دخلت شهري وخايفة من اللي طلعلي

[محتاره بدنيتي]

السلام عليكم بنات

بنات انا صارلي اسبوع وشوي داخله شهري وصارلي يومين مادري ثلاثه بمشكله وحدي خايفه
بنات في شي بارز طلع من فتحت الشرج ومو عارفه شسوي كنت بروح الطبيب بس امي مو عارفه شالسالفه بس تدري ان فيني بواسير المهم هالشي اللي طلعلي اعورني وكل ما احاول ادخلا واحط كريم يطلع وعورني في احد صارلا جذي بنات بليز حدي خايفه ومو عارفه شسوي وبيين وواظح حتى لمن اغسل اكون نفس صبع صغير طالع مني واخاف وانا اولد يتفاقم الموضوع عفيه بنات اللي تعرف شسالفه او تعرف شنو بسوونلي اذا رحت الطبيب انا الحين ميته من الخوف لان الدكتوره بتولدني هالاسبوع اذا ماولدت تاريخ 27 الشهر والحين اطلعتلي هالمشكلة بليز بنات ساعدوني الله يرضا عليكم واللي حامل الله يتمم عليها واللي تبي ياهل ربي ان شاءالله يبشرها بحملها واللي على ويه ولاده ربي ايسر ولادتها ان شاءالله

 

[كتكوته حبيبي]

والله حبيبتي ماعندي فكره بجريه بس ماحبيت اطلع بدون رد وانشاء مايطلع شي خطر انتي شيكي بالطبيب يمكن بواسير

 

[حبيبه حبيبي:$]

ماعندي فكره بجريه
الله يسهل عليج ويقومج بالسلامه انتي والبيبي
اب

 

[LiL MaMa]

انا اللي اعرفه ان الحامل معرضه بشكل كبير ان يصير فيها بواسير
بس انا من رايي ما تسكتين و تروحين الطبيب بأقرب وقت عشان اذا لا سمح الله في شي يتلاحقون عليه
و عشان انشالله اذا مافي شي انتي تتطمنين

 

[أم علي حبيبي]

والله حبيبتي مادري بس اعتقد علي حسب وصفج بواسير
يعني فيج امساك انتي وتحاولين تعصرين نفسج بالحمام ؟؟ عشان جي ممكن طلعت ؟
بس افضلج تروحين مبجر للطبيب لا تستهينين وتخلين الموضوع يكبر افضلج تروحين للطبيب
ربي يشافيج يارب ويسهل عليج ولادتج حبيبتي

 

[محتاره بدنيتي]

مشكورين حبيباتي على الردود وماقصرتوا وان شاءالله باجر بروح معني كنت ناويه اليووم بس مافي احد يوديني

انا فيني امساك صارلي الحين سنه بس باخر شهر ماكنت اتعصر بالحمام وخروجي كان طبيعي بس هم البواسير ماراحت وفجأه قبل ثلاث ايام يعني تعصرت بس عادي مو اللي حييل حييل وقمت وغسل ولا احس فيني شي واقعد غلى اجنابي لين دخلت الحمام مره ثانيه ولا احس في بارز
منو ترشحونلي دكتور زين في هالاشياء دكتورتي زينه بس احس الدكتور اللي يكون تخصصه هالشي احسن من دكتورتي مالت الولادة
وتسلمون بنات

 

[خوخه العتيبي]

الله يقومج بالسلامه حبيبيتي انا بجريه وماعندي خلفيه بس لازم تراجعين طبيب وماتشوفين شر

 

[((غلاي))]

هذي بواسير

قولي للدكتوره
تعطيج لها تحاميل او كريم

الله يسهل عليج

بس الي اعرفه ان البواسير حلها الليزر او الجراحه

 

[دلال و غلا]

حبيبتي هذي بواسير
ضروري تروحين الطبيب
و ربي يقومج بالسلااامه

 

[حنان1983]

ان شاء الله تكون شى بسيط وتروح عالطول طمنينا عنج حبوبه

 

[أم عزيـز]

واضح بواسير
الحوامل معرضين للبواسير
راجعي دكتوره متخصصه والله يشافيج ويسهل عليج

 

[محتاره بدنيتي]

يعطيكم الف عافية حبيباتي وربي يحقق لكم كل اللي تتمنونا ان شاءالله
بإذن الله بحط موعد عند دكتور سامي امان بأقرب وقت قبل موعد ولادتي ومره وحده اشوف اذا يصير اسويلي ليزر بعد الولاده على طول

 

[ام فطوووم]

حبيبتي هذي بواسير ولاتسكتين على عمرج
انه من بنتي الثانيه يوم حطولي الحقنه الشرجيه اللي شقتني فيها السستر
وانه اعاني
اهي مو دايما اتييلي بعض المرات
استخدمت لهم. تحاميل مع كريم وايروح باذن الله
بس انتي وصفج للبواسير ان وصلتي مرحله متقدمه
حاولي اتروحين الطبيب اتشوفين
حاليا ماله داعي طبيب متخصص روحي المستوصف
وطلبي التحميله مع الكريم
اذا مانفعج ايحولونج على دكتور الجراحه وممكن اتسوين عمليه للبواسير من خلال الليزر
وحاولي كل يوم اتكثرين برتقال اكليه احسن من انج تشربين العصير
وحاولي اتكثرين خضار خصوصا الخس لان متروس ماي
اكلي تبوله

والا اقولج
اكلي كنتاكي
شرط اسبوع وانتي بكرامه اسهال
كككككككككككك
د

تذكرت يوم عمليتي كنت خايفه من الامساك كنت تقريبا ١٠ ايام وانتي بكرامه مادخلت الحمام
ريلي قالي تبين بثواني اتوحين قتله اي
قالي اكلي كنتاكي
وصج طلبلي
يومتها نمت بالحمام ����

 

[محتاره بدنيتي]

هههههههه
لوووووووول ام فطوم والله ظحكتيني هههههههه حلوه اكل كنتاكي علشان ادخل الحمام .

اي اكتشفت اني في ممرحله وايد متقدمة ولمن شفت المرايه انصدمت من شكلا وضروري اروح لان يعورني انا ماراح استحمل العوار ... والله الحمدلله خروجي زين ومو امساك المشكله بالبواسير موراضية تروح جربت تحاميل وحبوب دكتورتي كانت معطيتني اياهم بس مانفع معاي واميرايحه من قبل حق خوش دكتور وان شاءالله بروحله في اقرب وقت

 

[رمانة خضرا]

حبيبتي هذي بواسير

انا واصلني مسج بالواتساب بس أمانة ما جربته
بكتبه لج بالحرف
"طريقه ممتازة لعلاج البواسير أجلكم الله للمرأة الحامل ... تسخن 100 مل زيت زيتون مضاف إليه 5 غرام من كل من : المقل , المرة , والعنزروت. التسخين يكون على نار هاديه بدون غلي ونستمر بالتسخين مع القليب لمدة 3 دقايق. بعدين نرفعه عن النار و نترك الزيت يبرد ونصفيه. بعدها تدهن الزوائد 2 -3 مرات باليوم بعد الغسيل بالصابون والمطهرات ثم التجفيف ونستمر عليه لمدة 2-4 أسابيع وماتشوفون شر بعدها ان شاء الله"

سلامتج حبيبتي

 

[ابدا يالغالي مانساك]

ربي يعاافيج ويقومج بالسلامه ​

 

[ام فواازي]

هذه بواسير خارجيه مالج شر ان شاء الله وماتضرج بالولاده و بعد الولاده استخدمي علاجات لها مانفع سوي عمليه على 25 يوم من نفاسج لان عملية البواسير مفروض تمتنعين عن زوجج عشان جذي سويها بالاربعين احسن مره وحده

 

[استعجلت الرحيل]

بعد عمري هذي بواسير ملتهبه انا بحمالتي الاولى كنت جذي مثل وصفج بالضبط ورحت لمستشفى الصباح وحاول الدكتور يدخلها وعطاني كريم وكل مادخلت الحمام اغسل واحاول اضغطها لين داخل واحط الكريم وبعدها بجم يوم ولدت وبرزت حتي قعده مااعرف اقعد وسويت نفس الطريقه لين ماخفت

الله يهون عليج ويفكج من هالبواسير الي تذبح

 

[ام فطوووم]

صج ذكرتيني اذكر مره كنت احوس بالنت والكل اجمع ان علاج البواسير استغفر الله
اهي بصل مشوي تاخذينه واتحطينه بالخلاط اتحطينه مكان البواسير بس الصراحه استحرمت نعمة الله

 

[Zaina-al-zaina]

حبوبه انا صار معاي جذي

اهم شي نظفي المنطقه الحساسه خصوصا منطقة البواسير

انا كنت استخدم مناديل معقمه انظف فيهم من تحت عدل مدلوادخل منهم
شوي داخل فتحة الشرج وانتي بكرامه ...

وارتحت وااااااااايد ، وبعد الولاااااده ماشفت البواسير !!!

ونصيحه بدلي اول باول ملابسج الداخليه
وخلي اكلج كله فرش وفواكه

وكلش اذا تطور الموضوع توكلي ع الله وروحي الطبيب