دبي لمدة يوم واحد خبيراتنا درعموا الله لايهينكم

[شـيومـه]

السلااااام عيدكم مبارك ادري خلص العيد بس ما عايدتكم فقلت اعايدكم هه

بنات انا بحجز من الحين حق شهر 12 بروح دبي يوم واحد من الصبح و ارد ثاني يوم الصبح لان عيد ميلاد ريلي فبسويله اياها مفاجأة بس ابي فندق يكون في مسبح خاص بس لنا قالولي عن ديزيرت بالم اظن اسمه و روعه بس وايد غالي يعني الليله ب 81 تقريبا ماراح اقدر اطلع و اروح مني مناك ههه

انتوا شرايكم اخذه و نقعد طوول يومنا بالفندق ولا عندكم فندق زين و اماكن حلوه اروحلها احتفل بالغالي ريلي ابي اجواااء رومانسيه او ونيييسه و فرايحيه عالاخر ابي اونسه عدل ؟ ضرووري فيدوني ناطرتكم :eh_s(7):

 

[هدوتي]

ياسبحان اللة نفس فكرت زوجي يبي يوديني دبي يوم واحد بس احنا بروح الصبح ونرجع بالليل بس الفندق الي قلتي عنة حلو
ابي اعرف اكثر عنا

 

[دموع من الماس]

رفع

 

[{ ليت ظني كآن صآيب }]

تبين تونسينه عدل و تخلينه ماينسى هاليوم ... !

حجزي له عشا على باتو دبي

يخت راقي و اضائته كلها شموع و حتى الاكل فايق ستار

سوي سيرج عن باتو دبي و ادعي لي تكفين !


ديزرت بالم حلووو يهبل بس ماانصحج فيه لانه بعيد و ماكو يمه شي

يعني راح تنحكرين

عندج بولمان مول الامارات انسب شي يمج المول عشان انتي ماعندج وقت جبوبه

 

[shouq81]

خوش فكرة

 

[sara-designer]

نايس

 

[دروبك يالسهر]

اي سمعت عنه بس بعيد عن المجمعات والوناسه دام انج مسافره حلاته يكون قريب من المجمعات لانه مو معقوله بتقعدون طول اليوم بالفندق لازم تشمون هواء شوي وخلي الاحتفال بليل انا انصحج سكني بكمبنسكي او فندق السوفتيل اللي بالجميرا بيتج هذا روعه عالبحر وكله مطاعم وكافيهات

 

[سارونة العــمر]

UP:yaaaaaarb:

 

[LawYeR NaNo]

دام عيدميلاده مايصلح تطلعين ف احسن تقعدين بالفندق
وخوش فندق شكله اللي قلتي عنه
بس مايسوى يوم واحد خخخخ
انا اتحطم لو اسافر يوم واحد بس
اذا ودج مدديها عشان حتى لو تبين تطلعين يمديج

 

[سيده نفسي]

انصحج باتلانتس
انا سويت عيد ميلاد ريلي هناك حتي عجيب

كلفتني الغرفه ١٠٠ ماخذا اتلانتس روم دور ٢٠

وتزيين الغرفه مع ورد وكيكه ٣٠٠ درهم يعني تقريبا ٢٨ دينار

والبانيووو ادرسووو مع رغوه وورد بس مايحطون شموع علشان سيفتي

وكانت الغرفه روووعه اذا تبين تشوفين الصور طرشيلي عالخاص

ومراح تندمين وادعيلي

 

[قطوووة]

ان قدرتي خليها يؤمين

ؤانتي ؤزؤجج ...... بعيد عن العاللم كله


اتمنى لكم رحلة سعيدة

 

[أم لطووف]

ابي انتي نفسي قاعده ادور حجوزات حق دبي عشان عيد ميلاده بس انا بروح ٣ ايام انسافر الخميس ونرجع السبت قلت اول شي اتلانتس بس ما ابي انحكر مع انه حلو والحين بشوف كمبنسكي بالامارات مول او دبي مول او بن بطوطه جذي بيكون فراره ووناسه واقول لهم يزينون الغرفه وبس شنو اخسن من جذي
اذا حصلتي حجز زين بليييييييز بلغيني على الخاص وموفقه وربي يسخره لج ويخليكم لبعض..ولا يفرقكم..

 

[أم سيف وسلطان]

اذا تبين تونسينه لازم ميزانيه حلوه لفندق حلو وخليها ليلتين وشوفي فندق سوفيتيل في ذا ووك

او الريتز كارلتون روعه بعد في ذا ووك

 

[أم سيف وسلطان]

اذا تبين تونسينه لازم ميزانيه حلوه لفندق حلو وخليها ليلتين وشوفي فندق سوفيتيل في ذا ووك

او الريتز كارلتون روعه بعد في ذا ووك

وإذا ميزانيتج اوكي شوفي زعبيل سراي او رويال ميراج في النخله

 

[dubai girl]

زعبيل سراي فيلا وفيها مسبح بس غاليه

^^

 

[Roty]

اب اب

 

[Om_Ksha]

تصدقين يبيله يوم واحد بس بدون نوم من الصبح لي الليل ..

 

[AVE.NJ]

وايد تعب يوم واحد
سويها يومين بليله احسن