خواتي وحبيباتي من بعد الله سبحانه مالي غيركم

[اسبانيه]

بصراحه ترددت قبل ما اكتب الموضوع بس قررت بالاخير اكتب لاني محتاجه نصايحكم وكلامكم الطيب.....انا باختصار كنت بحال وصرت بحال ثاني...كنت موظفه وقدمت استقالتي وقاعده بالبيت من جم شهر ويمكن هذا اكبر واهم سبب للي انا فيه...انا كنت ولله الحمد ملتزمة ومحافظه عالصلاة واتصدق على طول والحمدلله احضر دروس دينيه عشان تقوي ايماني واستفيد منها....بس لاحظت اني قاعده اتغير بالفتره الاخيره وايد.. مادري من شنو ...احس الشيطان بدى يوسوس علي حيل...اخر مرة حضرت درس كان بالي مره معاهم ومرة اسرح..بعدين حاشتني ضيقه حيييييل قويه!! وماراحت الا لما طلعت منه! والحين قاعد يوسوس علي بالصلاة صرت مره اصلي ومرة لا استغفرالله..ويايتني قمته وضيقه وملل اعوذ بالله..حتى المصحف ابي امسكه موقادره....ابي طريقه تخليني ارجع وحتى الاستغفار مرات استغفر بس اوقف ...ابي اقوم الليل مو قادره ابي اسوي وايد اعمال صالحه بس احس الشيطان قاعد على قلبي ....انا عمري 28 سنه وليلحين ماياني النصيب..وحتى بهالشي صرت اوسوس ان يمكن فيني عين ..ادعولي بنات وساعدوني محتاجه وقفتكم معاي ..

اللهم اشرح لي صدري ويسرلي امري

 

[شيخة آلغيد]

حبيبتي تعوذي من ابليس وربي يشرح لج صدرج ان شاء الله

 

[rachida]

الله يقوي ايمانك ويبعد عنك وسواس الشيطان

 

[ذكريات ا305]

اول شي لازم ماتخلين اذكار الصباح والمساء وشغلي البقره يومياااا وعليج بالرقيهىالشرعيه
وتذكري هاذا الشيطان يبي يبعدج عن ربج تغلبي عليه والله يشرح صدرج ويحفظج يارب

 

[ذكريات ا305]

اول شي لازم ماتخلين اذكار الصباح والمساء وشغلي البقره يومياااا وعليج بالرقيهىالشرعيه
وتذكري هاذا الشيطان يبي يبعدج عن ربج تغلبي عليه والله يشرح صدرج ويحفظج يارب

 

[فّقدّ]

*


آقري على نفسج أنتي بنية العلاج وتعدل الأحوال
وحافظي على الأستغفار + سورة البقره خليها شغالة طول اليوم
وبعدين ياقلبي خليج أقوى من الشيطان وألاعيبه
آنتي مسلمة وكنتي ملتزمه لا تقولين كنت قولي للحين ملتزمه
وبعدين حبيبتي الدعاء ثم الدعاء ادعي الله انه يهديج ويبعد عنج كل شر
واسأل الله ان يشرح لج صدرج ولا تحاتين حبيبتي
الله كريم /* ​

 

[YoMnA]

الله يهدينا ويصلح أحوالنا ، لا تقولين ما اقدر لا تقنعين نفسج لازم يكون عندج إرادة ولا تخلين الشيطان يتغلب عليج هذا الحجي لي قبل لا يكون لج
سمعي القران بالسيارة بالبيت وأدعية مره ومرتين وراح تشوفين نفسج انج ادمنتي
الدعاء وأدعي ان الله يشرح صدرج ويقربج منه ، موقفه أختي

 

[اسبانيه]

مشكورين حبيباتي ماقصرتوا

راح اجاهد نفسي باذن الله والله يسهل يارب ..وارجع مثل. قبل واحسن