دزة العروس تنزل العروس وإلا لا ؟

[ام دودو المزيونه]

المتعارف عليه العروس تنزل لييوا اهل المعرس بالدزه الغريبه يوم ودينا دزة اخوي ما انزلت وامها تقول طالعه عندها شغل تخلصه ( سيارتها واقفه بره البيت ) وهم عندهم خبر بييتنا من فتره يعني ما طبينا فجأه عليهم هل هالشيئ عادي ان العروس ما تنزل واخوي حرام والله متكلف بالدزه وكانت حدها فخمه ومن ذوقه ابروحه وكان حاب العروس تشوفها جدامنا ويعرف ردت فعلها علي ذوقه:klhfl: وخالتي اخت امي كانت معانا وما شافت العروس واستغربت ليش ما استقبلتنا , امها وخالاتها بس الموجودين حتي اختها مو موجوده عادي الوضع وإلا لا

 

[blue diamond]

حياتي على حسب تقاليد عايلتهم
يمكن عايلتهم لا ما يصير العروس تنزل على اساس انها بتجهز او انه بس باقي جم يوم والحفله فمايبون يخربون زهوتها وتطلع لكم غير أحلى
في عوايل لا العروس تنزل مثل عايلتنا العروس تنزل وتسلم على الكل وتضحك وعادي بالعكس لان هذا يوم دزتها اهيا مو غيرها يعني الحاضرين يستانسون بيوم دزتها اكثر منها اذا ما احضرت ؟؟؟

 

[bedour18]

احنا عندنا العروس ما تنزل للدزة بس الحريم الكبار مثل الام الخالات العمات الجدات ........ جذي يعني

على قولة امي : العروس لازم تكون ثقيلة و تستحي مو تترزز بالويه عيب



لما تشوفون العروس مرة ثانية سألوها عن رايها بالدزة و وصلوا الخبر حق اخوكم عشان يستانس

الله يهنيهم انشالله و يتمم عليهم يا رب

 

[سمو الأثير]

ما أدري والله يمكن البنت وايد خجولة وتستحي ..

وبعد يمكن على حسب العادات والتقاليد .. يمكن عايلتهم جذي غير

بس احنا عندنا لازم العروس تنزل وتكشخ وتسلم على الحضور

 

[math2020]

انا الي اعرفة ان العروس ما تنزل بس خوات العروس وامها

 

[ام دودو المزيونه]

مشكورين حبيباتي ما قصرتوا انا قلت يمكن امها ما تبينا نشوف البنت الي وقت الملجه ( تغليها ) مع ان شايفينها من قبل مع المعرس وسولفت معاه وايد مرتين يعني كانت نازله من قبل ( احنا ودينا الدزه قبل الملجه ) الي راح يحددونها لأن عل قولت امها راح يسوين حفله للملجه بالبيت وتري اهم مثلنا بالتقاليد (حضر ) يعني العروس تنزل هذا الي اعرفه ما فيها عيب لأنزلت تسلم وامها متعلمه يعني مو مره عوده تحافظ علي التقاليد والله انا افكر ليش ما انزلت هل العروس مستحيه او امها ما تبيها تنزل مع انها قالت الأم راح تتصل العروس علي المعرس تشكره علي الدزه والهدايا
ابي تجاربكم بالموضوع انا واختي نزلنا حق دزتنا وكشخنا وسلمنا علي اهل المعرس شرايكم بالموضوع

 

[روحي أمي]

مشكورين حبيباتي ما قصرتوا انا قلت يمكن امها ما تبينا نشوف البنت الي وقت الملجه ( تغليها ) مع ان شايفينها من قبل مع المعرس وسولفت معاه وايد مرتين يعني كانت نازله من قبل ( احنا ودينا الدزه قبل الملجه ) الي راح يحددونها لأن عل قولت امها راح يسوين حفله للملجه بالبيت وتري اهم مثلنا بالتقاليد (حضر ) يعني العروس تنزل هذا الي اعرفه ما فيها عيب لأنزلت تسلم وامها متعلمه يعني مو مره عوده تحافظ علي التقاليد والله انا افكر ليش ما انزلت هل العروس مستحيه او امها ما تبيها تنزل مع انها قالت الأم راح تتصل العروس علي المعرس تشكره علي الدزه والهدايا
ابي تجاربكم بالموضوع انا واختي نزلنا حق دزتنا وكشخنا وسلمنا علي اهل المعرس شرايكم بالموضوع

حبيبتي عااادي لاتحاتون جذيه!!يمكن البنت تعبانه ولاشي ثاني مستحيه مثلا ...فأعذروها ...وبعدين اهي راح تدق عليه وتبلغه بأن ذوقه حلو وجذيه...حرام لاتحسسون اخوكم ان انتم متضايقين ليش مانزلت وجذيه...ماتدرين شنو الظروووووف..والله يباركلهم ان شاء الله.:klhfl:

 

[84 Miss Chocolate]

يمكم صارلها ظرف توهقت ماقدرت تنزل احنا لازم تنزل البنت عندنا و يكون في عشا خفيف بيوم الدزه و الف مبرووووووووك و لاتفكرون واييد

 

[ام دودو المزيونه]

خواتي لا تضنون انا احنا زعلانين لا حشي بس استغربنا حتي امي عادي عندها بس اخوي مسكين ضاق خلقه يوم دري انها ما انزلت و قام يوسوس ويستجوبني كان يبيها تشوف الدزه ونبلغه بردت فعلها ( لأن مثل ما قلت لكم اهوي الي امسوي الدزه ومتكلف حده بالهدايا ) يقول علشان تعرف اني شاريها

 

[faith1]

احنا عندنا العروس ماتنزل... عادي اكيد مستحيه او عندها ظروف لاتوسوسون