بنت.المطيري
New member
السلام عليكم
شلونكم بنات
تكفون اقروا موضوعي لي الاخر ..انا مابي احط بذمتي شي ..
قبل سنة تقريبا او اقل كنت اسئل عن هالعلم ..وقريت وتعلمته
واقنعت ناس فيه ..وشفت فيديوات الدكتور صلاح الراشد واقنعني انه القانون ..له علاقه مع ديننا الاسلامي
وسمعت من قبل عن فتوى من دكتور في الشريعه تحرم هالعلم ..
لكن..
ما اقتنعت لان ماقريت نص الفتوى ..وقلت يجوز الشيخ مايعرف العلم هذا وكل شي يديد الناس تخاف منه وتحرمه
بس من فترة.. سئلت داعيه عن هالموضوع ..وقالتلي ان في ناس وايد على قدر من الدين منخدعين بهالعلم وقاعدين ينشرونه على اساس انه شي حلال وانه يساعدنا حتى في اداء فرائضنا الدينية ..
ويوم طلبت منها تشرحلي الموضوع وليش اهو حرام ..
قالت:
لكن احنا بهالعلم نجزم ان النتيجه يت من هالعلم ومن قانون الجذب ..(لو فكرتوا معاي شوي ومنو اللي يجذب الاشياء لنا وشلون تنجذب ..بتردون علي ..الطبيعه !!!)
\
\
امانه هذا مو تفكير الملحدين ؟؟..يعتقدون ان كل شي من الطبيعه سوا نفسه بنفسه !!
طيب وين دور الخالق سبحانه ؟؟ وين دور الدعاء ؟؟ وين اراده الله ؟؟
هذا كله نسفناه ..
اوكي يمكن في بعضكم ..يفكر نفس ماكنت افكر ... ان احنا نطبق هالعلم عشان نجذب الاشياء لنا لكن بالنهاية نعلم ان الله لو ما اراد هالشي ماراح يتحقق ..
ولكن وين الاستعانه بالله ؟؟؟
ووين التوكل عليه سبحانه ؟؟
وين التذلل له وطلب الرزق منه وحده ؟؟
اعتتقد ان اللي يطبق هالعلم بيقل ايمانه ..وممكن استغفر الله تخرب عقيدته من الاساس :0bee2e8d89:
واللي تقول نطبق هالعلم وندعي الله والنتيجه على الله ..هذا فيه (شرك) ادري الكلمة كبيرة بس هذا الصج
انتي كأنج تدعين مع الله اله اخر ..اله مجهول ..تطلبينه وترجين منه تغيير القدر .. وتطبقين طقوس معينه عشان تنفذين شريعته صح بالاخير يصير اللي تبين
---
بنات الداعيه كلمتني بالمنطق مع اني كنت من اكثر المتعصبين لهالعلم وكنت ادعي له ..
بس كللللللللللش ولا شي يمس عقيدتنا وديننا ..الواحد ممكن مايكون متدين وممكن يكون عاصي وعنده ذنوب الدنيا
لكن اهم شي عقيده تكون صافيه ماخالطها الشوائب ..اهم شي ان عقيدته ان لا اله الا الله وان محمد رسول الله (اللي معناها ..ان يؤمن بالله بأنه الاله والخالق الرازق المدبر لكل شيئ ولا معبود بحق سواه)
بالنهاية ودي اضيف لكم معادلة بسيطة..
من طبق العقيده والشريعه يكون على دين الله ومتبع الطريق اللي يؤدي الى النجاة (لان محد يدخل الجنه بعمله ..كلنا تحت رحمة الله)
ومن طبق الشريعه دون العقيده فقد هلك..وكفر
ومن طبق العقيده دون الشريعه..هذا انسان عاصي سالك غير طرق النجاة من عقاب الله
ماودي ان احرم او احلل على كيفي ..انا طرحت عليكم ادلة عقليه منها كل وحده تقيم عقيدتها وتقيم بينها وبين نفسها اذا هالعلم صح او غلط ..وكل وحده بالاخير لها الاختيار..انها تتكبر وتتعصب للعلم او انها تحاول اول شي ترضي ربها وتعرف طريج الحق ..
انا كتبت هالموضوع عشان ابري ذمتي ان كنت خربت عقيده اي احد او شجعت على هالشي
راييي حاليا ..والله اعلم
ان ممكن نستفيد من هالعلم
مثلا تغيير شي بإيدكم انتوا كبشر ..
مثلا تحسين صفة ماتحبونها بنفسكم ..
او اعتقاد معين ..او معالجة خلل في نفسيتكم
(فممكن تستخدمون هالعلم لشحن عقولكم بالشي الايجابي اللي تبونه )
لكن في الاشياء اللي من القدر هذا كله بإيد الله وحده ومستحيل نفكر ان بكتابتنا على ورقه راح نجذب القدر لنا ..
هذا اما ايمان ان الطبيعه لها دور في خلق الاشياء !!
او ممكن بدون ماتدرون انتوا قاعدين تجذبون المخلوقات الثانية انها تساعدكم في جذب اللي مو قادرين عليه ..وهذا يعتبر نوع من انواع السحر ..(على حسب كلام الداعية )
وخصوصا اذا انتوا تؤمنون بوجود القرين ..فكلنا ندري ان هالقرينبيسوي اي شي عشان يفسد عقيدتنا
والشيء بالشي يذكر..
تعرفون علم التخاطر ؟؟ يقولون اذا فكرتي بشخص ..وركزتي ..راح يدق عليج او تسمعين خبر عنه
حقيقه هالشي اهو ان قرينج يروح ويتصل على قرين هالشخص وبس!
بالدين هذا تفسيرة ..
اما العلم ..يقولج الطبيعه مالطبيعه مادري الهالات
الهالات توصل لكيلومترات معينه مو اكثر
اما اذا ليلحين تعتقدين ان هذي الطبيعه..الله يهديج
ادري في ناس راح تعارضني بس هذي وجهة نظري اللي توصلت لها بعد معرفة الدين ودراسه العقيده وفهمه الفهم الصحيح والله اعلم
ومابي من هالطرح اي شي غير وجه الله
وان كان في انتقاد ياليت يكون بالادلة والحقائق ومايكون فيه تحيز للعلم ..واللي تبي تكتب رد ختخاف الله وتبتغي وجهه قبل ان تكتب رد ممكن يؤثر في عقيده الناس بدون ماتدري
العلم نور والجهل ظلام <<حلفي :eh_s(22):
اللهم اهدنا الى السراط المستقيم ..ولاتزغ قلوبنا عن الايمان بعد اذ هديتنا
اللهم علمنا ماينفعنا وانفعنا بماعلمتنا وزدنا علما
