دشوا اقروا موضوعي وادعوولي :(

[حبيته من قلبي]

السلام عليكم بنات شلونكم ؟؟









موضوعي عن كل وحده وتجاربها مع الدعاء شكانت تقول وجم المدة اللي استمرت واهي تدعي وهل الله استجاب او لأ ؟
انا من زمان وانا ادعي ربي ان يجمع بيني وبين شخص وان يكون من نصيبي بالحلال ويكون زوج صالح لي ويرزقني منه الذريه الصالحه صايره ادعي بكل وقت وبكل صلاة وبكل سجدة ان الله يجمعني معاه وبرمضان وخصوصا بالعشر الأواخر الح واكرر وادعي ربي من قلبي ان يجمعني معااه بالحلاال وحتى قايله حق رفيجاتي ادعولي لأن الدعاء يكون مستجااب وللحين ادعي والموضوع حيل شاغلني مو قادره انام من التفكير واتفزز واذا فزيت قمت ادعي وادعي لمن انام بس استغفر الله ماشوف شي تغير ومرات اشوف الموضوع يتعقد زياده , ماادري هل هذا معناته ان هالشخص شر لي وانه مو زين والله مايستجيب دعاائي او بعد ربي بيشوفني ادعي اكثر واكثر ؟؟
منو صار وياها مثل هالموقف ؟ شكانت تسوي وشنو كانت تقول ؟
بليز ذكرولي كذا موقف والله من كثر ما الموضوع شاغلني قمت ادش قوقل واقرا موضوعات جذي بس عشان ما اوقف وازيد بأدعيتي
وبليز بناات ادعولي ان الله يجمعني معاه بالحلال عاجل غير اجل ماكو شي مستحيل وبعيد عن الله مع ان سالفتي متعقده شوي ومستحيله بس دايما اقول ماكو شي بعيد ومستحيل عن الله وان شاءالله الله بيستجيب دعائي وبيصير

والله يوفق كل وحده ترد علي :*

 

[black rose BH]

لاتدعين بهالشي
ان الله يرزقني هالريال لو شنو كان بالحلال !
انتي ماتدرين شنو الخيرة
يمكن تاخذينه ومايكون زين وماتعيشين سعيده !
واي دعاء وبآي صيغه
ربج يعرف شنو الي ببالج وشنو الي بقلبج وبيختار لج الشي الصح والي يخليج تستانسين بحياتج
اول شي ثقي بالله سبحانه وتعالى
ووكلي وفوضي امرج له ..

انه عن نفسي اذا بدعي للزواج
اقول هالشي ..
يالله ارزقني بالزوج الصالح الي يقيني عن الحرام ويسعدني . .


ردي مخربط لوووول عاد اعذريني فيني نوم بس حبيت ارد عليج
:$
الله يجمعج مع الي يحبج ويسعدج يارب

 

[Patcholli]

الدعاء مو بالمده الدعاء بالطريقه والكيفيه اللي تأدينها لرب العالمين
ساعات الواحد من نيته الصادقه وتوجهه الخالص لرب العالمين يوصل دعائه ويستجاب بنفس اللحظه
وساعات واحد يظل يظل يدعي سنين بدون فايده ولا نتيجه لان قلبه ونيته مو خالصه لرب العالمين او يدعي بدون يقين او بدون ثقه
اهم شي الثقه والتوجه لرب العالمين بكل روحانيه وبنيه صااااادقه
صلي ركعتين لله وعقب ماتصلين سجدي وبالسجود ادعي بكل اللي بقلبج فضفضي اللي بقلبج وصبيه على على سيادتج
حتى بجي ابجي جنج تكلمين اقرب شخص لج
وطبعا رب العالمين اقرب لج من حبل الوريد لازم تتأكدين ان الله بهاللحظه معاج وتكلمي بكل شفافيه بدون تكلف تكلمي جنج تكلمين امج او اكثر انسان ترتاحينله
وحافظي على قيام الليل والصدقه بهالفتره
بالنسبه لي مريت بطرف صعب جدا ماهقيت ان بيوم من الايام راح القى حل لمشكلتي لو اقولج شنو الظرف ماتصدقين والله ان شعر جسمي كش لما انحلت المشكله وشفت ان الطريج قاعد ينفتحلي بكل بساطه وبدون ما اتعب وهذا بسبب الدعاء حتى وانا بالفراش قبل لا انام واغمض عيني كنت اتكلم ويا ربي واقوله يارب رجيتك حل مشكلتي ومثلج كنت افز من النوم وساعات ابجي عالمخده وادعي وارد انام .. كنت مخليه ربي معاي بكل ثانيه من حياتي سواء بالدعاء او بالقلب او بالتفكير ..
والحمدلله مثل ماقتلج انحلت المشكله مثل لمح البصر بطريقه خياليه ولله الحمد ..

 

[BaiTotia]

ياااااااااااارب ربي يجمعج معاه بالحلال

ونفس كلام باتشولي

أهم شي طريقتج وصدقج بالدعاء والثقة إن الله راح يستجاب لدعائج مو تدعين بس باللفظ ماعرف أشرح لج بس سمعي محاضرات الشيوخ باليوتيوب

والصدقة

والإستغفار

ورددي آمن يجيب المضطر إذا دعاه ويكشف السوء

وأدعيلي معاج:*

 

[جامعيه كويتيه]

؛
اختي بقووولج شغله انا مريت نفس حالتج بالضبط
كنت ادعي يارب ارزقنياه بالحلال وغصب الا ابيه وكل ما ادعي تعقد السالفه اكثررر
ويجون يخطبوني غيره وادعي يارب ماتزوج الا هو يارب تخررب السالفه

والله يالغاليه مرررت ع سالفتي شهور وعرفت سوالف وبلاوي عن الرجال قلت سبحان الله جد كان الامر خيره لي وانا ما ادري
اختي فيه اشياء احنا ماندري عنها صدقيني .. ربي سبحانه اللي يعلم

نصيحه يقلبي ادعي ربج بالخيررره والرزق الحلال ..؟؟ والله سبحانه وتعالى يقل للشيئ كن فيكون
تصدقي وادعي بين الاذان والاقامه وصلاه الليل
وعسى ربي يفرج همج ويسر امرج يارب

 

[ام حسين 80]

البنات ما قصرو
اللي الله كاتبه لج بيصير
لا تخلين الشيطان يغلبج و استمري بالدعاء
و ان شاء الله ربي يكتبلج النصيب الزين سواء كان هو او غيره

 

[قمرية الفيس]

انتي ماراح تاخذين الا نصيبج وصدقيني الله ماكتبه لج الا لمصلحتج والله يكتبلج كل شي فيه خير لج

 

[نبض شرياني]

شوفي حبيبتي لا تصيرين ع الشي وتقولين وتدعين الا اهو تبينه غصب دام قاعده تصير ثغرات ومعوقات ثقي بان ربج قاعد يبين لج لكن انتي مصره عليه

لا قولي اللهم ياجمع الناس في يوم لا ريب فيه اجمع بيني وبين الزوج الصالح الذي ترضاه لي وثقي ربج بيرزقج باحسن واحد ان شاءالله دامج توكلتي عليه وفوضتي امرج له

متى تخصصين اسم الشخص اذا تقدم لج واخطبج تصلين الاستخاره وتدعين بالدعاء المعروف

يعني انا لما اقعد اردد واقول اللهم اني فوضت امري اليك وتوكلت عليك وانت خير المتوكلين اللهم ارزقني الزوج الصالح الذي ترضاه ليي يارب لانك تعلم الافضل لي وكلي ثقه فيما ستخاره لي

وتقربي من ربج بالاستغفار والدعاء ومدحه باسمائه الحسنى والثناء عليه وكوني ع وضوء دايما

هالحديثين كافيين ووافيين

انا عند حسن ظن عبدى بى فليظن بى ما يشاء

 

[sarona_s90]

ابذلي بالاسباب واللي الله كاتبه بيصير وتأكدي محد يأخذ الا نصيبه واذا كان في خير عسى الله يجيبه لج و اذا مافيه خير لج عساج تلقين الخير مع احسن منه ياارب