التثقيف
وياريت الكل يعمل هالخطوه

 

[البارونـه]

المحامية ن
اتفق معاج
فعلا العلم مو لغة فقط ، اللغة تكتسب وهي مجرد وسيلة وضروري نركز على الجوانب الثانيه
اسعدتني مشاركتج

 

[رحيل المرافيء]

صحيح انه مناهجنا مو زيادة
بس ايضا طلبتنا مالهم خلق دراسة مايبون يدرسون مايبون يتعلمون
والاهل يساعدون في ذلك همهم ولدهم يطلع الاول ويصم المنهج ويسمعه بالامتحان وخلاص
الثقافة لاتعتمد على المدرسة لا البيت كذلك
المدرسة والمناهج تعطي من كل بستان زهرة وعلى البيت ان يعمق هذا الشي بتشجيع الابناء
على القراءة ووممارسة الهوايات المفيدة

 

[سلطانة الاحساس]

كويت اصعب دوله خليجيه مناهج

 

[البارونـه]

رحيل المرافيء
طبعا وهذي ناحية ثانية تأثر بالموضوع
البيئة والأهل ضروري يشجعون عيالهم عشان يتثقفون سواء بالمدرسة او بنفسهم
شكرا على مشاركتج

 

[البارونـه]

سلطانة الاحساس
انا مو من الكويت الصراحة ، بس بشكل عام السنوات العشر الي فاتوا سمعنا وايد شكاوي عن تردي "التعليم" في الخليج
وحتى احنا عندنا الدراسة صعبة لكن باشياء غير مهمة وفوق مستوى الطالب
شكرا على مشاركتج

 

[Tom ♥ Jerry]

,


برايي بالكويت عندنا " المنآهج " فاشله جدآ ..
و الكل يشتكي منها

 

[البارونـه]

Tom ♥ Jerry
بصراحه الخليج كله بالفتره الاخيره صار فاشل من هالناحيه
وهذا الشي يأثر على الأجيال اليايه
شاكرتلج مرورج

 

[البارونـه]

samia1133
المشكلة أن حتى التربية صارت فاشله
فـ لو كانت موجوده كان ماشفنا حالات الشذوذ وافعال قوم لوط المنتشره وبكل وقاحه في مجتمعنا اليوم
اتمنى انج فهمتي كلامي