المقادير:
-دياي مقطع الي قطع متوسطه يفضل صدور واذا مو متوفر ممكن ديايه كامله مقطعه طبعا مع العظم واليلد
-3 ملاعق طعام زيت زيتون
-ليمونتين
-بصلتيين مكعبات
-4 فصوص ثوم مهروسه او مدقوقه
-كوب زيتون اخضر مشيول منه النوى ومقصوص بالطول
-كوبيين ماي الدياي او ماجيتيين مذوبه في كوبيين ماي
-1 ملعقة شاي زعتر بري
- 2/1 ملعقة شاي فلفل احمر ممكن الاستغناء عنها
-ملح وفلفل اسود
الطريقه:
بعد ما يتنظف الدياي وينغسل عدل بطحيين نرش الدياي بملح وفلفل اسود
بمقلى كبيره نقلي الدياي بملعقتيين زيت زيتون على نار متوسطه على دفعتيين
لما يصير بني شوي ونخليه على جنب طبعا نقلي صوب اليلد اول
ناخذ الليمون ونقصه بالطول بعدين بالعرض يعني ارباع شرايح ضعيفه
اذا كانت المقله ناشفه نضيف ملعقة زيت الزيتون الباجيه نضيف البصل والثوم لما يطرا شوي نضيف الليمون والزيتون مع ماي الدياي وكوبين ماي او اقل شوي حسب الرغبه نخليه يغلي ونقصر عليه ونغطيه 10 دقايق بعديين نضيف الدياي عليهم ونرشه بالزعتر البري والفلفل ونغطيه ربع ساعه او اكثر لما يخف الماي انا ماحبه ريقه خخخ احب يكون خاثر شوي الصلصه
وعليكم بالعافيه
منقول من موقع اجنبي وطبعا ترجمتي :eh_s(6):
