(دزيت فلان للخياط...)وفلان ينفي بشده!!!

[le3bah]

قوة بنات,,,,,,​

العنوان له قصه طريفه صارت قدامي ، وحده من اهلنا​

تسولف لي عن بدله خيطتها و كان زوجها قاعد معانا ،المهم ​

قالت بالحرف الواحد والله مالقيت الكلفه اللي ابيها ودزيت ​

فلان(طبعا تقصد زوجها)للخياط..،هني زوجها تضايق:eh_s(14): وقال ​

لاوالله كان خيَاطج على دربي مو علشان دزيتيني على قولتج..​

طبعا هوواضح انحرج مني ،، اماهي ردت بكل برود وشفيها اذا
قلت جذي انت معقد !! ​

بالنسبة لي اشوف انها غلطانه بالتعبير المفروض تقول ​

وصيت فلان مثلا او قلت لفلان اذا تقدر تمر الخياط مو أمر ​

مباشر ،،،موضوعي انتم شرايكم بالزوجات اللي ماتفرق معاهم ​

طريقة الكلام مع الزوج قدام الناس ...اتمنى انكم فهمتوا قصدي​

وناطره آراءكم:edbf4317b9: ​

 

[غارقة بأحزانها]

السلام عليكم

طبعا الوحدة لازم تحترم زوجها في كل الأحوال
وفي كل مكان وزمان
وتراعي كلامها جدام الناس ومو بس جدام الناس
حتى بينها وبينه
شنو تقوله انت معقد والله لو اقول حق ريلي جذي
جدام الناس وااااااي مادري شراح يصير

 

[iLLuMinaTion]

احترام الزوج واجب

 

[swanyway]

احس الكلمة طلعت عفوية منها ومو في نيتها شئ شين , ولو ان ريلها طوفها قدامج كان مااحد حس بشئ بعدين لصاروا بروحوهم تفاهموا ونبهها اكيد ماراح تكررها

 

[الشيخة@]

رفع لعيونش

 

[PuPa^^SWeeT]

واضح انها تسرعت بالكلمة

بس شكلها اتعرف اسلووبها ماكان المفرووض اتراادد

وبعديين اكييد بيزعل كلمة دزييت جنج اتقولين انه سايق عندج


طبعا بين الرفيجات ميانة و اريحية ممكن اتقولها اذا تدري انهم مايزعلوون

بس الريال ومرته لازم فيه حدوود شوي خصووصا جدام النااس مو حلوة بحقه

 

[جوانا2011]

عفوا ..اسلوبها مو محترم وما فيه ريحة الذوق... ولاحد يقول عفويه لانها لوعفويه ما زعل الرجال ولوعفويه ما ردت عليه
هذا رايي..

 

[احلى من القمر]

انا اجوف ان الغلط مو بكلمه دزيته الغلط يوم قالت إنت معقد شحقه ماتحترم ريلها

 

[*ريما*]

انا ماشوف انها غلطت في كلمة دزيتة
وخير ياطير لو سو شي حق زوجتة
بس غلطت يوم قالت معقد

 

[عاشقة_الجمال]

ما ادري انا ما احس ان اهي قصدها شين بالمووضوع

اهي قاعده تتحجى عادي وطلعت منها الكلمه

 

[** محبوبه**]

أحب الوحده أذا تكلمت عن ريلها تنقي أفضل الكلام وتوصفه فيه وهو مو موجود وشلون أذا كان موجود معها؟؟؟
أحترام الزوج واجب مو بس لان قدام الناس أحب أقوله جذي لا لأنه شريك حياتي ويستاهل الكلام السنع
مو هو شغال عندها تقول دزيت :-(
​

 

[Zen&7ala]

عيب الصراحة هذا زوجج حتى لو ميانه معاه احترميه جدام الناس

 

[كويتية بروما]

واي ماحب هالنوعيه يعني ماتخش شي كل شي تسولف فيه حتى مشاوير قضتها مع زوجها شنو الداعي لدكرها جدام الناس او اي احد
انا اللي اشوفها انها بزر وحدها سخيييييييييييييييييفه واتوقع شهادتها ابتدائي

 

[مسك الجنه]

اشوفها كلمه عاديه بس معقد غلط تقولها​

 

[خـورآفيــه]

صرآحه إسمحيلي مآتستحي على وجههآ أهم شي إحترآم الزوج إذا إحترمتيه بيحترمج ويقدرج .. ~

 

[حالة حنان]

"مافي احد ما يغلط"

 

[tmtmt]

صح غلط
بس مرات تطلع منا الكلمات واحنا مو قاصدين والعكس صحيح
اهما بعد مرات تطلع منهم كلمات مو قصدهم

يعني سوء تفاهم عادي

بس الغلط يوم اصرت على غلطها وقالت انه معقد !!

 

[فلنتينو]

انا اشوفها كلمه عاديه يعني موقاصده تقلل من قيمته

 

[somalian girl]

عييب وكمان المفروض ما تحكي عنه وخصوصا قدامه

 

[Sugar cube]

صج انها لازم تنتقي ألفاظها عدل قبل لا تتكلم ، بس حرام شكلها قالتها بعفويه


بس ما يازتلي يوم قالت انت معقد !!
احترم الزوج واجب ، سواء جدامه و لا من وراه ..


تسلمين حبيبتي .