خواتي طريقتي باعداد الحليب الصناعي لابني صحيحة ولا لا؟؟ ساعدوني

[كوكي العسل]

السلام عليكم ورحمة الله وبركاته

خواتي بقوللكم طريقتي شلون اسوي المميه لولدي وقولولي اذا صح او لا بليز

اسخن الماي بالغلاية واتركه يدفى بعدين احطه بمطارة ماي وكل مااسويله مميه اخذ من المطاره

ماادري طريقتي صح ولا غلط؟

 

[علا العلياء]

اي صح حبيبتي
مافيها شي

اهم شي الماي يكون مغلي

 

[سواري الليل]

اي حبيبتي صح مادمتي غليتي الماي معناه قتلتي الجراثيم اللي فيه

فعادي لو فتر شوي مايأثر حبوبه

الله يخليه لج يارب

 

[A7bny =)]

اي صح انه احط بالمطارة ماي دافي اعبي نصها ماي بارد ونصها ماي حار من الكولر مال الماي اسهل واسرع ولازم اجيك الماي اصب على يدي شوي اشوفه دافي او لا واخليه جاهز وكل ماحتاج ان اسوي رضعه اصب دايركت فالمميه من المطارة وكل جم ساعه ازيد المطارة من الماي الحار عشان يبقى دافي وبس

 

[استبـــرق**]

انا انصحج لا تغلين الماي بالغلايه


اشتري غوري متوسط الحجم بس خاص حق ماي ولدج
احسن من الغلايه
شلون تنظفينها من داخل الغلايه (انا شخصيا ما احبها )

وهذا رايي وانت كيفج

 

[استبـــرق**]

اي صح انه احط بالمطارة ماي دافي اعبي نصها ماي بارد ونصها ماي حار من الكولر مال الماي اسهل واسرع ولازم اجيك الماي اصب على يدي شوي اشوفه دافي او لا واخليه جاهز وكل ماحتاج ان اسوي رضعه اصب دايركت فالمميه من المطارة وكل جم ساعه ازيد المطارة من الماي الحار عشان يبقى دافي وبس

حبيبتي لا تحطين ماي بارد بعدين يتعكر الحليب مو زين
خليه لين يدفى الماي الحار وبعدين صبيه بالمطاره

 

[GaLbI t7aWaL]

آنا اسخن الماي بالغلايه واحطها بالمطااره

ووقت الرضعه احط ربع ماي يغلي من المطااره و الباجي اككمله ببطول الصحه

 

[منو انت]

اذا تبون تزيدون ماي احسن يكون صحه

 

[كوكي العسل]

تسلمون بنات على ردودكم ماقصرتوا

الحمدلله ان طريقتي صحيحة .. بنات على فكرة لازم الماي ينغلي صحة او العادي

هذا كلام دكتورة الاطفال . اليوم عندي موعد اودي ولدي اطعمه وبسال الدكتورة عن الطريقة الصحيحه

وبكتبها لكم علشان كل الامهات تستفاد ان شاء الله

 

[شيوم]

اي عدل شغلج

 

[نور الدنيا 88]

انا اللحين ولدي عمره ١٦ يوم
للحين اعطيه رقمين اشفطله
متى ازيد رقم الرضعة
و بعطيه صناعي شنو احسن نوع
الطبيب معطيني حليب مكتوب عليه من شهر
و انا ودي اعطيه اللحين تعبت من الشفط

 

[مشتاقة الى الله]

طريقتج مثل طريقتي

 

[كوكي العسل]

بنات اليوم رحت لموعد ولدي عند الدكتورة طعمته حبيبي

وسالتها للدكتورة عن طريقتي قالت صح

بس قالت مو كل انواع الحليب نفس هالطريقه في انواع لازم احط ماي مغلي واتركها تدفى علشان تقتل البكتريا اللي بالحليب

بس حليب نان اللي استخدمه لولدي لا يصير بماي فاتر اسويها

 

[كوكي العسل]

نور الدنيا

تزيدين الرضعه اذا حسيتي البيبي مايشبع من الرقمين

بس اذا حسيتيه تكفيه وتشبعه خلاص

 

[استبـــرق**]

بنات اليوم رحت لموعد ولدي عند الدكتورة طعمته حبيبي

وسالتها للدكتورة عن طريقتي قالت صح

بس قالت مو كل انواع الحليب نفس هالطريقه في انواع لازم احط ماي مغلي واتركها تدفى علشان تقتل البكتريا اللي بالحليب

بس حليب نان اللي استخدمه لولدي لا يصير بماي فاتر اسويها

انا بعد بنتي اعطيها حليب نان حيل حلو وخفيف على معدة البيبي

 

[A7bny =)]

حبيبتي لا تحطين ماي بارد بعدين يتعكر الحليب مو زين
خليه لين يدفى الماي الحار وبعدين صبيه بالمطاره

لا انه اخلي بالمطارة ماي دافي وبعدين اصبه عالحليب

المطارة اعبيها نص ماي بارد ونص ماي حار عشان يكون دافي واخليه بالمطارة


وقبل كنت استخدم بيبي ووتر حق بنتي اخذ لها كوارتين منه لان يقولون احسن حق الغازات بيبي ووتر بس بعدين لما عدت ال4 شهور وخفت الغازات قمت اعطيها عادي من الماي العادي مالنا =)

 

[washwoshh]

ابب