دبلوم وبكمل البكالوريوس

[Golden]

بنات انا تخصصي ( هندسة كمبيوتر )
خريجة ( كلية الدراسات التكنولوجية )
مسماي الوظيفي ( مساعد مهندس )

ودي اكمل على دبلوم هندسة الكمبيوتر
واخذ البكالوريوس واصير ( مهندسة )

منوو مثلي او تعرف ناس مثل شهادتي
وكملوو دراستهم !! ووين ؟؟؟ حتى لوو بره الديره :bbbiu:
يفضل بالخليج اذا بره :080402ask_prv:

بس ابي جامعه تعادلي مابي ابدي من الصفر :eh_s(2):

بنات عفيه ما سئلتكم الا وانا معزمه
شجعوني وفيدوني باللي تعرفونه :yaaaaaarb:

 

[nonosha]

اهلييين اختي
شوفي انا مو نفس حالتج كلش بس
اللي اعرفه
جامعة الامريكية تعادل بالكويت
وبره الاردن وبريطانيا
وموفقة

 

[الكــادى..]

اهلين حبوبه
حسب علمى تقدرين تكملين بالجامعه الامريكيه بالكويت ويعادلون لج المواد اللى درستيهم
روحى سألى وان شاء الله خير
واذا نسبتج عاليه تقدرين تكملين بجامعة الكويت بس الاعداد محدوده
وشوفى جامعة الامارات وجامعة الشارقه
انا اتذكر فى بنات كانوا نفس تخصصج وكملوا فى بريطانيا وخذوا البكالوريوس
والله يوفقج حبيبتى

 

[Golden]

اهلييين اختي
شوفي انا مو نفس حالتج كلش بس
اللي اعرفه
جامعة الامريكية تعادل بالكويت
وبره الاردن وبريطانيا
وموفقة

الامريكيه ما تعادل الا شوي يعني جني مستجده

والاردن تعادل ؟؟

بريطانيا قالولي فيها ويعادلون بس اي جامعه ؟

 

[Golden]

اهلين حبوبه
حسب علمى تقدرين تكملين بالجامعه الامريكيه بالكويت ويعادلون لج المواد اللى درستيهم
روحى سألى وان شاء الله خير
واذا نسبتج عاليه تقدرين تكملين بجامعة الكويت بس الاعداد محدوده
وشوفى جامعة الامارات وجامعة الشارقه
انا اتذكر فى بنات كانوا نفس تخصصج وكملوا فى بريطانيا وخذوا البكالوريوس
والله يوفقج حبيبتى

مايعادلون وايد كثرو كورس الامريكيه :\

جامعه الكويت من الصففففر بضمير بس ماده مادري مادتين يعادلون حتى مو كورس

الشارجه توه سئلو البنات اللي معاي قالولهم ما نعادل

بريطانيا وايد سمعت فيها عفيه سئليهم اي جامعه وجم كلفتهم ؟