"دراما الحموله ترا را را افكار تنفع لقصص المسلسلات "

[قصْر شآمخ~]

الموضوع يضحك ويبجي بنفس الوقت

 

[شهد العسل ومر]

عادي انا اول ما تزوجت مرت حماي تنقهر مني لاكشخت عروس بعد تبيني أشهب المهم كانت من قهره مني وبالنهاية سرقو اغراضي هي وبناتها بس كشفتهم أردو نص اغراضي الباقي ماردوه شئ يبط الجبد

 

[جوري الصالح]

:eh_s(3)::eh_s(3):لـــووول

 

[نسيم المحبة]

الحمدلله و الشكر
شهالأشكال
الله لا يبلانا

 

[عسل حدي]

ماشفو شي انا خالتي قصه من قصص الزمن يارب تنتهي

 

[Um Tuki]

انا لما كنت ساكنة معاهم ما ارتحت ضيقوا علي حتى حمام مارضوا يعطوني .. و غرفتان من كثر ماهي صغير غرفة النوم ماتكفيها !!!!

لين ما طلعت بشقة بروحي ..

وبعد لازم الحجي لابد منه بس احسن من غيري بوايد

اما أمـــــــــــــــــــي !!

يابخت مرت اخوي والله مافي مثلها

تموت عليها و تتهاوش معانا كلنا لين يبنا طاريها حتى الأكل لو سوته كريه امي تتغصب وتاكل تقول فلانة مسويته

طلعتنا من البيت عشان مرت اخوي تاخذ راحتها
وابوي كان يقول لي لين بغيتوا اتيون استأذني من مرت اخوج لا تضايقون عليها !!

صارت اهي الحبيبة وانا بنتها مو مهم تقول حياتها كانت صعبة وتبي تعوضها ..

بس بعد انا اقول عشان اخوي اهم شي هو مرتاح صرت ماروح بيتنا عشان خاطرهم

الله يرزقكم بأم ريل مثل امي !

باعوا بيتنا الثاين عشان ياخذون ارض لهم لأن هي قالت تبي بيت بروحها .. و سجلوها نص بأسمها و نص بأسم اخوي

الله يهنيهم

 

[عسل حدي]

الله يهنيهم

 

[قلبي سلومي]

هوب هوب بنات مثل مافي حمولة مو زينة هم مافي حريم اخوان زينين والحمولة زينة

لو اقولكم سوالف حريم اخواني تطقون على راسكم
كل وحدى مهرها بالشي الفﻻني وغير شقه مستقله ومطبخ وحمامين تكرمون وصالة وغرفتين

اول العرس امي مارضت عليهن ان ينظفن شقتهن قالت بدلعهن ويوميا خدامة تصعد وتنظف وتكوي بعد هدومهم طبعا مايحطن ايدهم بشي وﻻ يطبخون الخدامة تصعد ريوق غدا عشا وعلى راحتهم النزلة والصعده اخرتها شنو

اﻻولى من كثر الرفاله والوصاخه صينية الريوق واﻻكل تقعد لثاني يوم عند باب الشقه يخيس الجبن والبيض والريحه حدث وﻻ حرج و تخيلو سافر اخوي
وهي راحت ﻻهلها اسبوعين اهلي دقو على اخوي استأذنو قالو في ريحه وصخه بشقتج نخاف شي محترق وﻻ غاز سمح لهم تخيلو جدر شوربه من سافر مقطوط بالشقه وﻻ قالت اخذوهمرة كنت عند اهلي وتمكيجت بغرفه خواتي وﻻ المسكرة خالصه كلمتها واتس اب قلت بجي بغيت منج مسكرة قالت تعالي وﻻ صاله معفسة والشاي صارله دهر بالطاولة وﻻ تقرا قران القران يبيله مكان نظيف وﻻ تنزل الساعه 10 ونص وتصعد 11 بالليل
وﻻ الثانية موتها وغرامها اخوي عندها فوق قلنا كيفها وماتنزل كلش مرة انزلو وامي حياتي كل جمعه تطبخ غدا سمج حق ديوانية وبيت يمكن 11 سمجة شوية وبروحها وحر وﻻ وحدة تنزل وﻻ تمر عليها اﻻ اذا حطت العيش بالصحون بتوزع انزلن واخةي مرا يضاحك حرمتخ قدام امي قال تعلمي منها قالت اسكت بس مابي اتعلم وامي تطالعها وساكتة وﻻ تهاوشت مع خواتي تقول مو بيتكم بيتي طلعو برا خواتي ينقهرون ويجي اخوي ويغلط علينا يقول بيتها

تخيلو قبل يومين ابوي جايب ذبحتين وامي تطبخ وترجع من التعب وتستفرغ وترد تطبخ الحريم فوق قاعدات واخواني عادي يشوفون امي وساكتين ويوم حطت العيش بصحون التقديم نزلن بنات الحسن كلو ومشو ايدهن بالطوفة وامي طاسحه بالسرير ورجعن صعدن وحتا ساكتات ومتحملات منقهرات على امي ليش جذي بلعنه الحريم بس اخواني يشوفون امي وعادي ساكتين ويدقون على حريمهن انزلو تعشو بالله احد يرضى

ومرت اخوي تسولف ﻻمس فﻻن غازلني وفﻻن فﻻن

والثانية كﻻمها 3/4 جذب وامي ساكته

وكل وحدة تحش بمرت اخوي الثانية

وازيدكم من الشعر بيت مرة مرت اخوي الكبير نازلة بيجامة من غير لفه الله يرضى والثانية مرة نازلة من غير لفه والشعر مسوية تسريحه وللعم اخواني كلهم بيت واحد وطلعتهن ودخلتهم وحدى

مثل مافي حمولة مو زينة هم مافي حريم اخوان زينين

وللعلم للحين امي ساكته وصابرة تقول عشان عيالي ومخليتهم على راحتهم الحين الحريم كلش ماتطل بوجه امي وﻻ ينزلن يسلمن عليها

 

[HaMboOoSha]

٨٨٨٨

هلا هلا قلب سلوومي

امج ذهبه والله بس هذيلي مو متربيات عالسنع

وعلى قولتج مثل مافيه حموله زينه همن فيه چناين مو زينات


الله يعين الجميع

و شر البلية ما يضحك
قريت كل الردود
تضحكين و تبجين بنفس الوقت
واللي يشوف مصايب غيره تهون عليه مصيبته

 

[المشاعر تحبك]

الحمد لله الذي عافانا !!

 

[om 3zozi]

خلونا نكون صريحين

صحيح الموضوع مختص بعمايل الحموله وهوايلهم بس م يمنع نتكلم بالجناين

انا من وجهه نظري اشوف المره الطيبه واللي تتحمل هي اللي تاكلها وتتلعوز وما تعيش بهالزمن

باقولكم شسار مع امي وشهاده حق مو لانها امي اقول جي بس والله مصايب تبجي الصخر

امي يوم كانت جنه كان ابوي الكبير
وجدتي من اول ليله يات لامي تقولها ولدي متعود ع السنع مو تخيسينه وولدي حقي انا امه واولى فيه ولو سار ما سار انا الداخله وانتي الطالعه وحطي ببالج عدل ترى ولدي الف وحده تتمناه ومن هالحجي
وامي كان عمرها 16 يوم تزوجت واسكتت ودلعت ابوي وهو بنفسه يقول
المشكله بدت مع زواج عمي / تزوج بنت اخو جدتي وتصير بنت خاله يعني قرايب حيل
المشكلة ان هالمره ما جابت الا اثنين بنت وولد وامي جابت ثلاث بنات وثلاث صبيان
وبدأت الحرب

شقول وشاخلي

تشلخ وظلم وقهر
خصوصيه ماكو حتى بالليل جدتي تفتح الباب ع امي وابوي بددون لا تطقه !!!!!!!!!!!!!!!!

تتصوخ عند غرفتهم
اكل ما يصير تاكل الا مع الحموله واكلها غير عنهم
مرت عمي اكلها دياي ولحم وسمج وامي عيش مشخول

وتحملت وصبرت وابوي هو اللي قال لنا عن كل هالامور ويبوس امي براسها ويشكرها


المصيبه ويييييييييييييييييييييين
بمرت اخوي اللي هي بنت خالتي
تخيلوا تزوجت
امها خلتها وسافرت تركيا ثلاث اشهر
وامي جهزتهااااااااااا من كل ناحيه
مهرها شي وشيات
وبيت بروحها
مووووووووو شقه
بيييييييييييييييييت بروحها
شهر واحد بسس قعدوا بالكويت
وطاروا لندن اخوي كان عنده كورس قاعد يدرس برا وراحت معاه
كان بيخليها وامي قالت له حرام خذها معاااااااااك

وتفجأنا ان المره م تدق ولا تسلم ولا تسال عن امي
تدق وتتصل بس لو تهاوشت مع اخوي
وتدق وتغلط وتسب وتقول والله لاخلي اخووي يشق حلج ولدج

ليش !! لانه يدرس بالجامعه ومعاه بالكولج بنات

تخييييييييييييييلوا ! تقول كنت اقول لو تزوجته م اخليه يكمل دراسته اغار

بعدين امي هدت الامور بينهم وزفت اخوي وعقلتها

يقولها اخوي انتي لا تسوين لي فيها جنه وعمه مثل جدتي
امي انصدمت !!

قالت ما لي شغل بعد نهائيا فيكم حتى لو جت مرتك تشتكي والا انت تشتكي

مرت اخوي تحمل وتقرب تولد واحنا ما ندري غير جذي
اسرار بيتها حتى الخااااااااااااصه عند امها وخواتها
خواتها يدرون حتى عن وقت نووومها وحقها وغيررررررررررررررررره


فوق جذي شين وقوات عين
تجي تقول لامي انا وخالد تهاوشنا وقلت مرض يشيل امك !!!!!!!!!!!
شفتوا الوقاحه !!!!! ؟؟؟؟؟؟؟ وخالد يتستر عليهااااااااا

يت عندنا هني بالعطله هي ووياه
ومن صباح الله خير تخيلوا قعدت ع صوووووتها تصرررررررررخ وتهاووووووش

والله ليش لان امي قايله حق خالتي شرايكم نسوي عزيمه المولود ببيتنا
تبيهم يسوونها ببيت امها !!!!!!!!!!!!


ووالله لي الحين امي تشيل وتحط وطيبه حييل وهذيك كل يوم عن يوم تزيد لعانتها وما خفي اعظم


الله يعين

 

[راحيل العبدلي]

^
^


الله يعينكم على ما بلاكم صراحه ابتليتوا فيها ..

 

[مييريآ]

كل القصص تغث وتعور القلب

الله يصبرني على حمولتي ،،

 

[بنتي نور عيني]

رفع

الله يعينا ويعين الجميع
ويهدي الكل

 

[M!SS.LOBY]

لا حول ولا قوة الا بالله

 

[om 3zozi]

^
^


الله يعينكم على ما بلاكم صراحه ابتليتوا فيها ..

والله ابتلاء من قلب

وحتى لو قلتي لها شلونج توهقتي
وان م كلمتيها يالج هالاخو وشغل اسطوانته المعتاده

 

[أحـلام * ورديـة]

ااااااااه شفول وشحجي

والله كل ما اتذكر اللي سووه فيني بس هبابي يحترق قلبي واتحسب عليهم

وقاعده اقول الله كريم يوريني فيهم ايام .. وناطره هالايام بفارغ الصبر

 

[ام فله]

القصص كثيره

وعوار قلب


للمظلوم


سواء الجنه او الخاله او الحموات

بس في النهايه هي أقدار مكتوبه

واللي الله كاتبه بيصير

فنصيحه

تسامحوا فمصير الأجساد هو التراب

وتبقى المواقف ولا تبقى الوجوه

وكلن بيحصل عمله من زين وشين

والتسامح هو علاج للمظلوم وبلسم لروحه الطاهرة اللي نصره الله من فوق السموات

باستجابة دعوته

 

[M!SS.LOBY]

لووووول

 

[ام فله]

‫د. احمد عمارة كيف نتسامح مع الاخرين‬‎ - YouTubeبنات شوفوا هال فيديوا
للدكتور احمد عماره عن كيف تتسامح مع الاخرين روعه

والله أنا جربته

والحمد لله ارتحت حيل وريحت مخي