دزتكم يا عرايس....

[أم حمني المزيون]

فيدوني يا عرايس شلون كانت دزتكم وشنو كانوا حاطين فيها وشلون مزينينها بلييييز ناطرتكم

 

[المتـ ف ـائله]

كانو جايبين صندوق كبير شكله حلو ومزينيه من برا من بياع الورد شكله يجنن

لم تبطلينه كاتبين آيه واسامينا <<< فديتنا

واول شي الشبكه والساعه ودهن عود وبخور

الدرج الثاني عطور

الثالث المهر

الرابع مصحف

طبعا كل شي كانوا مزينيه وحاطين بيبي لايت والفلوس كل ألف بشرايط وفيونكات

وكان الله غفور رحيييييييييم

 

[أم حمني المزيون]

مشكووورة على الرد يالغالية والله يسعدج يااااارب
بعد أفكاركم..؟؟؟؟؟

 

[L A T T E]

صندوق من محل العطورات =)

رف فيه مصحف و الدبلة .. رف فيه عطور و رف دهن عود و بخور و رف فيه الفلوس..

ومزينين من داخل بورد مجفف .. بس =)

 

[حرم_طيار]

رد : دزتكم يا عرايس....

انا= دزتي صندوق اكبير في يمكن اكثر من 20 عطر فرنسي مشكله كل امغلفين وحاطين اوراق ورد جوري

اختي= صندوق خشبي بالنص حاطين مصحف والفلوس على الجوانب

اخوي= من عطر المحسين شرينا صندوق خشبي يهبل من فوق في عطور ودهن عود و بخور و معمول وبالادراج حطينا الفلوس

 

[أم حمني المزيون]

للرفع

 

[مدام زيزو]

رد : دزتكم يا عرايس....

عطور شرقية وغربية
ساعة للريال والمره
دبل
عباية كشخة مع شيلتها
مصحف وثوب وسجادة كشخة

 

[نبتة خير]

أم حمني هذا رابط فيه دزة عروستنا (مرت أخوي الغاليه )

http://www.q8yat.net/showthread.php?t=641389

 

[≈ ω ђ ṃ]

رد : دزتكم يا عرايس....

^^

آنآ دزتي كآنت صندوق متوسط الحجم ~

ولمآ تبطلينه حآطين آسآمينآ ~>

والفلوس ملفوفه بـ فيونكآت ~

ودهن عود وبخور

=)

 

[SHOOQ8]

طاوله كبيره مثل مالت الدوه وعليها بالداخل صنوقين لونهم ابيض ناااصع واطرافه شوارفسكي حفر عالصندوق والطاوله ,
بسراحه الصندوق يننن وشكله متكلف فيه مو سوالف ورد وصناديق الشايع والعربيه لا نجاره وشوارفسكي بس لما فتحته انصدمت لا شبكه ولادبله ولا ساعه بس مبخر ودهن عود وبخور والمهر وعليهم براويز باسمي واسمه وكلام دين بنفس ديزاين العلب اللي فيها البخور والعود

 

[جلاديلياس]

انا دزتي كانت صندوق فيه الاساسيات والمهر

 

[ام خدود ورديه]

انا دزتي كانت اتهبل
صنودق اسود برمادي ابسيلفر او مايتبطل يطلع الدعاء اللي اهوا اللهم بارك لهما
واسامينه
وبعدين كل شي داخل مغلف
كانت جنطه لويس فيتون وبوك وساعه من بربريز او دهن عوود او عطور فرنسيه
كانت اتينن واهلي كلهم استانسوو عليها
فديت حبيبي وذوقه والله

 

[أم حمني المزيون]

نبتة خير وباجي البنات ...مشكورييييين حبايبي على الردود وااايد استفدت منكم ....