السلام عليكم ورحمة الله وبركاته
وعيدكم مبارك وعسي الله يعيده عليكم بالخير والأيمان وتقبل طاعتكم ...
مادري يمكن موضوعي وأحنا أول أيام العيد المفروض الواحد يكون متصالح مع الناس ومع نفسه قبل والعيد علي قولتهم فرحه من بعد شهر عباده بس مستحيل ماكو بيت مافيه مشاكل أو خلافات لو خلاف بينج وبين أختج أخوج أو أي بهالدنيا تعرفينه... ومع ذلك لما يصير خلاف وتتصافي النفوس عند أي زله يقولج أو تقولج أنا مانسيتلج أللي سويته قبل فتره أو علي بالج ناسيه سالفتج أللي قطيتيها وتحسين ليما ألحين متراكم شي عندهم عليج ــــــــــــــ
بس فيه أنسانه تنسالج وأطوفلج ولو شنو تسويلها أو تصرخين وتعصبين وتردين بعده بدقيقه وحده تلاقينها نست كل زله وكل حجوه قلتيها أهي أمج والله يابنات مادري شنو الشعور أللي أحسه بس خاطري أقول شنو فيني وأبيكم تشاركوني الراي أهي مومشكله كثر ماأهي شغله تحسين أنج غافله عنها وصحيتي بسرعه وفهمتي أنتي شنو كنتي عليه ألحين الناس صايره وايد حساسه وخصوصا الحريم علي أي حجوه تزعل لو أختج بنت أمج وأبوج تقولج فلانه شرايج بالشغله وبما أنج أختها بنت أمها وأبوها بتعطيج الراي الصح بتقولج لو لونها أو موديلها جذيه فيه أللي بتتقبل وتقولج صاجه لأنها عارفه موتأكده أنج أختها وماراح أتجذبين بس مو كل الخوات بتاخذ بالراي بتقول صاجه أختي بتقول لا غيرانه مني أسوء أحتمال لكن الأم غير بقولكم سبب كتابتي للموضوع اليوم يمعت العيد عن يدتي الله يطول بعمرها وتيمعنا أحنا وأهلنا وبعد ماخلصت اليمعه ردينا البيت وقعدنا أحنا وخواتي وحريم أخواني بالصاله ننطر الناس أللي بييون يهنون بالعيد أنا طبعي بنات ماحب الغلط وماعرف أكمت بقلبي ولو أنبه بطريقه ذربه وخصوصا أتجاه أهلي لما أشوف غلط أتحجي وأنبهم فيه أللي بتتقبل وفيه صراحه مايتقبلوون صارت شغله جدامي أطفرني بالبيت وتحجيت قلت ترا مايصير جذيه عصبوا علي خواتي وطنقروا والوالده هم زعلت علي معاهم وأدري سبب زعلها لأنهم خواتي ويايين عندنا أهما وعيالهم وماتبي تكدر خاطرهم المهم رحت صعدت لداري فوق وقعدت أفكر قلت لو ساكته وماتحجيت أبرك وفشله خواتي وعيد وهادين بيوتهم ويايين قاعدين عندنا أنا بروح أطيح الحطب بيني وبينهم لأن الحمدلله طبعي ماحب أهلي يزعلون علي لامن كبيرهم ولامن صغيرهم نزلت عندهم حاولت أتحرش بطيح الحطب كل وحده مشينه النفس وماتحاجيني وقلتلهم خلاص انا موقصدي واسفه بس الشغله طفرتني قاموااااااااا يعددون أخطائي من عمري 8 سنوات لما ألحين وانا في بداية الثلاثينيات وفوق هذا قاموا يحاجوني بنفسيه وأهما يتحجون تذكرت أمي طبعا قمت وحديثهم مستمر قلت بروحلها بشووف أهي زعلانه علي بعد لأن للأسف ذكرت خواتي ونسيت أراضيها لأنها أهي الأبد بالموضوع وأهي المهم رضاها رحتلها للمطبخ قلت يمه لايكون زعلانه مني لما تحجيت من ساع والله يابنات أنصدمت سوت نفسها ناسيه جان تقولي ماما أنتي ماسويتي شي عشان أزعل قلت يمه السالفه جان تقول عادي يامج تهقين بشيل بقلبي عليج والله العظيم بجيب ونزلت دمعتي فديتها وفديت الأرض أللي تمشي عليها ويارب أموت تحت ريولها وعسي الله ياخذ من عمري ويعطيها يارب دريت أهنيه الأم كل شي أنا أدري بهالشي من زمان بس أللي كدر خاطري رحت وراضيت خواتي بالأول أكيد خواتي لهم حق وخواتي وعلي عيني وراسي بس الأم أهي كل شي بالدنيا لاتشيل ولاتحط بخاطرها ولاتزعل ......... كل الناس ماتنسي خطأج ألا أمج كل الناس ماتغفرلج زلاتج ألا أمج تغفرلج يابنات ماوصيكم بأمهاتكم أهما بالدنيا كلها ولو شنو تسوي فيكم تنساوا مثل ماهي تتناسي ...
مادري سالفتي بالمكان الصحيح أو لأ بس يارب ياكريم أن الله يخليلي والدتي ويطول بعمرها ويخليلكم أمهاتكم ويطول بأعمارهم يارب ...
وجزاكم الله خير ....
وعيدكم مبارك وعسي الله يعيده عليكم بالخير والأيمان وتقبل طاعتكم ...
مادري يمكن موضوعي وأحنا أول أيام العيد المفروض الواحد يكون متصالح مع الناس ومع نفسه قبل والعيد علي قولتهم فرحه من بعد شهر عباده بس مستحيل ماكو بيت مافيه مشاكل أو خلافات لو خلاف بينج وبين أختج أخوج أو أي بهالدنيا تعرفينه... ومع ذلك لما يصير خلاف وتتصافي النفوس عند أي زله يقولج أو تقولج أنا مانسيتلج أللي سويته قبل فتره أو علي بالج ناسيه سالفتج أللي قطيتيها وتحسين ليما ألحين متراكم شي عندهم عليج ــــــــــــــ
بس فيه أنسانه تنسالج وأطوفلج ولو شنو تسويلها أو تصرخين وتعصبين وتردين بعده بدقيقه وحده تلاقينها نست كل زله وكل حجوه قلتيها أهي أمج والله يابنات مادري شنو الشعور أللي أحسه بس خاطري أقول شنو فيني وأبيكم تشاركوني الراي أهي مومشكله كثر ماأهي شغله تحسين أنج غافله عنها وصحيتي بسرعه وفهمتي أنتي شنو كنتي عليه ألحين الناس صايره وايد حساسه وخصوصا الحريم علي أي حجوه تزعل لو أختج بنت أمج وأبوج تقولج فلانه شرايج بالشغله وبما أنج أختها بنت أمها وأبوها بتعطيج الراي الصح بتقولج لو لونها أو موديلها جذيه فيه أللي بتتقبل وتقولج صاجه لأنها عارفه موتأكده أنج أختها وماراح أتجذبين بس مو كل الخوات بتاخذ بالراي بتقول صاجه أختي بتقول لا غيرانه مني أسوء أحتمال لكن الأم غير بقولكم سبب كتابتي للموضوع اليوم يمعت العيد عن يدتي الله يطول بعمرها وتيمعنا أحنا وأهلنا وبعد ماخلصت اليمعه ردينا البيت وقعدنا أحنا وخواتي وحريم أخواني بالصاله ننطر الناس أللي بييون يهنون بالعيد أنا طبعي بنات ماحب الغلط وماعرف أكمت بقلبي ولو أنبه بطريقه ذربه وخصوصا أتجاه أهلي لما أشوف غلط أتحجي وأنبهم فيه أللي بتتقبل وفيه صراحه مايتقبلوون صارت شغله جدامي أطفرني بالبيت وتحجيت قلت ترا مايصير جذيه عصبوا علي خواتي وطنقروا والوالده هم زعلت علي معاهم وأدري سبب زعلها لأنهم خواتي ويايين عندنا أهما وعيالهم وماتبي تكدر خاطرهم المهم رحت صعدت لداري فوق وقعدت أفكر قلت لو ساكته وماتحجيت أبرك وفشله خواتي وعيد وهادين بيوتهم ويايين قاعدين عندنا أنا بروح أطيح الحطب بيني وبينهم لأن الحمدلله طبعي ماحب أهلي يزعلون علي لامن كبيرهم ولامن صغيرهم نزلت عندهم حاولت أتحرش بطيح الحطب كل وحده مشينه النفس وماتحاجيني وقلتلهم خلاص انا موقصدي واسفه بس الشغله طفرتني قاموااااااااا يعددون أخطائي من عمري 8 سنوات لما ألحين وانا في بداية الثلاثينيات وفوق هذا قاموا يحاجوني بنفسيه وأهما يتحجون تذكرت أمي طبعا قمت وحديثهم مستمر قلت بروحلها بشووف أهي زعلانه علي بعد لأن للأسف ذكرت خواتي ونسيت أراضيها لأنها أهي الأبد بالموضوع وأهي المهم رضاها رحتلها للمطبخ قلت يمه لايكون زعلانه مني لما تحجيت من ساع والله يابنات أنصدمت سوت نفسها ناسيه جان تقولي ماما أنتي ماسويتي شي عشان أزعل قلت يمه السالفه جان تقول عادي يامج تهقين بشيل بقلبي عليج والله العظيم بجيب ونزلت دمعتي فديتها وفديت الأرض أللي تمشي عليها ويارب أموت تحت ريولها وعسي الله ياخذ من عمري ويعطيها يارب دريت أهنيه الأم كل شي أنا أدري بهالشي من زمان بس أللي كدر خاطري رحت وراضيت خواتي بالأول أكيد خواتي لهم حق وخواتي وعلي عيني وراسي بس الأم أهي كل شي بالدنيا لاتشيل ولاتحط بخاطرها ولاتزعل ......... كل الناس ماتنسي خطأج ألا أمج كل الناس ماتغفرلج زلاتج ألا أمج تغفرلج يابنات ماوصيكم بأمهاتكم أهما بالدنيا كلها ولو شنو تسوي فيكم تنساوا مثل ماهي تتناسي ...
مادري سالفتي بالمكان الصحيح أو لأ بس يارب ياكريم أن الله يخليلي والدتي ويطول بعمرها ويخليلكم أمهاتكم ويطول بأعمارهم يارب ...
وجزاكم الله خير ....
