دريت عند خدامتي اللي ما صارها 6 أشهر موبايل .... شنو اسوي؟؟؟

[rawaa]

السلام عليكم ... دريت أ ن خدامتي مالت البيت عندها موبايل و أنا حاسه من كثر الهدوم اللي ما تكويهم ... شرايكم ؟؟؟ افتش دارها أو أنادي ريلها (اهو بالكويت) وإلا اقولها أنا دريت وييبييه؟؟؟

 

[mimi fawzi]

واذا عندها موبايل شنو المشكله؟؟؟
انا سامحه حق كل خدمي بموبايل
على الاقل جدامي احسن من وراي
صدقيني مادام مسويه شغل البيت عادي

 

[rawaa]

لا مو جدامي يايبلها ريلها من وراي !!!!!!!!

 

[a7la_NoNa]

بقولج شغله يا قلبي ..

دش الموبايل على بيتج معناته بيباي للشغل + السهر والقعده متأخر انتي لو سامحه لها مو مشكله

بس انها تييبه من وراج مشكله وماخفي كان اعظم

انا امي يايبتلها خدامه ماصارلها شهرين لقت وياها موبايل ماتدري من وين ياها ؟؟

يديد وحتى معاش ماستلمت ................!!

وهي حتى لو بغت تدق على اختها اللي بالكويت ..

تصوروا تييب التليفون حق امي تقول ماما دقيلي ماعرف ادق << شوفو العياره ؟؟؟!!!!

انا رأيي الخدامه تبينها تركز بشغلها وتنتبه حق البيت

قطعي عنها النقال + الهياته بالسكيكـ

لأنه هو اساس خرابها وسأليني انا مع تجربتي المريره وياهم عن بلاويهم ............!! :0bee2e8d89:​

 

[كويتية صغيرة]

الموبايل اساس الخراب

احد من اقاربنا خدمهم عادي كلهم عندهم نقال و قديمين عندهم صار لهم سنين و اهم واتقين فيهم

بالصدفة اكتشفوا

بالصدفة

انهم اذا المعزبة تروح الدوام

وحدة من الخدم تدق على ناس و تعطيهم من ماجلة البيت تبيعه عليهم ، اذا في 4 دجاج بالبيت .... تروح تعطيهم دجاجة مع قطعة لحم مع شوية خضرة .... مع فواكه مع ملح و شكر و معكرونه.... يعنى من كل شي شويه علشان محد يحس اذا نقص شي ...... وصار لهم سنين على هالحال يبيعون من الماجلة حق العمال اللي بره ..... و كله مواعد بالتلفون النقال ........وقت دوام المعزبة يلعبون لعب بالبيت و كله الضحى وقت الدوامات

سفرتهم كلهم المعزبة و جابت غيرهم و حرمتهم من التلفون النقال
و قالتلها اذا تبين تكلمين اهللك مايخالف بس استأذنى و اخليك

 

[شيــوخه]

والله التلفون خراااااااااااااااااااااب تسهر بهليل وتقوم ثاني يوم مالها خلق شي لا يهال ودها اتجابل ولا شغل ودها اتسوي تبي تناام

عندنا خدامه هم نفس الشغله تلفون عندها ومعزبتها تشوف شغلات عليها وفوق هذا كله السانها طاااااااااال والاضافر والصبغ ععلى الاضافر

وجانا الشتا وطلعت المعزبه للبررر والمعزبه ماتدري انه عندها جوال ويوم قامت مره الفجر تبي اتصلي ولا اتنادي خدامتها اتنادي خدامتها مافييييييييي احد اثاري الخدامه امواعد الحبيب بلبررررررر وكل ماتنام المعزبه تتصل عليه وتروح معاه وقبل لا يقعدون الصبح تجي هي بس باين عليها انها مو ناييييييمه بس تتثاوب
نصيحه اسحبي منها التلفون وقولي لزوجها لا يجيهاااااا

 

[rawaa]

مشكوريييييييييييييين

على النصائح حبايبي كويتيات تلقينهم اذا بقيتيهم

 

[برونزية رشيقة]

والله التلفون خراااااااااااااااااااااب تسهر بهليل وتقوم ثاني يوم مالها خلق شي لا يهال ودها اتجابل ولا شغل ودها اتسوي تبي تناام

عندنا خدامه هم نفس الشغله تلفون عندها ومعزبتها تشوف شغلات عليها وفوق هذا كله السانها طاااااااااال والاضافر والصبغ ععلى الاضافر

وجانا الشتا وطلعت المعزبه للبررر والمعزبه ماتدري انه عندها جوال ويوم قامت مره الفجر تبي اتصلي ولا اتنادي خدامتها اتنادي خدامتها مافييييييييي احد اثاري الخدامه امواعد الحبيب بلبررررررر وكل ماتنام المعزبه تتصل عليه وتروح معاه وقبل لا يقعدون الصبح تجي هي بس باين عليها انها مو ناييييييمه بس تتثاوب
نصيحه اسحبي منها التلفون وقولي لزوجها لا يجيهاااااا

صح لسانج بكلشي قلتيه ..... نفس أللي بقوله بالضبط ..... !


وقصتج مادري قصة أللي تصير لج نفس قصتي مع خدامتي الأولية بالضبططططططططططط :0bee2e8d89:

 

[مشغوله و محتاسه]

امممممممممم !! ما ادري ...

شغالتي عندها تلفون .. و اول ما يابه لها واحد من اهلها بالكويت يت و ورتني اياه و قالت اذا ما ترضين ارده ..

فآنا احترمت نفسي و قلت لها ماعليه ... لانه دش اساسا بدون علمي و كان بامكانها تخشه لين القاه انا !


و للامانه المره كبيره و تقرق وايد فيه .. بس مو معطلها عن شغلها و تقوم الصبح قبل الكل و مرات تقعدنا للدوام بعد


التلفوات الحين مشكله ... اتدش بيوتنا طيب و لا غصب ... خلوها بالطيب ابرك


امي هم لقت تلفون عند شغالتها ... و خلته عندها و تعطيه للشغاله متى ما بغت اتدق ..


يعني انتي شوفي شنو يناسبج و سويه ..

 

[انصاريه قمره]

حبيبتي انا قبل كنت من مؤيدين الموبايل للشغاله اما الحين لأ والف لأ شغاله خالتي كانت زينه وشغوله وتهبببببببببببببببببببببل من يوم ما صار عندهااا موبايل اخترببببببببببببببت قامت تسوي الشغله جنج تطرين منهاااا و 24 ترضع حتى واهي تكوي واهي تغسل واهي تكوي اختربت وقامت ما تقوم بشغلها
بس انا انشاءالله لي يبت شغاله راح اشتريلها موبايل اعطيها اياه اتكلم لمه تخلص شغلهاا وبعدين لي خلصت تسكره وتعطيني اياه وبليل وقت النوم ما اعطيهاا علشان ما تسهر وتييلي باجر مالها خلق الشغل

 

[الماسه الفضية]

شوفي حبيبتي أنا كنت من المعارصين أنه تكون الخدامه معاها تلفون وكم مره اقول مابي ولا وحد يكون معاها تلفون لانه خدمي ثنتين بس ماقدرت مع اني حيييييل شديده ما ادري اهم جايبينه من ويييييييين ما ادري فما اقدر خلاص كل الخدم الحيين معاهم وحده تخرب على الثانيه وكيفهم دامن الشغل مضبوط وكل شي ابيه يتنفذ خلاص ليش اعور راسي بكيفهم وبعدين عندي اهم شي لا يحقدون على الجهال وهذا اهم شي عندي....:tek::tek:

 

[--منوره--]

انا اشوف اغلب الخدم عندهم موبايل واذا ماعطيتيها بطيب بتيبه من وراج فالاحسن اتكونين عارفه ان عندها موبايل وانا عن نفسي خدمي عندهم موبايلات وشغلهم مسوينه\ واذا بتحاسبينها على كل شي بتعبين نفسج وبعد بتحقدعليج بس مو معناها كل شي هم اطوفه وبصراحه واهم شي اعيالي كل شي اهون علشان خاطر اعيونهم بعدين والله لما تفكرين تقولين يعني متغربه ويايه تشتغل عندي وهاده بيتها وعيالها وماتطلع ولاتروح وبس تكرف يعني مايحقلها تتكلم مع اهلها او رفيجتها شويه

 

[sara999]

والله شوفو بنات الموبايل مو غلط اهي بعد آدميه بس وين الغلط
الغلط انه تكون حطته من وراج اوضح اكثر
يعني اذا اهيا ما استلمت معاش !! وتلاقين عندها موبايل مميز وسعره ما تقدر عليه !!!! وبعدين ما طلعت ماراحت ولا يات شلون عنها موبايل ؟؟؟ وبعدين ماعنها قرايب !!! منو يابه لها للبيت ؟؟ معناته عندها احد يدخل بيتج مني انتي تخافين
بس انها واضح هوياج وموبايلها وتقولج انها بتحط موبايل وتشتريه تحت نظرج او تدرينمنو بتوصي يجيبه لها عادي
بس انا كلا اخاف من عيال الحرام الي يطفشون خدمنه

 

[بناتى هم حياتى]

مفروض تكون مستأذنه منج

 

[meyou]

انصاريه قمر انا نفس الحاله بصارحه توني موديه خدامتي كانت اتيييييين من احسن مايمكن بس التلفون طاح بيدها و انا عطيتها على اساس تكلم ولدها و اهلها بس للاسف و خربت الخط زين و قالت انا حطيت رقم السري غلط و انا طبعا ماصدقتها كلللللللللش بس عطتني خمسه قالت ابي الوطنيه مدام قلت اوكي يبتلها بس من اهنييييييييييي ضاعت البنت و لمن شفت التلفون لقيت الوطنيه عندهم خدمات سهله و اهمها الو جات و طبعا اهي ماتتعرف الا على ريايل و بس هبتلي ابي اطلع بالشهر مره قتلها لا بس عااااااد مديل ويها من يوم قلت لا تغير صرت ماعرفها و ديتها قبل امس المكتب .............. التلفووووون اكبر غلللللط تبي اهلها عادي يبولهم كرت و يتصلون من البيت اذا من الاساس حسسناهم من البدايه بالرقابه و ان البيت له قوانين بس يحترمون نفسهم

 

[اكابر]

انا عن نفسي من معارضين التليفون بس شسوي ماعندي تليفون بالشقه وااذ داومت لازم اتصل اطمن على اليهال فمخليه عند خدامتي تليفون وبس ارجع اخذه بس انا مطمنه لانه خدامتي ماتعرف حق التليفون

 

[وبعديين]

انا لو ماعندهم اجيب لهم.
شاسوي لازم ادق كل شوي اشيك على عيالي.
الموبايل صار ضروري للكل.