دخلوا الله يخلي عيالكم

[a7la banota]

السلام عليكم بنات الله يخلي لكم عيالكم انا ام جديدة وبسال سؤال خروج ولدي عزكم الله له ريحة كريه ومرات لون اخضر ومرات اصفر عادي ولا لأ ومتي يتعدل نوم الجاهل ولدي بيكمل 3شهور ويدخل الرابع الله يطول بعمرة ويحفظة ويخلية لي

 

[zain-alq8]

اي عادي حبيبتي طبيعي لاتحاتيين الريحه واللون شي طبيبعي بمثل سن ولدج نفس عمر ولدي ونفس الحاله انا سائله الدكتور

 

[بقلبك مكاني]

رد : دخلوا الله يخلي عيالكم

هلا والله ياحياتي عادي المساله بسيطه خصوصا اذا كانت رضاعته طبيعيه\وبالنسبه لنومه ااااااااااااااااااااااااه من الياهل بهذا العمرنومه مخربط علا ال4 اوال5 يبدى يضبط نومه

 

[بقلبك مكاني]

رد : دخلوا الله يخلي عيالكم

ايه نسيت الله يخليه لج ويحفظه ويبلغج فيه يارب

 

[رنيم q8]

والله ما عندي فكره
بس الله يخليج ولدج

 

[a7la banota]

ثانكس حبايبي وانطر ردودك البنات

 

[جوزائيه مغروره]

عالخروج انا اتذكر ولدي بعد الاربعين تعدلت خروجه

وعالنومه وحياتج ماكو فايده

عمره سنه الحين اسم الله عليه وتتعدل يوم وتخترب شهر

 

[[[ عيون جابر ]]]

ترا الاغلبيه جذي لاتخافين بس يكمل الشهر يتغير

 

[ZajiL]

لون الخروج اذا اصفر او مايل للخضر طبيعي
وهم ريحته كريه اكيد من حليب الصناعي

الخوف اذا كان خروجه اسود

لاتحاتين مافيه الا العافيه

بالنسبه للنوم تتعدل على 4 او 6 شهور بس ماينام طول الليل لا يعني ممكن يسحبها 3 ساعات وره بعض
انا بعد ولدي عمره 11 شهر يوم تتعدل وعشره عساره وبجي

 

[الأميرة جوري]

رد : دخلوا الله يخلي عيالكم

ولدي بعمر ولدج بس تقدرين تحكمين بنومته لاينام الا بالوقت اللي انتى تبين تنامين علشان يكون تعبان وينام ومايقوم ويزعجج يعني قبل نومتج بساعتين قوميه وخليه لي بغيتي تنامين مهديه ونوميه بينام المشكله لي كبر بتتوهقين صج بنومته