دايت سنتر !!؟

[لؤلؤه المحيط]

السلام


انا اشتركت بدايت سنتر وعطوني نظام 1200 سعره حراريه

حسيته واجد بس مشيتها

واليوم اول يوم وصلتني الوجبات

المشكله ان الاكل احسه واجد شسالفه ؟

ما اعتقد بينزل وزني

ياريت تفيدوني بنات يعني اللي اشتركت مع شركه تغذيه هل هذا طبيعي والا شنو

 

[شربـــات لـــوز]

اي طبيعي
انا مشتركه بدايت كير والكميه راهيه ومااحس بيوع كلش بس وجبه العشا حيل خفيف وايوع فيها

 

[ميـريام]

انا عكس الناس لي اشتركت بشركة دايت امتن واذا سويت رجيم بروحي اضعف

لانهم يحطون عيش وانا اصلاا بالوضع الطبيعي ما اكل عيش وازيد على اكلهم نسكفي
مره اشتركت شهر بغورميه يووم رحت اوزن والا زايده 5 كيلو خخخخخخخ
من عقبها اعتمدت على نفسي بالرجيم صدقيني انتي ادرى بجسمج واللي متعود عليه
اذا الاكل تحسينه اكثر من اللي متعوده عليه لاتاكلينه كله

 

[بنت شاهة]

لؤلؤة أنا مجربتة وضعفت بأربع شهور 16 كيلو
وتقدرين تطلبين منهم الريجيم السوبر القاسي اذا عندج استعداد له
وموفقة

 

[الأميرة جوري]

upp

 

[لؤلؤه المحيط]

يعطيكم العافيه

بنت شاهه طمنتيني

وشكلي بطلب السوبر ابي انزل بسرعه

وميريام خرعتيني اما ازيد عاد مصيبه

 

[متجر جنات عدن]

مووووووووووفقه

 

[ورد الجناين]

انا جربت دايت كير ، أكلهم حلو والأكل متنوع ، و ينزل بالشهر خمس كيلوات لكن مشكلته - و انتوا بكرامه - يسبب إمساك ، عشان جذي و قفت الاشتراك و بديت أقلل كمية الأكل و قمت استخدم صحون أصغر و الحمد لله نزل وزني على أكل البيت العادي ..