خيبوا ظني وردوا علي

[البطة ام البطة]

السلام عليكم بنات أنا ابي رايكم ورأيكم يهمني كثير وبالذات اللي ساكنين في بيوت جديدةانا توني شارية ارض 750 وعلي شارع واحد الواجه 20 والعرض 35 يعني مستطيلة وانا عندي سبع عيال وساكنة مع حمولتي
الزبدة راح اقول لكم نقيبكم البيت وأبي رايكم
السرداب حوش ساقط 18 في5 بعدين الديوانية 7في 13 ومقلط 7في 8 وحمام ومغاسل د

وفي الخلف صالة كبيرة 14في13 للمناسبات وبعين راح نحط حمام سباحة ومخزن 8في 6 و حمام ومغاسل يخدمون الصالة ومطبخ تحضير يخدم الديوانية والصالة
الدور الارضي الصالة العائلية مطلة علي الواجة 7في14 بعدين صالة لاستقبال 7 في10 تفتح علي الصالة الطعام 7في5 بعين حمام الضيوف والمغاسل وغرفة 5في6 للصلاة. وشقة مكونة من غرفتين حمام والمطبخ عطاني زوجي 10 في10 وانا قسمته الي 2ففي6في10 مطبخ رئسي و3في4 الي مطبخ التقلي والذبائح و4في3 الثلاجات والماكلة و2في4 للكوي وبابه ما يفتح علي المطبخ
طبعا غير الدرج الدايري اللي يودي الي الدور الاول والاصانصير
بنات لا تخلوني ابي نصيحتك ورأيكم لان قربنا نعتمد المخطط
طبعا الدور الاول ثمان غرف ماستر وصالتين والبنات خليت لهم شقة غرف نوم مع الصالة والدور الثالث ثلات شقق لعيالي في المستقبل

 

[amani]

كل شغلج للحين حلو ومرتب ومنزل مبارك ان شاء الله

وين بتحطين غرفة الخدم وحمامهم وغرفة للسايق وغرفه عباره عن مخزن مساحتها 2 في 2 حق المكانس الكهربائيه والمساحات يعني لمواد التنظيف

 

[جعلي فدوه لبوي]

اهم شي سوي لكل غرفه حمام وغرفة لبس وكبري مساحة الغرف مالوت النوم وشكرا

 

[البطة ام البطة]

مشكورات حبيباتي اللي ردو ا علي
غرفة الخدامات فوق بالسطح لا راح نحط غرفة للخدامات وحمام وغرفة كبيرة للغسيل
والمكانس وادوات التنظيف في غرفة الاوتي

 

[بنت العقربيه]

ماشاءالله مو ناسية شي الله يجعلة منزل عامر باهلة ومبروك ان شاءالله

 

[noorq8]

ياريت لو عندج صوره للكروكي تحطينه , أهم شي غرف الملابس أو المشلح مثل مانسميه لازم يكون له باب لحاله عشان يقدرون العيال يقفلونه أمان أكثر من سرقات الخدم وحاولي مايكون السلم بوسط الصاله بحيث لو في ضيوف أو حتى قرايب والعيال بيدخلون أو يخرجون ماحد يشوفهم والمطبخ عن نفسي أحب يكون تابع له مخزن الكيل منفصل عشان مايلعبون الخدم بحاجاتك وتكون تحت يدك ...........هههه تلاحظين وايد أحاتي عدم أمانة الخدم يختج احنا نشقى وننقل وهم يبعثرون .

 

[البطة ام البطة]

عندي الكروكي بس مو قادرة انزله لأني مصورته بجوالي بس بحاول والدرج عندنا اثنين دايري بالصالة وعادي بعيد عن الصالة وعموما الصالة عائلية يعني لنا يا اهل البيت انشا الله راح اقسمها جلسة مودرن ومغربي وطعام ومجلس الحريم له باب بروحه يعني يجون ويروحون ما سافرا البيت

 

[malak_sa5]

ماشاء الله تبارك الله حسيتك منظمة توكلي على الله وابدائي ..

 

[شمع تحترق]

منزل مبارك ان شاء الله . ودي افيدج بس احنا حضر بيوتنا غير يعني ما عندنا مقلط و دوانيه و صاله وري

بس يا الغاليه انتي اشوفين شنو اللي يناسبج بس لا ضيقين على روحج بغرفة نومج خليها راهيه و غرفة الملابس و الحمام كبار وسعي على روحج واليهال مردهم بكبرون و بطلعون و البيت بيتج يعني اهم شي غرفتج

 

[البطة ام البطة]

مشكورين حبيباتي والله أني استفدت من اللي قلتوه
شمعة تحترق غرفة نومي٧،٥ في ٨ والحمام ٣في ٤ وتبديل الملابس ٣في٤ وجدامها صالة ٤ في٩ أنا اهم شي عندي ان الحمام يكون كبير وكان ودي اسوي للدور الاول حمام بخار نفس اللي تشوفه بالنادي يعني نفس الكرسي ويطلع من تحت بخار وخلي عيالي وزوجي يستخدمونه وانا يفكني من الزوجة للصالون بس المساحة ماسمحت بس أنا للحين افكر فيه يااحطه بالسرداب او السطح طبعا موصليات لزوجي لانه اذا قلت له بيشق ثوبه*

 

[البطة ام البطة]

يا كثر البدليات

 

[برنسيسة2007]

ماشاء الله تبارك الرحمن
الله يعطيج خيره ويكفيج شره
منظم وروعه بس الله الله بالشقق لاولادج ان شاء الله بتزوجينهم وتسكنينهم عندج
اعتمديه بس قبله صلي استخاره
ايييه ونسيت ان شاء بناتج اذا كبروا بتحتاجون سايق سويله غرفه خارجيه وحمام لان الكيربي ممنووووووع وبتوهقون

 

[om-3azo-83z]

مشالله شغلج مرتب و حلو اعتمدي