بسم الله الرحمن الرحيم
السلام عليكم
حبيت ادعوكم للنقاش حول موضوع مهم يتدخل في حياة كل واحده مننا
و راح أقسم النقاش الى حلقات او دفعات علشان يتسهل على الكل يقرى ويتابع الموضوع و يشارك فيه
************************
الموضوع الاول
** إذا قامت الخادمه بكسر أحد الآثار الموجودة في البيت و كان غالي شوي
أو قامت الخادمه بإسقاط أحد الأواني المنزليه او مجموعة أواني
أو أحرقت ملابس غاليه او جديده بالكوي
كوني صريحه و جاوبيني
شتسوين؟
و راح أجاوب اول وحده فيكم
بالنسبه لي انا نرفوزه شوي ... و لكن لما حدث و كسرت خادمتي أطباق للطبخ مباشرة تمالكت نفسي و قلت لها خلاص ارميهم في السله..
ما أدري شلون صارت بس الحمد لله ما كبرت الموضوع و الحمد لله بعد ما كانت غاليه
و لا قلت السالفه لزوجي و لا طولتها و هي قصيره و خليت الموضوع يمر عادي
لكن عادتها و كسرت طبق ثاني و همن مررتها لها على خير و بينت لها عدم اهتمامي
لكن لما حرقت حجابي الجديد الصراحه ما تمالكت نفسي و عصبت بس شوي مو وايد لاني كنت ابيها تستمر عندي فتره طويله ... على العموم الخدامه راحت قبل موعدها و الظاهر اللين اللي اتبعته وياها اهو اللي خرب علاي
لكني قريت بموضوع لبنت الكويت عن الخدم تقول
لما ينكسر شي في البيت سجلي عندك في دفتر و قولي لها باخصم سعر الغرض من معاشج ( اللي اصلا انا محتفظه فيه عندي و مو معطيتها اياه علشان يتجمع في مكان أمين )
شرايكم بنات ايهو الصح؟
أتمنى تفيدوني
أمل الحلوه
