دعالتي الزايده و زوجي

[حان الليل]

قوه كويتيات


انا بدش بالموضوع على طول و افضفض انا صارلي خمس اشهر متزوجه بنات مادري شفيني من تزوجت ازعل على اتفه الاشياء و اغار من كل شي و اطنقر عالريال المسكين احس اي كلمه منه اتنرفزني حتى لو غشمره كرهت حساسيتي الزايده حسيت ان بيمل الريال و علاقتنا مو قويه مثل قبل و السبه دعالتي الزايده يعني مثلا امس نشوف فلم اجنبي و طلعت هالممثله اللي بالبكيني جان اموت حره و اطنقر اي ليش مادري يمكن لان مره قايل يحب اجسام الاجانب و انا انقد على روحي لان كله الشيسمونه بالظلمه و مره قالها على غشمره هذا انتو يالكويتيات كله ظلمه ... بنات شسوي مادري شسالفتي والله​

 

[ام الدرر]

حبوبة
الظاهر هو يراضيج ويدلعج اذا زعلتي وانتي مستغلة هالشي
لازم تتحكمين باعصابج وتضبطين نفسج
لان الريال له طاقة وقدرة تحمل
باجر بيمل من زعلج ويطقج بالطوفة
اذا صادفتي موقف يضايقج حاولي تسكتين ما تتكلمين عشان مايبين عليج
او قومي من المكان سوي روحج بتييبن شي من المطبخ او بتروحين الحمام لما تهدين رجعي
واذا فرضنا فلت لسانج او بينتي هالشي
لا تطولين ردي سولفي عادي وتغشمري وياه
وقولي كنت اتغشمر بطفرك
رددي بينج وبين نفسج
((انا انسانه هاديه وما اعصب ))
((مافي شي يستاهل ازعل نفسي او اضايق زوجي))
هذي يسمونها برمجه للعقل الباطن
شوي شوي حاولي راح ان شالله تتحكمين باعصابج
ولا تنسين الدعاء بتسخير نفسج وزوجج
عسى الله يهديج ويصلح حالج حبيبتي ​

 

[ام زهقانه]

مع ام درر

 

[عتآق الخيل]

الله يسخرهـ لك
واختي ام الدرر كفت ووفت
.~

 

[معلمة شيسمونه]

عادي اول شي كله مشاكل طبيعي ترى

وشحقه تغااااااااااااااااااااارين من صجج ؟؟

انا ان قال على وحده حلوه اقوله تصدق اي والله صاج فلانه حلوه
واذا طلع ممثل حلو هم اقوله فلان حلو وسيم محد يزعل اصلاااااااااااااااااااا


الغي القنوات اللي ما تعجبج بس لا تزعلين نفسج حيل

 

[بنوته ستايل]

ياحرام هو شكو اذا طلعت وحده بالفلم لابسه بكيني..

ترا ولله الرجال يحط ف باله انج ماعندج ثقه بنفسج وهالشغله تنفر الرجال منج..لان اهم شي ثقتج بنفسج..


مرات نشوف حريم يلوعون الجبد مافيهم ذره جمال الا ان زوجها يموت فيها ونموت ونعرف السبب....من تحليلي ان يحبها من ثقتها بنفسها وهالثقه مخليه زوجها يشوفها احلئ وحده..

مالومج ع الغيره لان انا غيوره درجه اولئ بس احاول قد مااقدر مابين غيرتي الا بالشديد الاوي لان الرجال راح يعرف نقطه ضعفج واذا بغا يغثج يضرب ع الوتر الحساس..


حاولي تكتمين ولاتبينين له كل شششي وطوفي الي يتطوف..عشان ماتخسرين زوجج..

 

[هويتك]

عودي نفسج تطنشين هالاشياء التافه

ترا الريال له طاقه وبعدها بيمل منج

وبيبدا ينحاش ويسهر وانتي السبب

اجذبيه لج

واذا طلعت اجنبيه بالبكيني المفروض ماتزعلين بالعكس

قوليله انا البسلك احلا منها واحلا بكيني

 

[منـــاي]

لوووووول زوجج ضغيط الحال من بعضه ؛)

 

[سماء الاحساء]

الأخوات ما قصروا وأزيدك السنين الاولى من الزواج تخليكم تفهمون بعض اكثر وانتي لسه توك حاولي تطبيق اللي قالوا الأخوات

 

[manoooram]

حبيبتي خلج وااااثقه من نفسج
وحاولي تتحكمين بأعصابج ومو على كل شي تتضايقين

 

[رنيم الروح]

حبوبة

الظاهر هو يراضيج ويدلعج اذا زعلتي وانتي مستغلة هالشي
لازم تتحكمين باعصابج وتضبطين نفسج
لان الريال له طاقة وقدرة تحمل
باجر بيمل من زعلج ويطقج بالطوفة
اذا صادفتي موقف يضايقج حاولي تسكتين ما تتكلمين عشان مايبين عليج
او قومي من المكان سوي روحج بتييبن شي من المطبخ او بتروحين الحمام لما تهدين رجعي
واذا فرضنا فلت لسانج او بينتي هالشي
لا تطولين ردي سولفي عادي وتغشمري وياه
وقولي كنت اتغشمر بطفرك
رددي بينج وبين نفسج
((انا انسانه هاديه وما اعصب ))
((مافي شي يستاهل ازعل نفسي او اضايق زوجي))
هذي يسمونها برمجه للعقل الباطن
شوي شوي حاولي راح ان شالله تتحكمين باعصابج
ولا تنسين الدعاء بتسخير نفسج وزوجج

عسى الله يهديج ويصلح حالج حبيبتي ​

كلامي من كلام الاخت ام الدرر
وانتي توك في بداية المشوار حاولي تفهمينه

 

[اميره^_^بحلآها]

مع إم درر

 

[حان الليل]

مشكورين بنات بحاول اطبق اللي قلتوه ما قصرتوا

 

[M!SS.LOBY]

الله يسخره لج ويهديه

 

[عسل حدي]

لوووول انا عكسج
ماحب الا بالنووووور علشان انا اشوف واهوا يتمتع ماحب الضلمه

 

[Patcholli]

مع ام الدرر حبيبتي

ترى الريال اول شهور يدلع بس اذا شاف تدقر وزياده بالدلع بيقول هاذي تمصخها كل ما ادلعها واراضيها تتغلا زياده وتطنقر صدقيني راح يتغير وانتي الي بتتحسفين

 

[امـ خــزامـى]

^^^
مع الحلوووه

 

[Pinky -cat]

حبيبتي اول فترة يكون جذي حتى انا نفسج هههه بس فعلا بديت اراجع روحي واطوف شوية وامشي السفينة مثل ما يقوولون
عشان لا يمل ويزهق الريال .

 

[Zinab BH]

حبيبتي خلاص الريايل شبعو من شي اسمه مفاصيخ لان بكل مكان
بالشارع تلقينهم بتلفزيون تلقينهم
واذا قالج شسمه في الظلام انتي سووي جو و سوو بالضوا يمكن اهو يحب جي
عادي شفيها واذا انتي تبين بالظلام خلي الاضائة خافتة شوي
و حبيبتي عادي كلنا جذي انا بعد صار لي خمسة اشهر متزوجة مثلج
ساعات يطنقر وساعات اطنقر على مانتعود على بعض
بس انا اكثر اطنقري قبل ماتيني الدورة بأسبوع و وقت الدورة
اصير حساسة اصير زعول و اصيح و اعفس الدنيا
اهو في بداية زواجنا مايدري شسالفة و قمت قدمت له مقال
عن الحالة النفسية في الدورة الشهرية للبنت
فتفهمني ,, وانتي يمكن بتيج الدورة او شي من جذي تكون حالتج جذي
عادي حبيبتي تتعودين لا تخلين في بالج و مشي اللعب

 

[وردة وطني]

مع ام الدرر
والبنات ماقصرو
بس عادي شفيه لو الليت مفتوح احس شي طبيعي بنسبه لي بس عودتي نفسج يبا هذا زوجج وحلالج
والله يوفقج