داتا شو و تغليف حراري

[نواره2011]

السلام عليكم
اشلونكم ابلات

بغيت اسالكم اذا عندكم فكره عن جهاز الداتا شو و جهاز التغليف الحراري
منو فيكم شرتهم ؟؟
و من وين ؟؟
و بكم ؟؟
و شنو احسن الماركات ؟؟؟
و تنصحوني اشتريهم ولا لا ؟؟

انا طالبه ميداني هالكورس
و تعرفون شكثر يبونا نبدع بالشرح و الوسائل و البوربوينت


عفيه لا تبخلون علي بخبرتكم


و شكرا

 

[ترف بابا]

لا حبيبتي ما تشترين اول سئلي اذا الداتا شو عند التقنيات او المخزن تسجلينه متي ما بغيتي علي عهدتج

والتغليف الحراري اكيد عندهم الجهاز - بس الورق ماله من عندج .

ومو كل حصصج داتا شو بس لما تبلغج الموجهه انها جايه لان احنا كانت تقولنا وكلها تري ٨ اسابيع ليش الخساير

اهم شي وقفتج بالصف وثقتج من نفسج والباجي كله لازم نقد وتقبليه بصدر رحب لا تذمرين

وبالتوفيق*

 

[الحياة فرص]

انا الكورس اللي فات ميداني والله ماشريت لاداتا شو ولاتغليف حراري ولاحتي سويت وسيله الوسيله كنت اخذها من المدرسه اللهم بس كنت اجيبلهم لابتوبي واشغلهم افلام ع لابتوبي نفسه وعندنا كانت غرفه العروض بس ماكنت استخدمها
ترا هالاشيا هذي مومهه اهم شي وقفتج وثقتج وشرحج ولا تخسرين نفسج والله
اذا قالتلج الموجه ابي داتاشو قوليلها ماعندي وبعدين انا ميداني ما اقدر اوفر فلوسه
انا تخيلي خذيت a من دون داتا شو ومخاسير ولله الحمد
نصيحه لاتشترييييييين

 

[الحياة فرص]

استغفر الله واتوب اليه

 

[طالبة1990]

الداتا شو ماراح يضيع

بينفع عقب واستخداماته متعددة


عندي من ال جي ب ١٣٩ ونص من جرير

حجمه حلو ووضوحه احلى

 

[متفائله بالحياة]

انا الكورس اللي فات ميداني والله ماشريت لاداتا شو ولاتغليف حراري ولاحتي سويت وسيله الوسيله كنت اخذها من المدرسه اللهم بس كنت اجيبلهم لابتوبي واشغلهم افلام ع لابتوبي نفسه وعندنا كانت غرفه العروض بس ماكنت استخدمها
ترا هالاشيا هذي مومهه اهم شي وقفتج وثقتج وشرحج ولا تخسرين نفسج والله
اذا قالتلج الموجه ابي داتاشو قوليلها ماعندي وبعدين انا ميداني ما اقدر اوفر فلوسه
انا تخيلي خذيت a من دون داتا شو ومخاسير ولله الحمد
نصيحه لاتشترييييييين

^^
^^
وانا أوافقج ع كلامج

 

[نواره2011]

ترف بابا
مشكوره ع الرد و ماقصرتي
بس للاسف المدرسه ع الزيرو
ماكو اجهزه عندهم
و المشرفه قالت تبي بور بوينت لما قلنا لها ماكو اجهزه قالت عااااادي كل وحده تشتري لها جهاز كلها ١٥٠ و اقساط ٢٠ 
مشكوره حبيبتي ماقصرتي

الحياه فرصه
مشكوره ع اهتمامج
و مثل ماقلت المشرفه مشدده ع الداتا شو للاسف
و الف مبروك الa ومنها للاعلى 



طالبه ١٩٩٠
مشكوره ع الرد
بس ممكن تحطين صوره الداتا شو مالج
موفقه يا رب



متفائله بالحياة
اشكر مرورج الكريم 

 

[الامينة]

حبيبتي بالنسبة للداتا شو شوفي هذا الموضوع

http://www.q8yat.com/t814380.html

واذا تبين افكار بور بوينت او فلاشات اتصلي بالمهندس معاذ عندهم افكار روعة ،، وحتى ثري دي مع النظارات

هذا الرقم 66704052

وموفجة

 

[نواره2011]

الامينه

مشكوووووووره حبيبتي و ماقصرتي 

 

[غـــ q8i ـــلا]

,

وعليكم السلام ورحمة الله وبركاته

,

الداتا شوو حبيبتي تلقينه عند ألكتروزان اللي بالري وأنا عندي اصغر حجم خفيف وواضح سعره 159 تقريبا أنا صارلي سنه شاريته
أهو برووحه يعتبر وسيله ومريح حييل ,, ماركة lg ,, وسمعت عن آلة التغليف الحراري من مكتبة العجيري سعرها 18 أو 20 بس مومتأكده

والله يوفقج حبيبتي

 

[حجيه هيونه]

اب ا اب للفايده

 

[Ranoon]

داتا شو مسؤولة ابله تقنيات او امينه مخزن تستخدمينه
انتي تجيبين لابتوبج .. والمشرفة تشبك لج على داتاشو ..

تغليف حراري في بمكتبة العائلة .. احسن انج تشترينه بما انج ميداني
واذا توظفتي بينفعج وخليه بالبيت مو تجيبينه بالمدرسة يخربونه الابلات ..

 

[نواره2011]

غلا q8i
يعطيج الف عافيه حبيبتي ماقصرتي





حجيه هيونه
نورتي حبيبتي






RANOON
شكرا حبيبتي ماقصرتي

 

[Eva-SS]

حرام انتي تربية عملي منين لكم تشترون داتا شو وتغليف حراري مو كافي الوسائل


شوفي حبيبتي نصيحة وانا مدرسة روضة اول ماتعينت نص معاشي يروح على الروضة بس نصيحة لا تصرفين على خرابيط وماعتقد فيه مدرسة مافيها داتا شو واذا مافيه مو ضروري وموجهتكم حدها راهيه تقول كلها 150 دينار خلاص خل يشرونه من ميزانية المدرسة حق المدرسات مو يكلفونكم تشترونه

جهاز التغليف عندي اخذته من جرير بس كان ب 100 وشي وجنه سمعت الحين سعره حيل ارخص .. للأمانة مقطوط عندي صارلي فترة ما استعمله لانه بالروضة موفرين لنا الجهاز مع بلاستيك التغليف فقمت اغلف هناك

 

[نواره2011]

eva-ss
تسلمين حبيبتي ع المرور
بس شنسوي هذا اللي حصل
الله يعين


مشكوره حبيبتي

 

[Sweet October]

عدل كلام البنات لا تشترين من الحين تو الناس اصلا ميزانيتج ما تكفي

وخلي شغلج من النت صور وغلفيها حراري عادي بالمكتبات يسوونها لج

وسوي بوربوينت يعني اشتغلي من اللاب واذا توظفتي اشتري =)

موفقة حبيبتي

 

[برنسيسة2007]

من وييين تشترين حرام عليها
الله يسااامحها
شوفي اذا تكلمتي واعترضتي بروحج مشكله اما اذا انتي مع البنات اللي معاج عادي
شوفي مشرفتكم ويها عريض صراحه شلون اطلب من طالبات حاجات غاليه شوفي انتي والبنات الميداني تحاططوا فيه يعني قطيه بينكم واستغلوا الموضوع روحوا لمشرفتكم وقولوا لها احنا ماعندنا فلوس طالبات وتعرفين اظروفنا لذلك بنتحاطط بالداتا شو وياريت حصصنا ماتعارض
وعادي اذا رفضت وقالت لازم تعارض قولوا خلاص مو مشكله الداتاشو مو كل الحصه بنتبادله بينا وانتوا عاد اللي تحضرلها الموجه تعطي رفيجتها الداتا شو
بس لازم تعطون مشرفتكم خبر عشان ماتتمادا وتطلب منكم اشياء ترا بتستغلكم ماديا ومو بعدين تقط عليكم نغزات تسوون نادي او تخلون الداتو شو حقها ترا بتصادفووووون اشكال
وبعد الميداني ياويلكم مني اذا عطيتوها الداتاشو>>ههههههه
وحده منكم تشتريه من الاخريات او بيعوه ووزعوا فلوسه بينكم

 

[نواره2011]

سويت اكتوبر
تسلمين حبيبتي ع المرور


برنسيسه
المشرفه الى الان ما تبي تكلف علينا ماديا و قالت اكثر من مره لا تخبون عمركم بالوسائل مابي شي غالي ابي شي تسوونه بالبيت بسيط
و لما قلنا لها ماكو داتا شو قالت اشتروا و اذا ماتقدرون خلوه اقساط اشدعوه كلها 20 دينار <<<< مادري كم 20 دينار عندنا :/
و المشكله البنت اللي معاي >>>> اللهم نفسي
ماراح تنفع طريقه القطيه و نتشارك بالجهاز كلللللللللش

عموما .... الف شكر لج حبيبتي ماقصرتي والله
فديتج :***

 

[Sweet October]

مالج شغل فيها خلي وسائلج عادية وبسيطة بس كثري صور اذا تدرسين ابتدائي

وركزي على شرحج واستعدي ذهنيا ورتبي افكارج وان شاء الله a