دابر املا ،،،،، لشعر جميل

[ام حتحوتين]

مرحبا

انا شريت دهن دابر املا من كثر مايمدحونه للشعر
بس شميت ريحته قبل احطه وتراجعت ..
سألت رفيجتي تستخدمه تقول ريحته تروح عقب ثلاث او اربع سبحات ...


عاد اللي عندها طريقة تقضي علي ريحته من اول غسله لاتبخل علينا

الله يرزق اللي ترد وين ماتودي وجهها .. ويغفر لها ولوالدينها ولكل من يعز عليها ..
واللي ماتعرف ياليت ترفع الموضوع ولها نصيب من الدعاء

 

[غلا الأيام]

ما ادري انا عندي ريحتها حلوة وتروح من اول سبووح يعني يبقى فيها خفيف

وريحتها ابرك من زيت جوز الهند هذا اقوى عندي

بس اذا مضايقتج في عطورات خاصة حق الشعر من ماركة ديور في محل فيسز وفي ابدبنهامز اتوقع شانل ترشينها بعد السبوح

واتوقع في عضوة بالمنتدى مرة قالت انها تستعمل قهوة التركية مخلوطه معاها اشويه خمرية بعد الشامبو

عشان اتشيل ريحة الثوم وريحة خلطة الزيوت القوية من شعرها

واب اب لعيووونج

 

[أم ملاس]

نتايجه حلوه …بس صح ريحته تبط الراس والريحه تبقي بنسبه بسيطه
انا استخدمه لبناتي واستخدم الحنه اسبووع وترك…





 

[بدوردا الأموره]

ريحته قويه بس مو خايسه

ريحته تروح بعد ماتغسلين شعرك بيوم

لا تحطين كثير حطي قليل يعني نص الغطى

ونتايجه حيل حلوه

تحملي الريحه ما عليش اللي يبي الدح لا يقول اح

 

[كل الحلا فحبيبي]

يهبل دابر املا للشعر

 

[ملح الدنيآ.]

اخذي الي بالياسمين نفس النتيجه بس ريحته احلى

 

[simone]

احس يعتمد على نوع الشامبو والبلسم وسبحان الله شي شعور تمسك الروايح

 

[ام حتحوتين]

يسلمو ع الردود

غلا الايام يمكن اللي تستخدمينه دابر املا التقليد لان انا شريته واستخدمته
وقلت لرفيجتي ماله ريحه
وطرشتلها الصوره
قالت ياحظي مو هذا الاصلي
الاصلي اخضر غامج وفي صورة مره شكلها هنديه شعرها طوووييييل .. هذا الدهن اللي يمدحونه للشعر

ومشكورين بنات ع الردود

 

[عبقرية]

مااستخدمه​

 

[Estelle]

ودي استخدمه

جم مره تستخدمونه وجم ساعه ؟

وعن الريحه جربي تغسلينه بشامبو بريحة فواكه وحطي حمام زيت بالعسل او بالفواكة
توخر الريحه .

 

[..<< ندى الورد >>..]

انا اخوي اذا حطيته على طول يرجع تكرمون ريحته قويه

بس انا عناد اذا تهاوشت معاه حطيته هههه

 

[ام حتحوتين]

يسلمو ع الردود

انا ودي استخدمه بس متردده والسبب الريحه
،،
بس علي قولتهم من بقا الزين ماقال اح

بس مع هذا راح اجربه وبجرب اغسله بقهوه تركيه
وان شاءالله تروح ريحته من اول غسله

انا مدحوووووه لي للشعر قطعوه بالمدح .. يقولون يكثثثثف الشعر
ويخليه اسود فيه لمعه ( للي شعرها اسود)
ويطووووله
يخليه صحي

بس ها اللي بتشتري لازم تشتري الاصلي ( ابو ريحه خاااايسه ) ههههاي
تلقونه بالجمعيات لون الكرتون اخضر غامج
بجربه لشعري وشعر بنتي
وبشوف النتايج واذا صارت رهيبه اكيد بنزل موضوع
بالصور
لشعر بنتي قبل الاستخدام وبعد الاستخدام
عشان افيدكم مثل مافدتوني

والله يجزاكم خير ودمتم بخير

 

[ام حتحوتين]

حبيباتي جبت لكم طريقة انتهاء الراائحه من الشعر)( ريحة دابر املا)

منقوووول

الطريقة الفتاكة والأكثر من رائعه هي:

جيبي 1 علبة جيلي فراولة أي نوع واخلطي مع علبة الشامبو حقك ملعقتين أو 3 ملاعق من بودرة الجيلي ورجي علبة الشامبو لحد مايتغير لونه ويصير وردي غامق أو أحمر وكل ماجيتي تغسلين الزيت غسلي شعرك بالشامبو أبو ريحة فراوله اللي انتي خلطتيه وصدقيني ماراح تشمين ريحة الزيت وبكذا استفدتي .


وانا ام حتحوتين اقول لاتخربين شامبوج جيبي علبة بطل صحه صغير وحطي من الشامبو وحطي معاه الجلي وخليه للقضا علي ريحةالشعر من دابر املا


ودمتم بخير

 

[فلبينية عبدة]

اااااااب

 

[ام حتحوتين]

يسلمو فلبينيه عبده

الله يرفع مقدارج ومقدار اللي ردو علي الموضوع

 

[@ DLOO3TAH@]

أب’

 

[ام حتحوتين]

الله يرفع قدرج
شكرا

 

[ام حتحوتين]

حطيته ريحته ماتروح
وقلت تووووبه احطه
الا جان احط وراه حنه
عشان ريحته تضيع
غسلت شعري بكل العطور وبخرته وسويت كل شي
ماكووووفايده الريحه لاااازقه لزق
وبس بحطه لبنوتي .. اما انا مستحيل احطه بعد هالمره
اليوم رابع يوم والريحه محلك سر .. مع العلم كل يوم اغسله وابخره

ادري حبطتكم بس المتزوجه صعب تقبله وزوجها يتقبل الريحه
اما البنت عادي تحطه محد شام شعرها


موفقين ياامورات

 

[reem-reem]

اوف حتى انا بموت من ريحته
بس مضطرة علي

 

[ام حتحوتين]

الله يعينا علي ريحته