دبي وحجز الفنادق بالبوكننج ؟؟؟؟؟؟؟؟؟

[(( الذهب ))]

السلام عليكم ورحمه الله وبركاته

:tek:

بنات انا دخلت علي البوكننج لحجز الفنادق اللي بدبي واحترت :cxxxp:

انا بروح مع زوجي وعيالي وحطيت بالموقع كل بياناتنا وعرضو لي الفنادق ؟ بسِأل ايهي احسن الفنادق اللي قريبه من المطار ولا قريبه للخور وفيه بردبي ؟ ما ادري ايهي احسنهم



الحين السعر المعروض لي ايهو اللي بالازرق ولا اختار من اللي تتحت ؟؟

وشنو رايكم بالحجز بالبوكننج اخاف ينصبون علينا ونتوهق اذا رحنا ؟

 

[أوكسجين]

السعر اللي بالاخضر بس ضيفي الضرايب والرسوم
20 بالميه
وموقع بوكنغ معروف وموثوق فيه
جم مره نحجز منه
تره تقدرين تغيرين العمله من الموقع فوق على اليسار حطي بالكويتي عشان تعرفين السعر

 

[أوكسجين]

اللي بالازرق السهر الاصلي وبالاخضر سعر العرض
اتمنه اكون وصلتلج المعلومه

 

[نور كوليكشن]

انا دايما احجز من فندق دوت كوم
حيييل حلو وطريقت اسهل ومضمون

 

[noorq8]

قارني الاسعر على موقع agodaأنا أحجز منه جيكي منتي خاسره شي .

 

[*صَبا*]

انتي تبين كم غرفه

الموقع مقترح عليج غرفتين ب 3596 درهم

اما اللي تحت فالجدول

هاي لو ماعجبج اقتراح الموقع انتي تغيرين وتشوفين خيارات الغرف الموجوده وتضغطين عاليمين احجز الان


بالنسبه لأفضل الاماكن

لو تبين نصيحتي قعدي صوب المرينا لان هناك مول دبي وقريب عليه مول الامارات وكفايه المرينا

انتي كم ميزانيتج

انا حاطه فبالي احجز عن طريق نفس الموقع فندق ذا ادريس مرينا ناويه اروح نهاية الشهر
وفي ذا ادريس دبي مول بس هذا شوي غالي وربعي اللي ساكنين فيه يكولون مافي فرق بينهم

هم عندج شقق فندقية في جزيرة النخله كلها شقق جديده وقريبه من مول الامارات مثل ارجان روتانا سعر الشقه بغرفتين على 800 درهم

انتي شوفي الشقق هذي اللي تبينها وين موقعها اعرضيها على الخريطه وشوفي شنو قريب منها

 

[الجــادل]

رد : دبي وحجز الفنادق بالبوكننج ؟؟؟؟؟؟؟؟؟

انا احجز منه دايم وموثوق

اذا تبين شقق فندقيه

عندج شيراتون فوربوينتس بشارع الشيخ زايد
وحاطين سعر حلو للصيف

 

[البنوسه]

بوكينغ ثقه لاتخافين دايما نحجزمنه حتى حق داخل الكويت
واصلا مايخصمون شي الا يوم وصولكم
الا اذا كان عرض
فانتي اقرئي الشروط عدل عدل وتاكدي من السعر
وعلى حسب انتي تبين اوتيل رخيص او غالي عالبحر او اي المجمعات متصل بسوق والا بروحه مع افطار او بدون

ورحله سعيده

 

[(( الذهب ))]

مشكورين كلكم

والله يا بنات كنت محتاره حدي بس زوجي حجز ولا رد علي ^_^ >> ايه الهنا اللي انا فيه
حجز شقه فندقيه برامي جوستلين الديره هوتيل >>> يقول رخيص وكويس وكانه قريب برج الساعه ؟؟ في شارع الرقه

ابي اعرف هو قريب للاسواق ولا لا ؟؟؟
ليتكم تفيدوني عشان اعرف وين حطني رجلي