دخلو شوي بسولف لكم باشياء حازة بخاطري !

[ي حليليِ]

بنات عندي مشكلة '

كنت اتعالج عن شيخ ، ثلاث جلسات قعد يقرى علي
بس الجلسة الرابعة ي بنات وكانت الاخيرة من يومها من قمت اصلي !!!!!!

يصير فيني شي اذا صليت ، اتعب حيل حيل بالصلاة احاول اخلص بسرعهه ودوخ !

قبل امس صارت خلاف بسيط جداً جذاً مع اخوي لدرجة ان المفروض ما بجي

بس بجيت !!

وقتها كنت رايحة ادرس بجيت بحرقة حييل ماقدرت اتنفس وقلت خلاص مابي ادرس

امي جابتلي ماي وزيت زيتون وقران وقريت ع نفسي شوي وكل مالي وابجي اكثر

حسيت عيوني تحرقني ماقدرت اكمل
وكمللللت !

يوم جيت بدرس حسيت بحرارة بعيوني مرة ثانية
كرهت الدراسة !!

عيون البنات كلهم علي ، يقولون شلون تاخذين هالمادتين الصعبات بهالصيفي ؟ ماراح تقدرين تنحجين


تعبانة ي بنات حححدي ...


انا ماقدر حتى شقول كل اللي قلته فوق بوح بقلبي سوري اذا دخلت موضوع بموضوع



ولا ادري شنو ابي منكم الحين !! جد ...


مشكورين ع قرائتهم لموضوعي بس جد ماعندي غيركم اشكي له بعد الله ...


احبكم

 

[دلوعةمآمآ]

اولاً حبتك العافيه ,,واحنا نحبك فـ الله ..

انتي دخلتي 3 مواضيع بموضوع واحد

لكـــــــــن

بالنسبه للتعب والدوخه في الصلاه هذي وسوسه من الشيطاان مايبغاك ِ تصلين بس تعوذي من ابليس ولاتهتمين له ,والدليل مايجيك ِ لين تصلين !

وبالنسبه لخلافك مع اخوك لما بكيتي مُمكن انتي حسااسه او سمعك كلمه جارحه او كنتي تعبانه نفسياً من شأن كذا بكيتي

لاتهتمين عسسى عيوونك مااتشوف إلا دمووع الفرح يارب

وموضوع الدراسه حصصني عُمرك عن العين وأتكلي على الله ,,وعطيهم اللي يتكلمون أكببر طااف اهم ماعليك ِ مُستقبلك ..

الله يوفقك ويسعدك يارب ..

 

[ام فله]

حياتي ماتشوفين شر ان شالله

واهم شي حصني نفسج وحافظي علي الصلاة بوقتها خاصة الفجر

وخليج قويه


المؤمن القوي خير من المؤمن الضعيف


خليج قويه بثقتج بالله وفي نفسج انج قادره علي تحمل صعاب المرض

ومشقة الدراسة

ودائما ذكري نفسج في فرحة التخرج واستلام الشهادة

الله يوفقج

 

[جنون هاجري]

اول شي انتي معيونه وانصحك بقراءة البقرة كل يوم لمدة اربعين يوم
وباذن الله سوف تتشافي

 

[ي حليليِ]

مشكورين


الله يسعدكم ان شالله


دلوعه ماما كلامج يطيب الخاطر اللي يطيب بخاطرج


اب

 

[جذابه بنت ذيابه]

الله يوفقج ويبعد عنج العين

حبوبه داومي علي البقره و التزمي بالاذكار يوميا و حاولي قد ماتقدرين تكونين موقنه بالصلاه و الدعا ..

 

[مدّهره !]

تحصني بعد صلاة االفجر وبعد صلاة المغرب يومياً


ولاتوضحين إهتمامك بالدراسه لأي أحد لأن بيتشيفحون عليك


والبنات قولي لهم مو حبااً أو شطااره آخذ صيفي بس جذي بنحكر بالبيت وماكو سفره


فقلت أقزرهاا جامعه <<< عشاان يطخوون عنك



واراجعي الشيخ يمكن تحتاجين قررااءه زود ...’

 

[هناء - Hana]

مآتشوفين شر ي عمري بس حاولي تمسگين القرآن وتقرين هذا الشيطآن قآعد يوسوسج والگل يصير فيه جذي او يمكن الدرآسه متعبتج تعوذي من الشيطآن والله يوفقج ❤

 

[ي حليليِ]

فديتكم الله يسعدكم م تقصرون والله بدون استثناء

اليوم حلممت حلم اهوذ بالله منه قمت وصليت لي ركعتين

جد جاني ياثوم كتم على صدري


بنات انا مابي منكم فير شيءين !:
اول شي ابيكن تدعون لي بالصلاح والهداية

والله اشياء كثيره نفسي فيها بالدنيا بس الواحد اذا كان ربه راضي عنه ًومهديه؟
سبحان الله يشوف كل شي صغير قدامه


وثاني شيء اللي عندها رقم شيخ يقرى والله واللخ والله والله لادعيلليها دعوة من كل قلبي
وماراح انساها

انا ماقدر امسك القران وماقدر اصلي
من كل شي اخافه




الله كريم ~

 

[غـلآوي ّ ~]

لآتخلين الاستغفار علئ طول إستغفري و اشربي مآي زمزم وآجد

ربي يحفظجّ♡

 

[M!SS.LOBY]

ما تشوفين شر ان شاءالله

 

[ريمة القحطاني]

كنسلئ المواد عطوكي عين


دوامي مع الشيخ والقراءة ولو تاخذين من اثر البنات الئ يقولون ماتقدرين علئ المواد البلاء منهم وتتروشين فية

يكون افضل

 

[عبق الزمن الجميل]

ماتشوفين شر حبيبتي
روحي لهم ولا تستحين خبرتهم انك تعب انه مؤ قادرة تواصلين دراسة المواد وتفكرين توقفين إكسير عينهم
الله يبعد عنك كل عين حسود
ولا تنسي الاستغفار والتسبيح واهم شي التحصين بعد الفجر والمغرب

 

[ام عائشه وعمر]

حبيبتي عليج بالمعوذات الثلاثه

الاخلاص 3 مرات

الفلق 3 مرات

الناس 3 مرات

قبل النوم

ومن تصبحين

ومن تطلعين من البيت

حديث شريف

قال رسول الله صلى الله عليه وسلم

من قرء المعواذ الثلاث كفته من كل شي

وان شاء الله ماعليج الى العافية

ومبارك عليكم الشهر

 

[شيخة ستايل]

الله يشافيج يا رب شي غريب

 

[صبوحه 22]

اختي راسليني ضروري جداً
ملاحظه
اللي قالت قولي الاذكار بعد صلاة المغرب اخطئت
التحصن بالاذكار يبداء بعد صلاة العصر بعد التهليل والتسبيح
بعد صلاة المغرب قد غابت الشمس ماينفع والله تعالى اعلم واعز واجل

 

[مطيريه ووبس]

اهم شئ تقرين القران وتحصنين نفسك بالإذكار والادعيه وصربيا ماي زمزم..