دشيت شهري.. وأحاتي النفاس!! عطوني الزبدة

[FuSheYa]

السلام عليكم

شلوونكم وشلون الثقل معاكم

الله يسهل عليينا يارب

انا دشيت شهري صارلي جم يوم
مع أن هذي ثاني حمله بس حدددددددددي احاتي النفاس!

انا بأول بيبي ماخذيت حسو وأعشاب وهالسوالف بس هالمره ودي أخذ

فاللي عندها خبره أو معلومه الله يخليكم أبي الزبده... ومابي شي جايد ابي شي بسيط اقدر استمر عليه لان كل مازادت الجيله راح اتعييز ولا راح التزم!!

اول شي الحلبه متى أخذها ومتى اوقفها؟
الزعتر أو الدارسين متى أخذهم؟ وهل في انواع جاي اعشاب ثانيه اقدر اشربها؟

والحسو واللهوم شنو مكوناته؟ ومتى أخذه؟


انا اللي اعرفه لازم تمر اسويه مع الرشاد
غير الحليب مع زعفران وهيل حق الريوق

والبارت الثاني من سؤالي ههههه

الكورسيه متى البسه؟
وهل الرداده صج منها فايده والا بس تضيعه وقت عالفاضي؟ لأني اشوف بعض البنات يمدحون والبعض يقولون ما منها ذيج الفايده......




ومشكووووووورين ماقصرتوا
أتمنى تفيدوني لان صج ما بقى شي وودي اتزهب من الحين


الله يسهل علي وعلى كل حامل ياارب ويرزق كل محروم الذريه الصالحه ان شاءالله

 

[ffanr]

اب. اب

 

[احساس نادر]

الحلبه تاكلينها لمده ١٠ ايام او اسبوعين بالكثير والتمر مع الرشادبس ديري بالج لا تسوين غلطتي انا نفاس الحين باول انفاسي كنت ارضع البيبي واكل التمر مع الرشاد عوره حييل في بطنه مسكين يتعصر وخروجه ماااي وفيه ريحه الرشاد فقطعت الرشاد وكليت تمر عادي لين وقفت رضاعه

الكورسيه البسيه من ثاني يوم واذا تقدرين اول يوم انا لبسته طووول الوقت حتى وقت النوم وحيل فادني وعدل جسمي صار مخصر ماشالله وشويه كرشه لابد منها ههههههههه

الرداده اليوووم انا طالبتها لي ٢٨ يوم نفاس امبيه رووووعه جسمي كان ميبس ويالله امشي وظهري يعور يعور الله يجزاها خير ردتتني وسوتلي كاسات هوا ريحت ظهري صج لازم تجيبين رداده

 

[روح الأحزان]

الله يسهل عليج حبيبتي

 

[ملكه الحطب]

الله يعييينج انا الحين نفاس ولايعه جبدي منه لانه صج تعب الحمل والولاده بصوب والنفاس بصوب

 

[امـ خــزامـى]

الله يهون عليك

اول شي الحلبه بس 10 ايام انقعها مع الحليب وبهالطريقه ماطلعتلي ريحه و20 يوم الاخيره رشاد
تمر مع شوية رشاد
ووطول النفاس اشرب قهوه خاصه للنفاس اخذتها من حرمه تجنننننن يقولون هي اللي تشيل البطن وتنظفه وتنحف

وشاهي اعشاب يتكون من يانسون وكمون وبابونج ومراميه
وشاهي دارسين مع زنجبيل


وكثري لحم بروتين وسلطاااات وخضار
ولاتاكلين لاعجين ولا رز ترى مامنها فايده بس حق السمنه

الحلويات لا تااكلينها ابد ابد عشان تنحفين

وامشي نصف ساعه


عطيتك نظام خفيف ومفيد وصحي واهم شي عن تجربه

موفقه حبيبتي

 

[Aloe Vera]

انا بالنسبة لي ولدت مرتين بس ماخذيت لا حسو و لا هالسوالف

مجرد اشرب اشياء دافية زعتر و دارسين و زنجبيل و حبة حلوة و هالسوالف حسب المزاج مالي برنامج معين
و اكل عصيدة مع بيض الصبح اذا اشتهيت
و غداي عادي مثل الايام العادية بس ساعات اكل قبوط

و الحمدلله مافيني الا العافية و ما اشتكي من شي و بعد النفاس ماعندي كرش لان اكلي صحي و ارضع طبيعي
و ما استخدم ردادات لان بصراحة اخاف على روحي و احس شغلهم خربوطة و ممكن يضر من كثر التفقص بروحه الجسم تعبان
المساج معقول بس شغل الردادات انا ابداً مو مقتنعه فيه!

 

[نبض قلبي M]

اب

اب

 

[توتو ستايل]

الله يسهل عليج حبوبة وتولدين بالسلامة
بالنسبة للردادات حجي فاضي ما يعرفون ماشفت وحده زينه
وبالنسبه حق الحسو والقبوط واكل النفاس ناخذه من وحده ماشاءالله عليها شاطرة
اي سؤال عالخاص لاني ما ارجع للمواضيع

 

[M!SS.LOBY]

الله يهون عليج

 

[<miss botamba>]

انا الي اعرفه لبسي حزام عادي نفس مال الحمل ورضعي طبيعي كثر ماتقدرين يرد جسمج طبيعي

 

[FuSheYa]

حباااااااايبي مشكوورين ماقصرتوا

واميين يارب ياحلو دعائكم
الله يسهل علي وعلى كل حااامل يااارب
والله يعين اللي بالنفاس ومبروك ما ياهااا

اللي بسويه الحين
الحلبه اول 10 ايام
اذا الله قدرني ورضعت ( لان اول بيبي ماكنت اعرف وماكان يطلع حليب من عسارتي وعسارة البيبي اسم الله عليها! ههه)
راح اخلي الرشاد اخر الايام او اخففه مع التمر


بطيحله جاي اعشاب
وماعندي غير اللحم!
انا ما اكل دياي



تكفووون بنات شنو قهوه النفاس!؟؟؟؟

 

[فيلجاويه كيوت]

تعلمت من المنتدى هالطريقه نسيت اسم صاحبتها جزاها الله خير

اول 10 ايام حلبة تفوحينها وتحطين معاها حليب اذا ماتحبين طعمها

اليوم 11 تبدين باللهوم ويستمر لي 35 يوم

الزعتر قبل النوم يوميا ينظف

الحسو يوميا من اول يوم لي اخر يوم

الرشاد مع التمره

خلطة قشر القهوة مع الدارسين عجيبه

 

[FuSheYa]

حبيبتي فيلجااويه مشكووره ماقصرتي

بالنسبه لخلطه قشر القهوه؟ شنو اهيا بالضبط! هل اهيا نفسها قهوه النفاس؟
وشنو مكوناتها ماعليج امر؟