دراسه جماعيه للقدرات .. نبي ننجح لي متى!!

[~ miss NERD ~]

السلام عليكم بنات
ها بشروا بتدرسون حق القدرات ولا بتطنشون و تمشوون عالتشيير!!

انا مليت من كثر ما ادرس و اسقط
دشيت دورات ما فاد!
يبت مدرس و هم ما فاد!

شنو الحل!!

فكرت اسوي هالموضوع عشان نفيد بعض
اي سؤال ما عرفنا نحله من المذكره نكتبه اهنيي يمكن نلاقي جواب!

شرايكم!!

انا الصراحه وحده ابي انجح مابي اشد حيلي بالمدرسه و اييب نسبه و اخر شي تنخفس بسبة امتحان [عقيدي] :eh_s(4):

ها منو معاي!!

 

[بنتmbc1]

فكرة حلوه

لكن أنا ضيعت علي أمتحان القدرات مال هذه السنة

أعوضها السنة الياية

 

[الليدي ديانا]

معاج قلبا و قالبا

 

[~ miss NERD ~]

يا الله عيل نبدي!!
انا بعد شوي بدرس رياضيات و بحل على قد ما اقدر
عندي حلول المدرس للمسائل بدرسهم
و بخلي الكيميا باجر
بعدين اراجع الرياضيات
ديانا تمشين معاي!!

 

[الليدي ديانا]

أنا بديت رياضيات من امس وليحين قاعده ادرس..المسائل الحياتية إبداع
بس الكيميا قلت مابي ادرسه الحين بخليه حق الامتحان الياي

 

[~ miss NERD ~]

انا توني بديت
اذا وصلت حق الحياتيه
بحط جم حل من عندي اسهل من اللي بالمذكره
و اي سؤال انا موجوده

 

[الإسراء]

موفقين .. طاف علي التسجيل !!

 

[بنت ال q8]

تكفون بنات فيديوني انا ادبي وامتحاني يوم السبت انجلش وماا درست شيء....

قولوي شنو ادرس قواعد ولا كلمات...؟؟؟؟

 

[Miss Hayoon]

معاااااج مس نيرد انا اليووم بدرس

 

[Miss Hayoon]

بنااات شلون نعرف تفاعل الاحتراق

 

[~ miss NERD ~]

^ انا الكيميا ماني دارستله
بس تبين تعرفين
اذا عندج لي الحين كتاب الكيميا مال عاشر فيه انواع التفاعلات

__

امبيه امس دخت و ما كملت الرياضيات
وصلت عند الحياتيه!
بحاول اخلصهم مبجر
احلى شي ملوت المستطيل و المربع و مادري شنو
و اخيس شي اللي اخر شي حييل يدوخون الراس ;/

 

[~ miss NERD ~]

انزين بنات عندي سؤال
لما نبي نييب مساحة المعين ليش نضرب اول شي بــ 2!!
اهوا القانون 1/2 x طول القطرين
شكو 2 ما فهمت!!

 

[ريا&سكينة]

انا انجليزي وبدرسله ان شاء الله بالليل
الله يوفقنا يارب

 

[Miss Invisible]

ويي والي مادرس كللش

 

[شــــــــــــــوقــــه]

هههههههههههههه حلوه امتحان عقيدي

انا ما مداني ادرس ولا شي الحين ببدي رياضيات و الله كريم

 

[فوشيه كويتيه]

http://cmtd.kuniv.edu.kw/

فيه آمتحآن تجرييبي

 

[~ miss NERD ~]

بنات ما درست عدل رياضيات
و مالي خلق
بطنش ;/

 

[~ طـــواري ليل ~]

هاااي بنوتات

انا الصراحه بدرس و بشوووف مع اني واااثقه تماما اني بسقط فيه

الرياضيات يعني ما درسته عدل و الكيمياء حلو اما الانجليزي ما اترقع فيه خخخخخخخخخخ

و اللي تسال عن المسأله ليش ضربنا ب 2
لان مساحه المعين الضعف " حق مثلثين " يعني 2 ضرب مساحه المثلث الواحد

 

[~ miss NERD ~]

^ lمشكوره حبيبتي و الله يوفقنا

 

[~ طـــواري ليل ~]

العفو قلبووو