دار القرأن ..

[تسجيل مؤقت]

السلام عليكم



كيف الحال ان شالله كلكم طيبين بالله بنات من تعرف شي عن دار القران وكيف الدراسه فيه

وشهادته صج تعادل الثانويه والا لا افيدوني جزاكم الله خير ...


( كتبت هوني مادري بصراحه وين اكتب الموضوع وحطيت هون )


عاد ردو مو تكشتوون

 

[هواي كويتي]

روحي قسم الطالبات هناكـ يفيدونج اكثر

 

[0(مـــســـ(مطير)ــــــك)0]

والله ايام دار القرآن ماتعوض .. انصحج فيه وبقوة

الدراسة نفس الثانوية تحضرين حصص وتالي تختبرين ..

المواد قرآن تفسير حديث فقه سيره تجويد وغيره

الدراسة اجر باجر وممتعه ومفيده .. ماتاخذين ولا معلومه مالها لزمة

وراح تلاقين كل الاعمار ابتداء من 16 الى فوق

بخصوص المعادلة مادري ..

بس اعرف حالةكانتتدرس متفوقة ووظفوها مدرسة بنفس المدرسة

وتلاقين دار القرآن بكل المحافظات وغالبية المناطق

ودوام في صباحي ..وفي مسائي من 4 الى 7.30 على ماظن ...

وانصحج فيه وربي يوفقج ..

 

[كتكوته ورديه]

ان شاء الله البنات يفيدونج

 

[تسجيل مؤقت]

شاكره لكم

مسك ارسلت لك ع الخاص جيكي عليه ياقلبي

واتمنى للي يعرف اي شي يفيدني

 

[راحيل العبدلي]

..
و عليج السلام ..

اي حبيبتي تعادل الثانويه وظيفياَ ..
اختي كانت من خريجي الدار و قدمت اختبار عساس تكون محفظه و الحمدلله اجازته و كاهي بصير لها سنتين محفظه بنفس الدار ..
و همن تقدرين اذا ما تبين اتصيرين محفظه بس تبين إداريه يعينونج إداريه ..
.

 

[love ali]

رد : دار القرأن ..

أنا في دار القران حلو تحفظين كتاب الله وتعرفين سيرة الرسول صلى الله عليه وسلم وتعلمين التجويد هو اربع سنين دراسه كل سنه تدرسين فصلين بعد التخرج توظفين في دار القران او في الاوقاف

 

[الغاليه نونو]

شوفي يمه الدراسه بدار القرآن اذا عندج شهادة متوسطه ياخذونج بقسم المطور والدراسه فيه 4 سنوات وكل سنه كورسين ونفس نظام المقررات بالظبط والمواد اللي فيه تفسير فقه تجويد حديث وعقيده ونحو وقرآن وتلاوه

وشهادته عقب التخرج يعادلونها بالثانويه وكل مايبتي امتياز هذا من صالحج طبعا يعطونج مكافأه وحق التعيين ياخذونج بسرعه

فيهم عقب التخرج يروحون دراسات وبعضهم قراءات وبعضهم دعوه وتتوظفين بدار القرآن بإذن الله تعالي


ياريت اللي عندها فكره عن الدوامات بدار القرآن بكل المحافظات وتحط اسامي المراكز والدوامات اللي فيها صباحي ومسائي

واكون شاكره لكم ياقلبي

 

[‏إنگِسَارْ آلشَـوْق ..!]

رد : دار القرأن ..

موفقه حبيبتي

 

[ماكنتوشة***]

البنات ماقصروا
والله يوفقج

 

[love ali]

رد : دار القرأن ..

عندج مركز هديه ومركز فهد الاحمد مدرسة اليسرا متوسطه هذي في المنطقه العاشرة

 

[**سما**]

هذا موقع إدارة الدراسات الإسلامية
وفيه كل ما يخص دور القرآن والدراسة فيها
وأي سؤال انا حاضرة

http://douralquran.com/portal/arabic/index.php

 

[فووفوو]

إنزين الدرااسه صعبة ؟؟؟
ودي أخت تدش بس إهيه كلش بالحفظ مو شي ؟

 

[love ali]

رد : رد: دار القرأن ..

بالعكس الدراسه حلوه ومفيده والحفظ سهل اذا حفظة اول في اول والله يوفقها

 

[قصه طويله]

http://www.dar-quran.com/vb/index.php


هذا موقع التوجيه النسائي لدور القران يعرفون كل شي

 

[@محروسه@]

بنات تكفووووووون انقبلت بدار القران
ويبون مني ورقه انا اسويها اكتب السيره الذاتيه عني
شنو يعني احط اسمي وتخصصي وشنو بعد صج وهقه تكفوووون ساعدوني

 

[@محروسه@]

بنات تكفووووووون انقبلت بدار القران
ويبون مني ورقه انا اسويها اكتب السيره الذاتيه عني
شنو يعني احط اسمي وتخصصي وشنو بعد صج وهقه تكفوووون ساعدوني

 

[ضــمــاد]

السيره الذاتيه تحطين فيها

الاسم الجنسيه العمر تاريخ الميلاد المهارات الحالة الاجتماعيه عنوان السكن موظفه او غير موظفه الشهاده

واذا كانت شهادتج دبلوم تحددين مثلا ( دبلوم كلية الدراسات التجاريه تخصص محاسبه )

يعني تحطين دبلوم ومكان دراستچ وتخصصچ ، واذا بكالريوس نفس الطريقه

 

[@محروسه@]

مشكووووووووره بعد قلبي