دام عندج خدامه فكه دشي

[الكويت حياتي]

اخطأت بالعنوان دام ما عندج خدامه فكه دشي
بنات شخباركم ماشاء الله حسيت المنتدى زاد من البنات اللي اضربوا عن الخدم الله يعافي اختنا لا للخدم شجعتنا الظاهر عن نفسي اضربت بشده بس زوجي مو عاجبه هالاضراب لان يدري اني راعيه دسك وظهري تعبان حيل بس بضرب وبشده مالتي بتسافر شهر 9 قلت حرام اقطع رزقها قاعده تيمع ان راحت بقول الى الوداع للابد بلا رجعه لاي جنسيه وقلت غرفه الخدامه بقلبها مخزن عشان يكون مالها مكان وما اغير رايي ان تعبت فبديت اخطط شنو اشتري ان راحت طبعا ​

اول شي بشتري جلايه اماعين / وبعدين ابي قطاعه خضار / وقالولي عم الممسحه المعبئه ديتول امدحوها حيل من بهبهاني سعرها 35 عجيبه يقولون / ابي سخان بني بحطه بالصاله منزمان ابيه وبخاطري وبشتري لي ميكرويف كبير قطيت الصغير / واهم شي طاوله لها ويل ستانستيل عاديه لتنقل الاغراض من الى المطبخ انه شقه مو بيت مطبخي يم الصاله امممممممممممم بعد شنو بعفس البيت فوق حدر اول ماتروح بدق على لجنه تاخذ كل اغراض غرفتها وبحولها مخزن وافتك عندي غرفه حاطتها نشافه واوتي وفيها كبت كبير تخزين منظم ودي اقلها غرفه قعده ارضيه ريلي يموووووووت على ى القعات الارضيه مطارح ودي اسويله سدو وحركات فأبي فكره شلون انظم دار الخدامه الصغيره واخليها تكفي اغراض التموين وملابس الشتا والكفرات فكرت احط بالطوفه كبتات مثل كبتات المطبخ واخزن فيها اغراض التمووين او بشوف افكار ا إيكيا ادري قرقت عليكم بس من فرحه سفرها حدي بطير ​

خلو موضوعنا متطور شلون بنعيش بدون خدم وشنو شريتي من راحت مالتج عانج على البيت وشنو اللي يتعب اي صح بشتري طاوله اوتي مثل ماله المصبغه تفكم من الاوتي سريعه جدا شفتها بموضوع وحده من البنات اله يجزاها خير ومتى تطبخين الساعه جم خصوصا اللي عندها افطال صغار على قوله بنتي تقصد اطفال وسلامتكم ​

منتظره مشاركتكم حزب المكافحات​

 

[حجيه هيونه]

الله يكون بعونج ويسهل عليج


حلو المغامره والمحاوله وان شاء الله ربنا يقدرج على واجبج

 

[غلاتي الكويت]

الله يقدرج يااااارب ويكوون بعوونج


بس شنو ممسحه الديتول شلون فكرتها وعندج صوره لها ؟؟؟


وشوفي موضوعي عن غساله المواعين تلاقينه مثبت وان شا الله يفيدج

 

[Om_Ksha]

الله يووووفقج وتكونين قدهااا وقدوووود

 

[PuPa^^SWeeT]

انا جربت شهر من غير خدامة

يوميين يطق ظهري

و 5 ايام اييب مرتجعة لوووووول

يعني اقوولج الصرااحة اللي عندها ييهال صغار غصبن علي ابي خداامة

سووري دشييت عرض بحبطج بس اذا انتي قادرة سوييها و انشالله انا بعد ) بعد ماتكبر صغييرتي المشاغبة

 

[ورد و ريحان]

صراحة انا اشجعج
ومعاج قلبا وقالبا
صارلي 6 سنوات متزوجه وعندي بنت بالروضه
وولد ماتم سنتين
وما دشت بيتي خدامه
الا بحالات معينه(_نفاسي لان اسوي عمليه ولااااااازم وحده تقوم بعيالي وبيتي
ووالله مو اعتماد كلي ما طبخت ولا مره ولا غسلت ملابس لان غسالتي اتوماتيك حتى التنظيف باشرافي وانا انظف غرفة النوم جبتها من الشارع وتعلمت باسبوع
_الحين حامل وشهوري الاولى اتعب بحمالي بسبب السكري اجيبها حق التعزيل الكبير كل اسبوع او عشرة ايام
_اذا كان عندي عرس وهذي حالات نادره اجيبلي خدامه تمسك ولدي واخليها عند وحده من خدامات البيت وبس )
صدقيني خلي عنج كلام ما تقدرين ومستحيل
دام قررتي وفكرتي بالموضوع معناها انتي قدها وقدود

الله يقويج وتشوفين شلون الحياة من غيرها راحه نفسيه
صج في تعب جسدي بس اهون من النفسي
كافي الرشاقه
وكافي شغل بيتج على كيفج
وكافي ان ما في احد يشاركج ببيتج وعيالج
ادري قرقت واجد...... بس شسوي احب القرقه

 

[@ام يوسف@]

Re: رد: دام عندج خدامه فكه دشي

انا عن نفسي ما استغنى عن الخدامه لاني اول شئ موظفه وبعدين عيالي الله يحفظهم صغار ورى بعض

 

[أم عبود 2011]

صج إني بجريه وللحين ما ولدت الله يسهل علي بالنسبة لي ما أقدر أستغني عن الخدامة مع إن ملابسي أغسلهم بيدي بالغسالة الأوتوماتيك وبيدي أحطهم بالنشافة ما أحبها تلمس الأجهزة الكهربائية بس في شغلتين أكرههههههههههههههههم موت بحياتي غسيل المواعين والأوتي واااااااااااااااااااااااااااااي شنو ما أحبهم

وبالنسبة للطباخ حدي فااااااااااااااااااااااااشلة بالمطبخ ولا في مجال أتعلم لأني أصلا مو حابة هالشغلة ومليت آنا وريلي من أكل المطاعم بس من يت الخدامة ارتحت شوي صج طباخنا مرة بالأسبوع بس عالأقل أقدر أقول لها تطبخ لي وقت اللي نشتهي ناكل
صج الخدم مسئولية وعوار قلب بس ياربي شسوي مالنا غناة عنهم

وبالنسبة للبيبي إن شاء الله آنا اللي بدير بالي عليه أصلا مستحيل أخلي الخدامة تجابل البيبي بيكون مهمتي وإهي عليها الترتيب والتنظيف بصراحة قبل كنت خوووووووووش وحدة وهبة ريح بس الحين من قلب مالي خلق
شوفي نفسج إذا فعلا قادرة على هالشي ربي يوفقج

 

[أم حمودي**MALL**]

والله اذا اضربت محد بياكلها غيري

 

[nwir72]

يمكن لما يكبرو ن عيالي الحين نو ثم نو

 

[الكويت حياتي]

وااااااااي بنات حدكم شجعتوني على فكره بنات انه جربت 8 شهور بدون خدامه وكنت طالعه من رويال حياه عمليه قيصريه ولا رحت عند امي وعندي بيبي عمرها اقل من سنه بعد عادي حياه حلوه جدا بس كنت حامل ما حسيت بحلاوتها


فجووووووووره مشكوره عشتوا ثبتوا موضوعج ههههههههههه عالبركه صج يستاهل التثبيت قريته واستفدت منه جدا برجعله ان راحت خدامتي


ورد وريحان اشكرج من قلبي حبيبتي شجعتيني


اشكر كل عضوه ردت بس بنات االلي ردت ما قالت متى تطبخ الساعه جم ريلي ابدوي يحب العيوش وانه احضريه كلوب ساندويج يشبعني شسوي فيه

 

[غلاتي الكويت]

حاولي تفوحين الايدام من الليل وتخلينه بالثلاجه وثاني يوم جبسي عليه


او اذا ريلج عادي عنده طبخي من اللييل وسخنيه ثاني يووم

انزين ما رديتي علي على ممسحه الديتوول شلون طريقتها

 

[د.شريفة]

والله فكره حلوه ربي يبارك لج صج تعب بس والله التعب يستاهل راحة البال والنفسيه الحمدلله على كل حال
بس حبيت اسأل عن الممسحة اللي تتعبأ ديتول دلينا عليها ربي يوفقج دنيا واخره

 

[عنووشه]

انا قبل لا اجيب بنتي قعدت تقريبا سنه بدوم خدامه


رااااااااااااااحه نفسيه مووووووووووو طبيعيه

بس لما نفاسي جبت خدامه تساعدني في بنتي

 

[العاطفية]

انا بس ابي اعرف ليش التحبيط وتكسير المجاديف والله محد خلا بناتنا رباديين الا تحبيط بعض البنات يعني الي مو قادرة تعيش بدون خدامة ليش تحبط الي بتفتك من الخدم
لتقل خيرا او لتصمت
سوري اختي بس جد وايد تضايقت من بعض الردود
بالنسبة لموضوعج والله احييج واشجعج من كل قلبي وعفيا عليج والله خلي ارادتج قوية وهمتج عالية شيلي الاغراض الزايدة من ملابس من اثاث وانتي وتدبيرج لبيتج ودقي عاللجنة الخيرية ياخذونهم
لازم تشترين غسالة فول اوتوماتك وغسالة مواعين وانصحج بماركة ويرلبول واشتري اوتي بخار وقلاية تغنيج عن القلاي ولويته وطبعا مايكرويف حجم يكفيكم واهم شي الحمامات انتي بكرامة حطي بكل حمام مرش ديتول بوميا رشي ونظفي تنظيف عميق كل يومين او حسب استخدامكم وحااااااااولي تشجعين العيال وابوهم بمساعدتج اهم شي النفس الطيبة والابتسامة والطباخ من بالليل طبخي الايدام مثلا فوحي الدياية وقصصي السلطة بدون صوص وسوي دقوس بالخلاط عالسريع وثاني يوم بس جبسي العيش علي ماي الدياي وحطي صوص عالسلطة وسخني الاكل الي تكونين طبعا حاطته بالثلاجة
صدقيني انا متزوجة وعندي طفل وقمة الشطاااااانة ماتتخيلين وماعندي خدامة لان شاب راسي منهم لدرجة ماكنت اقدر انام من الهم والتفكير الله لا يرد ذيج الايام
لا تسمعين من محيط الدوام او الاهل او الصديقات ترى محد يحب يشوف احد مرتاح لا شافوج مرتاحة بدون خدامة اشتغلوا زن وتحبيط
وبشريني لي ذلفت لووووول

 

[ناتشوو]

الله ييسر امورج
احس شغل البيت مقدور عليه
بس الصعوبة للي عندها عيال صغار ورا بعض
يبيلهم متابعة وتبديل وحليب طول الوقت

 

[ام حمنو]

ما شاء الله بارك الله فيكم خواتي والله يعطيكم الصحه والعافيه :eh_s(15):ويقدركم على الشغل والله خواتي عن تجربه اذا ما عندج خدامه الله سبحانه يعينج ويبارك لج بالوقت وبالصحه وبالعيال :ggdw:وباشياء حتى اغراض البيت وتحسين نفسج حره تاكلين وتنامين وتطلعين وتلبسين وتتدلعين على زوجج وتسولفين :ggdw:وتلعبين مع عيالج وتضحكين بدون رقيب وعيون تلاقط عليج ادري ناس وايد بيضحكون من كلامي بس الله البيت من غير خدامه غير وجودها في البيت فقر:eh_s(14): اعوذ بالله انا عندي وحده شهر سبعه يصير لها سنه وراح اقول لها باي باي احسها قاعده على قلبي ومفكره ان شاء الله اذا الله سهل اييب وحده نظام ساعات يومين بالاسبوع تنظف وتمشي

غسالتي اوتوماتيك وعندي نشافه تطلع الملابس مكويين وعندي جلايه وفي كل دور حاطه مكنسه وعيالي كبار وعندي صبي حق الحوش والحديقه والسيارات وان شاء باخذ اوتي بخار وعندي قلاية تيفال تهبل حق تقلي الهمبورجر والنجتس والشيبس والله يقدرنا انه نستغني عنهم وعن بلاويهم والله لو مو كلام الناس كا كنت حطيت خدامه كنت عايشه مرتاحه نفسيا بدونها بس الناس ما يخلون
احد بحاله وصارت حياتهم متوقفه على الخدم0000ميخالف قرقت وايد بس خلونا نشجع بعضنا:eh_s(15)::eh_s(15):

 

[كويتيه وافتخر]

وناسه البيت بدون خدامه
بس انا مااقدر 000

 

[a woman on top]

انا كل مرة اسافر ما اخذ خدامتي و اقعد بالاشهر بره الكويت
صج تعب بس راحه نفسيه و امان يعني ما احاتي يضيع مني شي لو اقط بوكي او ساعتي ما احاتي
شغل البيت مقدور عليه بس عيالي صغار وعندي بنت عمرها سنتين يبيلها متابعه على طول
ونفس ما قالوا البنات طباخ من بالليل وتنظيف حسب الفضاوة

ودي استغنى عن الخدامه لي كبرت بنتي و دشت الحضانه ليش لا


الله يسهل امورج

 

[تويني دارين]

والله انا عن نفسي لو اموت ما استغني عنها ياختي محد يعاف الراحه