خوفي من التغيير والبدايات حياكم

[fa6oum3]

السلام عليكم

شلونكم ؟

بنات مثل ماهو مكتوب جدامكم بالعنوان انا اخاف من التغيير

وحاليا في خطة ابالي اني اسوي مشروعي الخاص

وحيييييييييل متخوفه وكا موضوعي جدامكم ياريت لو تمرون عليه وتفيدوني فيه حتن لو (اب)

http://www.q8yat.com/t1056675.html#post30525430


شنو الحل ؟ بنات يصيرلكم ولا بس انا ؟ جربت كل شي وما نفع ومو زغيره بالعمر

احس مشكلتي تافهه بس والله متأذيه وارتحت لكم حيييييييييييييل قلت بنات وفاهمين مشالله

قلت اقولكم وانتوا تفيدوني من خبرتكم

شكرا

 

[Tom ♥ Jerry]

.


حلو مشروعج شفته توا دخلت الرابط ..
حبيبتي التغيير واجب .. يغير حياتج و يعطي لها معنا
التغيير بكل مجالاته لازم الشخص يجرب شي يديد
حتى لو ما نجح بس هم التغير مفيد نفسيا للانسان
توكلي على الله و كل خطوة استخيري .. وما خاب من استخار:*

 

[غلاى الغويليه]

اى حلو مشروعج بس احس صار واجد بنات يجيبون جناط ماركه او تقليد درجه اوله
فـ لو تسوين مشغل عندج بالبيت كـ بدايه وتجيبين خياط وتطلعين تصاميم من النت وتسوينها وشوفى حظج اذا مشت وياج
بس السالفه يبيلها ذووق وبس


موفقه حبيبتى ان شاء لله

 

[طموح لايتوقف]

شوفي حيااتي أذا انتي خفتي من التغيير أو الفشل ماراح تتحركين راح تظلين في مكانك ويكون في علمك الفشل هو مفتاح النجاح فابعدي فكرة أنك تحاتين حددي مشروعك وأدرسيه من جوانبه وشوفي تكلفته وعموما أي شئ يختص بالحريم من لبس وغيره ورااءه مكسب مادي بس المهم الدعاية وشوفي كلام أختي غلاى الغويليه عين االعقل أنك تجبين خياط وتسوين تصمايم شوي شوي وأذا نجح الموضوع كبريه أما مسألة الشنط حلوه االفكره بس مأععرف كيف طريقة الجمارك مأدري أحس فيها حوسه وعموما الله يوفقك ويفتحلك من أبواب رزقه وتصيرين تاجرة كبيرة

 

[طعنـــة غـــدر]

الله يوفقج يآآآرب
المشكلة شوفي توقيعي انا بروووحي ماترقع لكن ترا الفشل بدااية النجاح وكل خطوة فاشلة تتعلمين منها اشيااء وآآآيـــد تفيدج

 

[برستيجي مآركة]

استخيري ربج

وسئلي ذوي الخبرة في هالامور اكيد بيفيدونج اكثر مننا

وموفقة حبيبتي