دبي هالصيف

[كتكوته عسوله]

السلام عليكم شلونكم بنات
بغيت اسألكم خواتي شلون الجو بدبي بشهر 7 أوله يعني 1 / 7 لي 10/7 انا اول مره اروح لدبي بهالوقت وبحجز لمدة 7 ايام اخاف احجز واروح هناك انصدم بالجو تكفون قولولي قبل ما احجز :yaaaaaarb::eh_s(2)::eh_s(2):

 

[كلمة طيبة]

هلا والله حياج الله في الامارات
الصراحة دبي مثل الكويت وااااايد حر بس المولات باردة يعني طلعه برع مستحيل رطوبة وحر بس حرام تعالي ترى دبي تستاهل
والسموحه

 

[لبى عيونه]

حررررر دبي نفس الكويت

 

[ام هالدنيا]

لا والله مو نفس الكويت الكويت حر مافيه رطوبه اهي رطوبه غير طبيعيه وحر بس حر على رطوبه موت موشويه

 

[زعفرانة]

اهي رطووووبه بس مراح تحسين فيه لان كل شي في مكيف التاكسي والمولات والمطاعم يعني عادي

 

[ام سيف الامارات]

حر ورطوبه ما ينفع اماكن الا مراكز وحواطه بسياره

 

[pretty sarona]

عادي مثل ما يقولون الكويت حر وموت احنا كله سيايير و بيوتنا مكيفه , اهي جذيه , روحي استانسي ولا يردج شي

 

[كتكوته عسوله]

مشكورين كل خواتي اللي ردو علي و اختي pretty sarona اي والله صدقتي ودي استانس كلامج شجعني الله ييسر لج امورج ويفتح باب رزقج من واسعه يارب ويسعدج دنيا واخره

 

[Lyla]

وااااای بنمووووت من البرد:ada:


الصراحه الحينه الجو حريجه :eh_s(11): والرطوبه عاليه


الله يعين في شهر 7 :eh_s(4):


وحياكم الله

ومثل ما قالوا المكيفات موجوده

 

[ليدي دبي]

روحي سكي دبي وتبردي ههههههه
حياااج بدبي

 

[ام مهاوش]

تستاهل على حرها ورطوبتها بس حلوه وراح تستانسين وتغيرين جو انا قبل سنتين رحت شهر 8 ماحسيت بالحر بالمره كله من الفندق لي التاكسي لي المجمع

 

[رزينه بكلمتي]

حسستوني دبي غير عن دول الخليج ليش جي ماخذين فكره عنها حبيبتي كل شي مكيف التكاسي والمولات والمطاعم يعني انتي مابتتمشين فالشوارع تعالي وانتي مستانسه وترى مو رطوبه مثل مايقولون البنات انا فدبي والله مب نفس وصف البنات لدبي وترى حلات دبي اتغطي على كل شي فيها يسد انج بتغيرين جو وبتستانسين حبيبت قلبي
انا رحت للكويت ولو بقارن نفس الجو بالضبط مايفرق
بس صوب البحر ممكن اتحصلين رطوبه بس خفيفه

 

[لمسة فن انثى]

بالنسبه لي رغم اني فيني ربو الا ان رطوبة دبي ارحم من ريح السنون اللي يهب عليج بشهر 7 والله انج تصيرين فحمه لين وقفتي دقيقه بجو بلادي الغاليه بس دبي رطوبه يعني جنها دول شرق اسيا بس على حراره شوي