خوات العروس تعالو ابيكم ضروري

[كويتيه=)]

السلام عليكم :eh_s(7):

مبارك عليكم باقي الشهر وكل قرقيعان وانتو بخير :eh_s(15):

بدش بالموضوع على طول :eh_s(17):

اليوم اتصلت علينا وحده وبتيي اهيا وولدها تخطب اختي هالاسبوع

المهم ابي اعرف انا شنو وضعي؟

اكون مع اختي بغرفتها

والا ويا امي؟

واشلون استقبل الناس؟ وشنو البس؟

وشنو اللي اسويه و اللي ما اسويه

بليز بنات هذي اول مره تصير عندنا خطبه :eh_s(22):​

 

[♥ SWeeRa ♥]

استقبليهم وساعدي امج
بالعربي ضيفيهم
واختج امج تناديها لهم بعدين والا تقولج ناديها

 

[أميـِـِره]

مكآني

 

[أميـِـِره]

رديت ..

شوفي اذآ امج مآرآح يكون معآهآ احد يستقبلهم غيرج خلج مع امج
وإذآ امج معاها احد مثلا خالتج اختكم الكبيرة خلج مع اختج لانهآ بتكون مرتبكة و يمكن تنسئ شي !!

و شنو تلبسين ؟! لبسي دراعه نآعمه او نفنوف طويل
شلون تستقبلينهم : عآدي خلكم طبيعيين و لا تسولفين وآجد يعني خلج رزة وهآدية و هلي امج اهي اللي تاخذ وتعطي معاهم انتي عليج اتظيفينهم بس

*

 

[طلتي هيبه]

جيبي حلو فطاير و عصير و جاي و قهوه و انتي مع امج طبعا اختج تكشخ و تقعد تنطر لما تنادونها

 

[حطمۈكہ يآقلبي]

بــناتي مو فرجـــه <<< رد أمي للحريم إذا بجون يشوفنا بالبيت هههههههههههههه

أمـي ماتحب اتقول تبي تشوف تجي بعرس أو بعشى واتشوف غيره لا خخخخ الله يخليهـا لــي

يــاقلبي أنــا مع رد أميره​

 

[saron el.noteya]

اذا انتي متزوجه اوكي استقبليهم ..
بس اذا مو متزوجه لا تنزلين قعدي سنعي اختج و الله يتمم عليكم ان شاء الله ..
واذا بحال انتي متزوجه و راح تنزلين نزلي بنفنوف قصير او بدله حلوه و بنفس الوقت مرتبه عاديه لاهي خبه ولا هي قطن او ما شابه ..
و حظي مكياج خفيف و استقبلي الناس بس لوو مو متزوجه لا تنزلين سنعي اختج و عاوني امج قبل لا ايون الناس ..

موفقين

 

[كويتيه=)]

اهيا يعني خطبه تعارف مو رسميه

وبيي الريال معاهم

اشلون البس نفنوف قصير!

وامي بتكون بروحها فلازم يعني انا اللي اضيف الناس

ومشكورين حبيباتي جزاكم الله الف خير وعسى الله يسعدكم يارب

 

[saron el.noteya]

دآم جذي كوني موجوده
انا خطبت اختي جذي نزلت ضيفتهم و خالتي اخت امي معانا ..
فا بس قالوا الريال بيدش انا طلعت و ناديتها وبس ..