دبلوم إدارة وبكمل لغة انجليزية تربية أساسية يصير؟

[دكتوراه أنوثه]

بنات انا موظفة صارلي 6 سنوات

واخر 3 تقديرات ماشاء الله بدوامي امتياز ولله الحمد

عندي دبلوم تجاري تخصص إدارة والمعدل ( جيد جدا )

يصير أكمل تربية أساسية لغة انجليزية علما بأن الدوام اللي أعمل فيه وافقولي وعطوني تفرغ دراسي بس الديوان خرعتني جنه قالت مايصير ؟؟؟؟


عفيه فيدوني ...


الله يسهل على اللي ترد لي ويوفقها ويستر عليها ياااااااارب

 

[بيه ويه]

حبيبتي كملي اوراقج شوفي اهم شنو يقولنج لانه مو شرط البنات يقولونه صح
الله يوفقج ان شاءالله
لا تنسين تقولينا شنو راح يصيرلج 

 

[عادت ذكرياتي]

روحي التربية الأساسية نفسها وسئلي فيها أحسن من حجي الناس ...


مووووفقة

 

[قرنفله 99]

الشروط لتربيه الأساسية اخر تقديرين امتياز ومعدلج بالمعهد جيد جداً يعني مطابقه الشروط موفقه حبيبتي

 

[قرنفله 99]

الشروط لتربيه الأساسية اخر تقديرين امتياز ومعدلج بالمعهد جيد جداً يعني مطابقه الشروط موفقه حبيبتي

 

[دكتوراه أنوثه]

الله يرزقكم واللي مومتزوجه تتزوج

والمتزوجه يارب زوجها مايشوف غيرها بالعالم


مشكورين


بالنسبة ان اللي تقول روحي التربية الأساسية قالولي عادي نقبلج دامج موافقه الشروط

بس خرعتني اللي بالديوان

 

[دكتوراه أنوثه]

احس السالفة تبي واسطة ياربي ماعندي واسطة شسوي


انا شاطره يعني يحدوني عالواسطات بصراحه مااحب اتذلل لفلان وفلان


يارب يسهلها علي

 

[نو-من؟]

انا رحت التطبيقي الي بالعديليه لازم اقل شي 2،70. وبس الحين روحي قدمي عالتفرغ الدراسي قرب يسكر والله يوفقج.

 

[شافوك بحساسي]

انتي موضفه صاارلج 6 سنين ياقلبي انا سمعت ان 4 سنين تكملين درااستج بالتربيه ومعااشج يمشي لج كامل
لاتخلين نفسج وموفقه يارب ادعيلي احمل واجيب بنوته

 

[قرنفله 99]

اخذي وياج شهادتج المعهد مصدقه وبطاقتج المدنيه روحي وزارتج قدمي علي اجازه دراسيه وياريت تاخذين من دوامج لامانع علي اجازه دراسيه ولا تتاخرين لان التسجيل جنه يخلص اخر شهر مارس أستخيري وتولي علي الله ان شالله ماتحتاجين واسطه

 

[العــــ الناعسه ــيون]

روحي ادارة التطوير بالجابريه
وقدمي اوراقچ ..
بس لاتتاخرين عشان مايروح عليج التسجيل.
اتوقع اخر 3 يخلص التسجيل..
وبالتوفيييق يارب

 

[ام بتولـه]

انا رحت التطبيقي الي بالعديليه لازم اقل شي 2،70. وبس الحين روحي قدمي عالتفرغ الدراسي قرب يسكر والله يوفقج.

يعني حياتي تقديم الطلب قرب يخلص بالنسبه حق التطبيقي !؟
لان زوجي يدرس بالاتصالات والملاحه حاليا اخر كورس
واهو عنده دورة تدريبيه مدتها سنه بعد الثانويه وتقديره امتياز
ويبي يقدم علا التربيه الاساسيه اي تخصص كان
فهل ينظرون حق شهاده الثانويه ولا شهادة الدورة
هل نسبه قبوله صعبه ؟