خواتي صاكة فيني الدنيا أبي مواساتكم :(

[حيوته]

اشلونكم يا الغاليين ضايق خلقي قلت أوسعه عندكم ..
عطوني 3 صفوف يعني 15 حصة مع إني كنت 10 حصص بقولكم الي صار وحكموا
كنت 10 حصص صف ثالث وصف خامس وآمنت بالله وقلت حلو
ثاني يوم قالتلي رئيسة القسم بنعطيج صف أول وصف خامس قلت ليش أنا مابي أول 10 سنين درست أولى بس كافي علي جان تقولي مصلحة العمل ومادري شنو ومن هالكلام هم آمنت بالله
ثالث يوم مدرسة ويانا قالت لهم تبوني أمسك المقصف تعطوني صف واحد بس قالولها ميخالف عطوها صف واحد مع المقصف و الصندوق المالي ..... وصفها قطوا علييييييييييييييييييييييييييييييييييييييييي
فصرت أنا 15 حصة وهي 5 حصص هم قلت آمنت بالله
طلعوا معطيني صفين أولى وصف خامس وكل صف في أولى فيه 20 بنت واحنا أول السنة و الخامس فيه 27 بنت وايد صح ؟؟؟؟
والله ضاق خلقي بس مالي خلق النجرة أبي أعدي هالسنة على خير قلت أفضفض لكم وتسمعوني كلمتين حلوين والله كريم ويفق الجميييييييييع :"(

 

[الأميرة جوري]

رد : خواتي صاكة فيني الدنيا أبي مواساتكم

الله يكون بعونج ,,,,,,,

 

[نوراء]

مادري اشلون النظام في مدارسكم بس صراحه مو وايد الحصص 15 ... والله مااحد راضي انا حصصي 21 مع تربية صف وعدد الطالبات بالصف 30 شقول اشق هدومي يعني ..

 

[اسمي بين الاسامي]

المفروض رئيسة القسم ترفض ان اي وحده من ابلاتها تصير مقصف علشان مايكون ظلم للأبلات الباجين

الله يكون في عونج انتي اشريحلها وجهة نظرج

قوليلها اهي مسكت مقصف انا اشذنبي اشيل صفها؟؟؟؟؟؟؟

بعدين المقصف موواقف على هالابله في اقسام ثانيه تقدر تشيله مثل الرسم والحاسوب وغيره

وهذا موعذر علشان نشيل الصف عنها لانها مومجبوره تمسك المقصف

ترا مافيها شي اختي لاتستسلمين

بعدين اللي فهمته من كلامج ان صارلج 10 سنين تدرسين المفروض تقدر الابلات اللي صارلهم فترة طويله بالتدريس وتعطي الشغل للابلات الجدد

 

[Maryam]

هونيها و تهون
و عساج على القوة

 

[يارا1980]

ميخالف حبيبتي انشاء الله سنة سهلة وخفيفة عليج واللة كلنا بالهوا سوا 18 حصة ؟؟؟ شنسوي هذي مهنتنا تعب وبعدين زميلتج معطينها مقصف وصندوق مالي وكلة حسابات ليش تبتلشين مثلها على الأقل حصة تدرسينها وتطلعين من الصف ميخالف غمض فتح خلصت السنة


وكل عام وانتو بخيييييييييييييييييييييييييير

 

[العجوزوعيالها]

الله يعين صج محد مرتاح كلش هذى دنيا كلها شششششششششششقا لا تزعلين عليج بالا ستغفار والصلاة والله محد يحس فينا الا الله ويفرج همنا الا هو شدى حيلج وخلصى لوجه الله *الله يعينا على هم الدوام ويعدى السنه على خير

 

[مدرسة مكروفة]

حبيبتي والله مالج إلا الدعاء أدعي من قلب وبصلاتج صدقيني بتنحل مشكلتج

 

[الاميره]

الله يعينج .. صراحه وااااااااايد تعب عليج لا تسكتين
خاصه اولى صفين أوووووووووووفر ومعاهم خامس بعد
حسبي الله عليهم ونعم الوكيل

 

[أحاسيس ومشاعر]

رد : خواتي صاكة فيني الدنيا أبي مواساتكم

بصراحة وايد 15 حصة لمعلمة رياضيات خبرتها 10 سنوات وخاصة اذا كنتي قديمه بالمدرسة وعلى ما أعتقد انج مرشحه لرئاسة القسم ؟
المفروض تخفف من جدولج وتستفيد منج كمساعدة لها.
ارفضي الصف الزايد وما تقدر تجبرج .
بالنسبة لعدد التلميذات 20 بالصف الأول ممتاز عندنا بالأحمدي الكثافة وصلت 30 .

 

[فطووومة]

الله يعطيج العاافية حبيبتي

مافيها شي على الاقل تنشغلين بشي مفيد

واللي تقول خبرة لازم يقدرونها ترى هذا حجي

كلنا وصلنا 10 واكثر وماشفنا تقليل في النصاب ولا شي

حالنا حال اليدد لا واليدد احيانا احسن من حالنا بعضهم ما يعجبهم شي

والله يوفقج

 

[عمار يا كويت]

الله يكون في عونج

 

[سوسه كويتية]

هونيها واتهون

بس المفرووض ماتقبلين لانه النصااب هذا بيزيد مع الاحتياط شنو مافي احد غيرج في القسم

 

[ذكريات الطفوله]

صفين مغ المقصف زين عليها
واذا جذي ما عجبها قولي خليها تاخذ الثلاث صفوف وانتي اخذي الصف مع المقصف

 

[تفااحة]

اللة يعينج صدقيني ماضغطوا عليج الا يدروون ان انتي تستسلمين بسرعة وماتعااارضين .......... يعني مثلي مدرسة روضة وبهذلوووني 5 سنين وانا كل سنة بصف اسنع وارتب واشتغل فية السنة الي وراها شايليني اي ليش ارحمووونا وفي ناس تقعد بالصف مليوون سن واللة مايقربوون لها ...................... شوفي التربية عزكم اللة زفت وقواااانين خرطي على ناس وناااس ............... واللة حراااااااام الظلم ............. ياناظرات يامشرفاات ياموجهاات ارحمووونا وين نروووووووووووووووح تعبنا من الظلم والبقاء للأقوى ليمتى الي مالها لسااان تضيع وتروووح في خبر كاااااااااااااااااان ............. انا خلاص بقدم استقاالتي والي فيها فيها ناس مايترس عينها الا الترااااااب .,... اوف اوعت جبد

 

[حرم يوسف بيك]

رد : خواتي صاكة فيني الدنيا أبي مواساتكم

بمدرستنا ماله شغل النصاب بالمقصف بس الي تمسك مقصف مايعطونا اشراف او مربيه والله المفروض اتكلمين واتعارضين هذاااا ظلم ظلم المدرسه مايبيلها وحده على نياتها يركبون فوق راسها والله يعينج

 

[Turquoiseya]

نفس حالتج يا اختي

الحين انا اقدم وحدة بالمدرسة ومعطيني 15 حصة ومرة ثانية صفوف تاسيس مع اني رافضة صفوف التاسيس
واللي توهم جدد 10 حصص وصفوف خوامس وروابع00 حدهم مرتاحين وانا القديمة ماكلة هوا

 

[miss_ano0oma]

الله يعينج يارب

 

[حيوته]

الله يا الفشششششششله رادين علي وانا مادري سامحوني ياقلبي
والله وبالله كنت مشغوله حييييييييييييييييييييييييييييييييييييييييييييل
انا خبرتي يا طويلات العمر 14 سنه هذي ال 15
بفضل دعواتكم لي الله يحفظكم ويرعاكم ويعطيكم كل مرادكم يارب مديرة المدرسة ما رضت انا 15 حصة وهي 5 فشالوا مني صف ولله الحمد والمنة ..
والحمدلله عدت السنة على خير دعواتكم لي الله يوفقني السنة الياية بمدرسة زينة ويم بيتي وسامحوني على التاخير احبكم وااااااااااااااااااااااااااااااااااااااااااااااااااااااااااااااااااااااااااااااااااااااايد :********

 

[جيتك تعال]

المفروض المواد الي حصصها وايد ما تاخذ مقصف
يباا عندك الخط الساخن لوزير القلووب " دزيله مسج ساخن خليه يرفع ضغط مديرتكم