دبي....بليز بليز دشوا :)

[miamy]

عقب ما فلست من اوروبا :eh_s(14):

طبعن ماكو غير دبي

الديره المنقذه مع ان ماودي بس العوض ولا القطيعه


ابي اروح 5 ايام

التذكره والسكن طلع علي 800

جم احتاج مصرف؟؟؟

احنا 4 اشخاص، 2 كبار و2 صغار؟

يله ردوا علي....

 

[كويتية أصيله]

من غير سياره أخذي معاج من 700 إلي 1000

 

[$غرامي الكاكاو$]

الصراحه انا ما نصحج فيها الصيف هذا صاااير حيييل غاليه مو نفس كل صيف ومبالغين حيييل بالأسعار

 

[* ورود *]

انا رايحه لها الصيف اللي فات

الصراحه جوها يلوع الجبد ورطوبه وصايره غاليه وزحمه

والله انا العام ماكنت ناويه اروح لها لكن زوجي كان عنده شغل هناك

وبعدين رحت على طوبل زلمسي والمانيا
صج فرررررررررق

 

[miamy]

عيل وين تنصحوني؟

 

[الفاتنة]

نفس حالتي انا ودي اروح لدبي مع زوجي وعيالي 2 صغار

 

[كويتية أصيله]

روحو أستراليا برااااااااد وحلوه الله يهداج دبي بالصيف ليش تعذيب لووووووووول

 

[miamy]

روحو أستراليا برااااااااد وحلوه الله يهداج دبي بالصيف ليش تعذيب لووووووووول

جان زين والله

بس ميزانيتي مو سامحه

 

[الفاتنة]

اي واللة صاجة يا .كويتية اصيلة . ياحلو استراليا والله انها تغسل الروح غسال ...ز.اشرايج بالتعبير

 

[اميرة الغيد]

عزيزتي ميامي
صحيح ان اوروبا احلى بس دبي بعد حلوه
انا امس راده منها قعدت فيها 4 ايام صحيح الجو رطوبه لكن ماتحسين فيها لان كل مكان مكيف مثلنا ، بس مشكلتها الكبيره التكاسي مايوقفون ويأذونج بالعزر يلله تحصلين لج تاكسي بس تقدرين تاخذين لج خط اماراتي هناك عشان تدقين على التكاسي، المجمعات حلوه ، واذا على الجو عندج الامارات مول مجمع كبير وفيه صاله كبيره للثلج تتزلجين وتستانسين وتنسين انج بدوله خليجيه ، في عندهم محل بيبي فات اللي اييبون منه بضاعه اهني عندنا بالكويت ماله محل لا وهالايام عندهم هالمحل تنزيلات ، بعد عندهم جناط كاثي بمحل باريس غاليري مافي منهم بالكويت وييبونهم بضاعه
مو تنسين العطور بالامارات ارخص من الكويت اخذي منهم
واتمنى لج سفره سعيده

 

[أم بدوووري]

حبيبتى انا رايحة دبى بالصيف تلوع الجبد وحر والتاكسى بالحسرة طابووووووووووووور وبصراحة غالية مقارتة بماليزيا ماليزيا الشى الغالى فيها تذاكرهاااااااااااااا فقط اذا فيج فيج دبى روخ بعطلة الربيع احسن غالاقل الجو يكون احسن هذا راىىىىىىىىىىىىىىىى وانتى براحتج :gathering:​

 

[غلا يوسف]

حبيبتي انتى اكبر غلطانه ؟؟؟

وبقولج ليش ؟؟؟

شلون تقولين ان دبي الدوله المنقذة ؟؟

اصلا دبي غالية وانا اعتبر ماليزيا اهي الدولة اللي احطها عالاحتياط ...

لانها بلاش اللهم التذاكر ودبي واااااااااااايد غالية عليج ...

800 دينار تذاكر ماليزيا لاربع اشخاص والاقامه بفندق كشخة 17 دينار للغرفة والتكاسي بالرخص .

وثالثا البضايع والاكل والرحلات واااااايد رخيصة حرام عليج تروحين حق دبي اللي ماتسوى ..

وصدقيني انا اتكلم عن تجربه لاني الاسبوع اللي طاف راجعه من دبي ,

 

[miamy]

عزيزتي ميامي
صحيح ان اوروبا احلى بس دبي بعد حلوه
انا امس راده منها قعدت فيها 4 ايام صحيح الجو رطوبه لكن ماتحسين فيها لان كل مكان مكيف مثلنا ، بس مشكلتها الكبيره التكاسي مايوقفون ويأذونج بالعزر يلله تحصلين لج تاكسي بس تقدرين تاخذين لج خط اماراتي هناك عشان تدقين على التكاسي، المجمعات حلوه ، واذا على الجو عندج الامارات مول مجمع كبير وفيه صاله كبيره للثلج تتزلجين وتستانسين وتنسين انج بدوله خليجيه ، في عندهم محل بيبي فات اللي اييبون منه بضاعه اهني عندنا بالكويت ماله محل لا وهالايام عندهم هالمحل تنزيلات ، بعد عندهم جناط كاثي بمحل باريس غاليري مافي منهم بالكويت وييبونهم بضاعه
مو تنسين العطور بالامارات ارخص من الكويت اخذي منهم
واتمنى لج سفره سعيده

يا حلوووج ويا حلو ردج

والله انا مقرره ولقيتلي حجز، وراح نسكن في مول الامارات، وماراح نطول 5 ايام

بس البنات رددوني، واهلي بعد قالولي شلج فيها

عاد انا على طريف

مشكوره على ردج سالميه :tek:

 

[miamy]

حبيبتي انتى اكبر غلطانه ؟؟؟

وبقولج ليش ؟؟؟

شلون تقولين ان دبي الدوله المنقذة ؟؟

اصلا دبي غالية وانا اعتبر ماليزيا اهي الدولة اللي احطها عالاحتياط ...

لانها بلاش اللهم التذاكر ودبي واااااااااااايد غالية عليج ...

800 دينار تذاكر ماليزيا لاربع اشخاص والاقامه بفندق كشخة 17 دينار للغرفة والتكاسي بالرخص .

وثالثا البضايع والاكل والرحلات واااااايد رخيصة حرام عليج تروحين حق دبي اللي ماتسوى ..

وصدقيني انا اتكلم عن تجربه لاني الاسبوع اللي طاف راجعه من دبي ,

انا فكرت فيها ماليزيا ومتشوقه اشوفها لأني مو رايحتلها من قبل

بس اجازه ريلي مو طويله

مايسوا نروح ماليزيا اسبوع ونرجع!

 

[dalprincess]

دبي حلوه بس لمن تردين منها راح تشوفين انج صارفه فوق 3000 ... وانا عندي مليزيا واااايد ارخص بستثناء تذاكرها ... بس فنادقها رخيصه حيل بس عموما اذا حاجزه توكلي روحي اهي حلوه ومجمعاتها تهبل بس عيبها رطوبه وزحمه

 

[اميرة الغيد]

عزيزتي ما عليج لا تترددين اي ديره بتروحين اذا بتطلعين باماكنها السياحيه وكل مكان يمدحونه تروحين له وتطلعين الاماكن من الاول راح تستانسين صدقيني ، بعدين دبي يمكن اغلى من ماليزيا ودول آسيا بس محلاتها واسعارها نفس الكويت موفرق حيل وفيها السوق الصيني حق اللي يبي الرخيص ، ماعليج روحي واستانسي والله يوفقكم ويهنيكم برحلتكم .

 

[bobo lover]

عزيزتي ما عليج لا تترددين اي ديره بتروحين اذا بتطلعين باماكنها السياحيه وكل مكان يمدحونه تروحين له وتطلعين الاماكن من الاول راح تستانسين صدقيني ، بعدين دبي يمكن اغلى من ماليزيا ودول آسيا بس محلاتها واسعارها نفس الكويت موفرق حيل وفيها السوق الصيني حق اللي يبي الرخيص ، ماعليج روحي واستانسي والله يوفقكم ويهنيكم برحلتكم .

اي و الله .. اذا حاطة ببالج دبي روحي مو مشكلة .. حتى لو تأجرين سيارة هناك أفضل و أرخص ب100 اليوم أحسن من انج تدفعين للتاكسي 30 درهم روحه و 30 درهم ردة جذي بتدفعين 60 درهم بس على مكان واحد ..روحي و استانسي حتى لو الجو حر ..أنا الأسبوع الجاي مسافرة دبي إن شاء الله

 

[كل الورد]

روحي لماليزيا الدنيا ربيع و الجو جميل
وحلوة و خضرة

 

[كسرة عود]

حبيبتي العبرة بتغيير الجو ........الله وياج روحي واستانسي

بس حطي بالج راح تكلفج وممكن تحطين خيارات ثانية مثل ماليزيا ومصر ......

 

[mashmoshi]

هلا فيكم ياعزيزاتي أنا أحترم ردودكم كلها ودبي إهي عشقي الأول والأخير من ناحية الجو انتي بتقضين اليوم كله داخل المجمعات والمولات الكبيرة إلى تحتاج يوم كامل فيه وماراح تحسين بالرطوبة والحر ومن ناحية المصرف كل يوم يبيلج 120 دينار مصرف تاكسي ومطاعم وكافيهات من غير مشتريات وأسعارها بصراحة يقولون غالية أهي مو غالية نفس أسعار الكويت بس الفنادق صج غالية والليلة فيها توصل تقريبا 120 دينار وانا كنت أسكن بالجميرة بيتش صج فندق ومنتجع عجيييب وأنا رحت دبي تقريبا 6 مرات وهذا الصيف قلنا بنغير ونروح ماليزيا وانا ضايق خلقي لأني ما رأح أشوف دبي هذي السنه توكلي على الله وروحي غير جو صدقيني راح تستانسين فيها