داوود باشا على طريقة امي ... مو طبيعي لايطوفكم بالصور

[رووري]

شلونكم بنات اول امس رحت اللحام وشريت لحم صغار ورحت عند امي ( لان مو طباخه ) وسويت معاها داوود باشا... لاني من قبل رحت مطعم لبناني وذقته وعجبني بس طريقة المطعم مو لحم مفروم نفس ما اهوه معروف لأ ..ايحطون لحم مقطع صغار ... وصرااحه بنات مو طبيييييييييييييييييييييييييييييييييييييييييييييييييعي ايهبل .... ايهبل ... ايهبل واحلى مافيه إن خبزناه بالفرن وقلت لازم احطه بالمنتدى لايطوفكم ... بيتنا قظو عليه من كثر ما لذييذ ...

لداوود باشا :

* كيلو لحم هبر مقطع صغير
* بصلة صغيره مقطعه قطع صغيره
* ثلاث بصلات جوانح
* 4حبات طماط مقطع مربعات
* بامية صغيره ( آنا اخذت بامية سعودية اتكون مخلوطه حجم وسط وصغير )
* 2 معجون طماط مخلوط معاه 2 كوب ماي .
* بهارات مشكلة وفلفل اسود
* ماي

طريقة :

*تاخذين اللحم والتبلينه بفلفل اسود وتخلطينه
*تاخذين لبصلة المقطعه إصغار وتحميسينها مع شوية زيت ( عشان اتروح ازفرت اللحم )



* اتحيطين اللحم فوق البصل وتخليطينه واتحطين بهارات مشكله وشوية ملح عقب اتحيطين كوب ماي وتخليطينه .......بس سر النكهة ابهارات امي لان من نفسها اتسويها فحطي شنو ماتحيبين ابهارات حتى لو ليقيتي بهارات لحم ... وخليه يطبخ لما يستوي اللحم



* عقب حطي البصل الجوانح عشان مانبيه يذبل لان راح نخبزه بالفرن ... وخليه على نار وسط عشر دقايق لما يبدي ينشف اشوي



* عقب اتشيلينه من الجوله وتخليين معاه الطماط المقطع مربعات



* عقب اتحيطينه في بايركس ويستحسن في البايركس الفخار واتحطيين فوقه الباميه وعقب صلصة معجون الطماط







* واتغطينه بقصدير ودخلينه الفرن على نار وسط مدة تفريبا ساعه عشان يتمخمخ عدل وعلى راحته .. الله ذكرت ريحته

العيش :

* شعرية
* جيلتين عيش صنوايت واذا تبين نوع ثاني كيفج
* ماي وملح

الطريقة :

* تاخذين الشعرية واتحطينها في صينية ودخلينها بالفرن لما يتحمص جزء منها لان نبي لونها يصير درجات مثل هاذا الشكل



يتبع ....

 

[رووري]

* اتحيطين جدر وماي مغلي واتحطين فوقه الملح عقب العيش وبعد عشر دقايق حطي الشيعرية وقلبيها شوي شوي مع العيش وعقب شخليهم وحطيهم في جدر ، وشوحي بصل جوانح وإخذي من زيته شوي وحطيه فوق العيش وسكري الجدر لما يتسكر ...








واخيرا











وعوااافي

 

[Q8_QT]

مشكووووووووووورة

 

[ياشايل الظبى]

الله يعافيج وتسلم ايدج على هالطبخه

 

[أم حسون]

رووري ذكرتيني فيه يم يمممم والعيش كان نثري يهبلللللللللل واي يبيله تسوين لنا مره ثانيه تسلم ايدكم انتي وخالتي

 

[أم القمرين]

شوقتيني تسلم ايدج يا عسل شكله ييين ان شاء بطبقه وراح اقولج على النتايج

 

[رووري]

كويتيه وتارقيت ... الله يسلمكم حبايبي

ام حسون انشالله بسويه ... شرايج انسوي عزيمه

وام القمرين لايطوفج حده عجيييب والاحلى ان مخبوز بالفرن

 

[احلام النهار]

رووووووعه الله يعطيك العافيه

 

[رووري]

رووووووعه الله يعطيك العافيه

الله يعافيج حبيبتي

 

[أم حسون]

اي رووري يبيله نسوي عزيمه نعزم فيها الحبايب

 

[حواء الكون]

بصرااااااااحه عجيييييييييييييييييييييييييييييييييييييب

ايييييييننننننننن

 

[مهره شيوخ]

يعطيها الف عافيه والله يخليها لكم يارب -- نشف ريجي وانا اطالع الصور -- جني معزومه معاكم صح >> قاطه ويهها

 

[مســـــافره]

تسلم ايدها خوووش طبغه شكلها يشووووووق

 

[q8iLady]

ما شاء الله ,,,,,,, ضروري نطبقها

 

[مس فيراري]

انشالله اجربه و ادعي لج

 

[قطوة@@]

يعطيج العافيه

 

[أم عزيـز]

حسافه ولا صوره طالعه معاي

الف شكر حبيبتي وعساج على القوة

 

[ضحكة الدنيا]

تسلم ايدج

 

[nono78]

واو شهيتينييييييييييييييييييييييي

تسلم ايدج وايد امج

عليكم بالف عافيه راحه اطبقه ان شاء الله

 

[xxx]

ماشاءالله خوش طبخه

تسلم ايد الوالده الي طبخت

وايدج الي نزلت الموضوع