خواتي حبيباتي ساعدوني استشيركم

[اميرة الورد=-]

انا ببيتي اول مافتح الباب حق البيت صالتين قبال بعض بينهم مسافه الي هي ممر بس الممر مو ضيق وسيع شوي المهم انا تو ماسكنته حيل محتاره الصالتين شنو اخلي نظامهم لازم يكونون نفس بعض ولا نفس الالوان ولا يختلفون كيف ؟؟؟؟؟؟؟:bbbiu: هم استقبال يعني لازم شي فخم حيل محتاره ساعدوني

 

[اميرة الورد=-]

? محد رد علي

 

[ŦSЩД3УФИУ]

لا حبيبتي اذا شوي منفصلات احلى
وافخم ان يكونون مو نفس بعض ..~

​

 

[bnt_kwt]

انا اقولج

حطي اطقم مختلفه بالالوان يعني كل طقم لون بس الوان تمشي مع بعضها
مثال على كلامي

البيج دايما يمشي معاه البنيات و الكحلي والازرق والبنفسجي والعنابي واغلب الالوان

بس اذا تبين تكسرين عن البيج ممكن تحطين الوان ثانيه متقاربه

انا رحت بيت وحده من صديقاتي تبارك الرحمن قمه بالذوق والفخامه بنفس الوقت واذكر انه صالتها الاستقبال فيها 3 اطقم كل طقم يختلف عن الثاني باللون

كانت حاطه طقم لونه كركمي وطقم لونه بنفسجي غامج وطقم لونه ازرق في بني

كل طقم في زاويه بروحها بس النظره العامه ككل كانت روعه

 

[اميرة الورد=-]

الله يعطيكم العافيه بس ترا انا هي كانت غرفتين وانا فتحتهم على بعض بينهم ممر مو بذاك المساحه والله يرزقك بالذريه الصالحه عاجلا غير اجلا يابنت الكويت

 

[أدريانا.]

آممّ سويهآ نفس الشيء أحسسن .. لكن حآوليّ أن الأثاث يطغى على أختلاف المسسآحهه فيهآ *

 

[ازهآر]

مختلفين احلى وخلي بعض الاوان تشابة او اكسسوروربي يبارلك يالغلا

 

[اميرة الورد=-]

مشكورين حبيباتي