دخلوا بلييز حدي محتاره

[عيش و ملاس]

حبيت أستشيركم يا بنات زوجي وده أحمل وأييب بنت حق أختها ، أحنا عندنا ولدين وبنت والحمدالله بس ما لي خلق الربى والسهر وبعدين تعالي التدريس لما تكبر مكتفيه بس ريلي يقول البنت تحتاج لأخت بالكبر وحتى بعد الزواج ، شرايكم ؟

 

[أم لولووأخواتها]

لا تقولين جذيه العيال نعمه من الله المال والبنون زينه الحياة الدنيا
وترى تأثمين إذا إهوا يبي وأنتي تمنعين هالشي
توكلي على الله وتعب العيال منسي .. الله يذوقج برهم وياحلو البنات
أهما الي ينفعون أهلهم بهالوقت
الله يرزقج يارب

 

[عيش و ملاس]

تسلمين أم لولو

 

[توكلت على الله 22]

مايصير هالكلاااااااام

اشحلاات الظنى الله لايرحمنا منهم ويرزق كل محروومه

بس انا فاهمه علييج اذا البيبي الاخير صغيير صبري عليه لين يكبر وقولي لريلج ابي بيبي بس مو الحين خلهم يكبروون شوي وارتاااح مو على بعض

يعني اذا مثلاا كمل 5سنين جيبي بعدة وااحد منها ريحتي وكبرو اليهااال وخف تعبهم من رضااعه وبامبرز

وتكونين مستعدةلبيبي جديدوتدلعينه انتي وبووة

والله يرزقج بنووته حلوة

 

[+ Gloom +]

رد : دخلوا بلييز حدي محتاره

الله يرزقج الذرية الصالحه انشالله

 

[أم لولووأخواتها]

تسلمين أم لولو

الله يسلمج يا حياتي الساعة المباركه

 

[أنفاسي دخون]

كلام زوجش صحيح

توكلي على الله وجيبي اخت لبنوتش

عسى الله يرزقش برهم ويخليهم لش يا رب

 

[BiiShOoO]

كلام زوجج صح باجر لي كبرت بنتج تتحسفين ليش ما يبتي اخت لها

 

[عيش و ملاس]

مشكورين وما قصرتوا راح أنطر الصغير يكمل 3 سنين والله كريم

 

[_Pure_]

انصحج تحملين

بس حطي فبالج ان ممكن تييبين ولد مو شرط بنت صح؟

فا خلي هدفج انج تكثير من النسل مو سالفه بنت ولا ولد
والله يرزقج بنت صالحه معافاه يا رب

 

[غلا عيوني]

رد : دخلوا بلييز حدي محتاره

استخيري وان شالله الله يرزق كل من يتمنى الظنى

 

[ام ساري الحلوة]

رد : دخلوا بلييز حدي محتاره

توكلي على الله والله يرزقك البنت الصالحة

 

[hneen2]

توكلي علي رب العالمين ويارب يرزقج بنوته قمر

 

[كويتيه مذهله 87]

انزين اذا حملتي ويبتي ولد همن بتقولين مالي خلق سهر
مدام مالج خلق سهر وتربين كافي ثلاثه

 

[AVE.NJ]

صج البنت تحتاج اخت بس الصبيان مايحتاجون كثر البنات
والله يرزقج الذريه الصالحه
ترا كل الي الله يعطينا خير

 

[شانييل]

الله يرزقنا ويرزق الكل الظنا طيعيني حملي ويبي
والله بعدين إهمه الي يملون عليج حياتج

عكس خالتي الي تحذرني لااااااااااا يكون تحملين < يمه الناس حسد وينصحون بشي عكس ما إهوه صح
ييبي مو شرط الحين لأ عادي ارتاحي وبعدين

 

[در الـبحـور]

السلام عليكم

لا يا قلبي لا تقولين جذي العيال نعمة من رب العالمين و اهم زينت الحياة و الدنيا

قال الله تعالى : (( المال و البنون زينة الحياة الدنيا ))

و البنات يا حلاتهم مردهم لج سبحان الله تجهزينها و تزوجينها و تنفسينها و تشيلين عيالها لمن تصيرين جدة

أنا قول طيعي زوجج يا قلبي و جيبيله ياهل مدام إنه يبي ميخالف تتعبين بتربيتهم و باجر بشيلونج و يملون

عليج دنيتج و يبرونج بإذن الله و عسى الله يرزقكم الذرية الصالحة

 

[عيش و ملاس]

حبيبتي كويتيه مذهله قلت كلامج حق ريلي رد علي أنه هالمره راح يكون بتدخل طبي لتحديد الجنس وهي محاوله أخيره وقالي بالنسبه للسهر نحط ممرضه بالليل حق الياهل شتنصحيني لو كنتي مكاني ؟