داخله علي الله ثم عليكمعرسي بعد شهرين

[red-rose]

السلام عليكم ورحمةالله وبركاتو
يااا النشميااات يالسنعااات انا توني مملجه وعرسي بشهر ثلاثه ومااعرررف شي
ابي فزعتكم مع اختكم :yaaaaaarb:لاتخلووووني ابي كل شي من بدل مااااركه و
وساعااات ماركه وجناااط وكل شي ماااركه
:eh_s(16):لانهم يقولوون هويعررف بالماركاات وشغله كله مااركه بمااركه
:eh_s(2)::eh_s(2):وانا مااااعرف شي والله والبجامات والقمصاان والداخليه كلهااا
ومن وين اجيبهم وكلشي بالتفصيل
ومااعنديوقت للفراره ابي اروحوعاارفه شنورايحه له

و:yaaaaaarb:من كل قلبي
:bye22:​

 

[Queen2012]

اول شي الف الف مبرووووك

والله يعينج دام رجلج عارف بالماركات كلها 

الحين خلصي الاساسيات مثل طقم العرس البدله البيضا ، ساعه العرس*

احجزي مصوره + دي جي*

*دام عرسج قريب : بلشي دراريع من الحريم كشخه وذربه بس ها لايقصون عليج بالاسعار روحي البلوكات تلاقين دراريع بيت تلبسينها بالظهاري لنزلتي تحت
واشتري بدل شقه كثري منها وملابس داخليه كثري بعد من المجمعات / جناط ماركه من الافنيو وكعوب اشتري 4 الالوان الاساسيه : ذهبي فضي اسود رمادي او بني ، واشتري جنطه مع كعب ماركه

روححي للمصممات فصلي بدل استقباال ، لاتنسين العطور والمكياج والساعات

والـعبي فصلي 3 كشخه حقت المسايير ووحده ساده للدوام او اذ طلعتي مستعجله

وهذول اللي يحضرني الحين

وموووفقه يّ قلبي ، ادعييلي بالتوفيق انا بعد من عرايس شهر مارس

 

[عجزت افهمهم]

الف الف مبروووووك مقدمااا


حيااتي لا تتحاتين رووحي الافنيووو الحين تخفيضاات وحووسي بكل المحلات والله بتخلصين نص اغرااضش وتلقين تخفضياات بالهبل وفي كلكشن جديد اكيد بتحصلين ورووحي الايووب ورووحي النقرة والبااقي المجمعات تلقين ملابس الشقة والقمصان والستنات الحلوة وروحي الانور حلو شغلة بس شوي غويلي بس معلية وروحي الجميع بعد ملابس داخلية وحلوة بس عاد وروحي 360 تلقين شغلات والساعات والجناط الماركة والعطورات بدبنهامز تحصلين ومسوين تخفيضات وفي محل عرايس ب360 تو منزلين كلكشن جديد شوفي يمكن تحصلين بدلة العرس وبعد روحي معارض فصلي بدل يعني خلصي وتوكلي على الله سهلات انشاء الله

 

[عجزت افهمهم]

اي نسيت اقول روحي البلوكات فوووق التراث الهندي انشاء الله تحصلين دراعات

 

[$حبيبة عبودي$]

مبروووك البنات ماقصرو ..

 

[همآليل]

والله انا سواتي من سواتك .. شي اسمه ماركه ما اعرف فيه شي ..
بس انا للحين ماحددوا الزواج .. فا قاعده ادور عن افضل الماركات
في الملابس والساعات والقمصان والمكياج والعطورات ..

بسس ابي اقولك شي واحد .. قبل لا تلفلفين ب المولات ..
ادهني جسمممك ككككككككله .
. بـ (( خلطةة ..
الجليسوليد وزيت الجلسرين السايل وعصير ليمونه .. وماء ورد ))
و اذا وصلتي ل البيت اغسليها وافركيها بـ ..
صابونةة البابايا اللي اهي 3 ×1
مررررررررررررررره حلوه ..
^ و خلي هذا نضامك في البشره .. طوووول فترة التجهيز

ولاتنسيين (( جسمك لازم يكون دااايم رطب )) ..
ترى اهم شي البشره ونعومتها و نضافتها .. < هاذي اهم صفه يحبها الرجال

والله يوفقكك ويسهل امورك يارب ..​

 

[*الليدي نوني*]

ساعات ماركه

تلقين بالطرف الاغر + روائع جنيف + بالافنيو محلات ماركه مخصصه مثل محل اوميقا كامل وربعهم

--

جناط ماركه

بالصالحيه + الثريا + مجمع مريم + مجمع زهره + 360

بتلقين كل الماركات هنااك

والافنيو فيه بس موكله ماركات في محلات عاديه

 

[*الليدي نوني*]

و كيرولانا هيريرا تلقين بالافنيو بس اذا ماخاب ظني

وملبوس العافيه

 

[ريحْ المَطرْ]

انا اقولج اذا تبين تطلعين قمه

1. فصلي نفنوفج الأبيض من المصمم يوسف الناصر اختي فصلت بدلتها من يوسف الناصر عرسها شهر 2 طلعت بدلتها تبآرك الرحمن روعه ماشاءالله لآاله الا الله صج صج صج روعه ماعمري شفت بدلة عروس راقيه جذي الله يهنيها يآرب فـ روحي له لبدلة العرس ..

2. ساعتج مالت ليلة العرس اخذي بآرثلي ألماس لونه فضي عند الاربش خطيره عجيبه وصج ساعة عروس لو بعد عشر سنين تلبسينها عادي أو كورلوف ..

3. اخذي لج طقم الماس على نفنوفج ..

4. اخذي لج ساعه ذهبيه مونتانا اقنر كارتير اي ماركه تعجبج

5. اخذي ساعه ثانيه عمليه من اي ماركه تعجبج

6. بدلة الاستقبال بعد العرس فصليها عند مصممه وشكثر مصممات بالكويت

7. فصلي بدل من البلوكات فوق عند الخيايطه اخذي لج خام راقي وطلعي لج موديلات

8. جناط ماركه في جنطه ماركه عجبتني دولجي قبانا بـ 600 بعد الخصم 400 وفي جنطه ماركه لونها احمر عنابي جذي من كارولينا هريرآ حلوه

9. بجايمج من اويشو , ماركس وسبنسر , ومن سيكرت


بس تعبت وان شاءالله البنات مايقصرون معاج

 

[بدورة القمورة]

مبرووووووووووك ياقلبي


والحين فرصه تنزيلات ان شاءالله تخلصين تجهيزج علي خييير

 

[درة أهل الطولات]

اخذي لج فرة بالافنيوز

كله محلات حلوة

 

[قطوه بطه]

انا بعد شهر وللحين ماسويت شي

وطارر المهر ع الليزر والتقشير ويااريت جاب نتيجه

الله كريم

موفقه حبيبتي

 

[قلبهـ 86]

الله يتمم عليكم يارب وعليناااا البنات ماقصروا

 

[اهذريبك~]

روحي استغلي التنزيلآت لو صج ذكية خلصي كل شغلج وجناط روحي لسامبا ومحل روكو بوروكو وفي بعد محل جنب بنك التمويل قبال سطرة محل اوميغا في جناط فالنتيو وروركو وشكثر ماركات اخذي لج 4 جناط ماركة كافي وروحي بايلس وفيس حق النعول مسوين خصومات فضيييييييييعه

واخذي من القرشي والقريشي والجزيرة واخذي لج ساعة ماركة حق اليوم الاول وجم وحده سير للايام الباجي
واخذي لج 6 اطقم عطورات مع البدي لوشن
واهم شي عطورات شانيل
وملابس البيت اخذي من كل شي 10 لانج ماتدرين شنو ذوق زوججَ!
واخذي بعد ملابس البيت من نيولووك رهيب تاخذين قطعة والثانية مجااناا واسعاره رخييييييييصة ححيل بعد السيل
والقمصان لا تشترين غالي حرام لان بس مره وتقطينه
وان شاء الله تخلصين باسبوع وتفتكيين
وعسى ربي يوفقج

 

[بواسم]

البنات ما قصروا

 

[لمى الهاجري]

شوفي الماركات المعروفة بربري شانيل قوتشي كارتير جيفنشي وماركة بولغري وماركة شوبارد وماركة فيرزس روحي دبي هناك كله شنطهم ماركات وجواتيهم اما قفمصان النوم فيه بدبي حلوين وعندج اويشو بجامات حلوة والعطور بعد فيه ماركات وديور

 

[يآلبهـ قلبي]

اذا يعرف بالمـآركات انا اقولج خلي ساعاتج جناطج شوزآتج جم بدله راقيه عليها اسم الماركه وشيلاتج واكسسورآاتج خواتم وغيره هذيل كلهم ماركه

حتى مكياجج اللي تصيفنه عالتواليت يكون ماركه الاشيـآء الظاهره عرفتي

اما عـآد لبس الشقه القمصـآن والجينزات والتيشيرتات وسليبرزات والاشياء الثانيه عاادي اقتصدي فيهم اخذيهم بوقت السيل او تاخذين من محلآت عاديـه ,, لآن مايكون عارف لأسعاررررهم

واذا عالسوق ماتبين تفترين الماركات : عندج الرآيه . الصـآلحيـه , 360 , الزهره , الثريـآ

^
هذيل خلصي منهم شغل المـآركات .. واللـه يعينج عالصررررف



وبالتوفيق حيـآتي :*

 

[شلة بنات وبس]

الف مبروك الله يتمم عليكم يارب تبين شغل صح وماركات روحي مجمع الصالحيه وروحي مجمع الرايه بس ها ترى ناااااااار وشرااااااار الأسعار روحي الفنار جناط ماركة وتبدي أسعارهم من 1000 الف دينار فوق اول محل على اليمين مجمع الفنار السالميه

 

[bobo lover]

شوفي حبي،
أولا: ألف مبروك وعسى الله يوفقج ويوفق الجميع ويوفقني إن شاءالله.


***أنا بنظري العبي والجناط والساعات هي اللي تبرز العروس وبالذات عندنا احنا البدو.
بقولج عن محلات عبي حلوة، ترا أهم شي بالعباية خامتها وموديلها، خلي موديل العباية يا اما طبقتين او جاينيز ونصيحة غير هالموديلات لا تسوين لأن صج هلاقة ويلوعون الجبد.
المحلات اللي عندها موديلات وخامات روعة: محل الحلوة موجود بالبيرق وأسعار العبي على 60 تقريبا واطلبي خام صالونة لأنها صج عجيبه عندهم، محل امار اللي يم الحلوة هم حلو وموديلاته ناعمة للدوام او الجامعة، محل شمس الملوك ومملكة الخلود بالعربيد هم حلوين وطبعا عندج شدو والمتحجبة بس أنا الأغلبية اخذ منهم عبي سادة للجامعة.
أقترح تاخذين عباية سادة للجمعية وهالأماكن القريبة و 3 للدوام أو طلعات مع زوجج و2 أو 3 كشخة وشغل (هذا في حال أنت تلبسين عباية).
وكثري من الملافع اللي تلوق مع بدلج ودراريعج.


***الجناط عاد حسب ميزانيتج، أنا عن نفسي أحب جناط كارولينا هيريرا-فرعهم بالأفنيوز- أسعارهم من 150 وطالع وموديلاتهم رووووعة، شوفي جنطة لونها اسمه camel نفس لون البعير عجييييييب عالعباية واخذي جوتي معاه تكرمين من أي ماركة وأنصحج الجواتي ما تاخذين ماركات الا اذا جوتي عملي واستهلاك بس.
جناط روكو باركو رخيصة وحلوة بعد، محل الماسة بالبيرق والمنشر عنده جناط حلوة بحدود 50. اذا عندج ميزانية اخذي LV تهبل وعملية.

الجواتي تكرمين اخذي عملية وحق كرف من ايكو والدو- أنا عن نفسي ما أحب الا العملية والكعب والكشخة البسهم بالزوارات بس.

الساعات حسب ميزانيتج، عندج اوميقا من 800 وطالع واذا تبين رخاص بحدود 50 الى 100 عندج دكني ومايكل كورس.
والدراريع على ذوقج، أنا طلعت موديلات من النت وخيطت بالبلوكات وبالفروانية.

والمكياج اخذي 2 او 3 فاونديشن وانصحج بمال كرايولان للمناسبات حده عجييييييب، والشدو لا تكثرين اخذي الالوان الاساسية لأن يطول عندج سنين، الحمر اخذي من ريميل وريفلون وYSL حلوين واخذي قلوسات

مجموعات الجسم من باث اند بادي ووركس، عندج مجموعات واايد طبي وتخيري. ولا تنسين العطورات وانصحج اخذي 50 مللي وبحدود 6 كافي لا تكثرين والله تملين والبخور عندج مال القرشي الملكي و المبخر من اجمل وشوفي قسم تجهيز العرايس وبتستفيدين.

 

[kwait doll]

والقمصان لا تشترين غالي حرام لان بس مره وتقطينه
وان شاء الله تخلصين باسبوع وتفتكيين
وعسى ربي يوفقج

معاج حق ما تشتري غاليين بس شدعوه ليش مره وتقطيينه ؟ شنو كلينكس اهو؟؟