خواتي تكفون طمنوني وللي ماتعرف يكفيني دعوتها لا تبخلون علي فيها

[كوكي العسل]

السلام عليكم ورحمة الله وبركاته

خواتي انا الحمدلله حامل باول الرابع لمن كنت باخر الثاني نزل علي دم وافرازات بنية استمرت اسبوع ووقفت والحمدلله

امس بالليل كنت ارتب بالمطبخ على الخفيف وبعدين رحت ريحت ورحت تكرمون للتواليت ولا اشوف نقطة بنية :eh_s(2): والله الليل كله مانمته من الخوف والبجي والتفكير

الحمدلله ماشفت شي بعد هالنقطة اللي شفتها يعني الحين معاي افرازات عادية شفافة بس مو مطمنة

اعراض الحمل اللي للحين معاي من اول الحمل الم باسفل الظهر كانه الم الدورة وصارلي كم يوم احس بنغزات بالمهبل مو متواصله

خواتي الله يخليكم شنو تتوقعون سبب هالنقطة البنية اللي نزلت امس المشكلة انا بغربه وهني حسبي الله ونعم الوكيل فيهم مايدخلوني الا بحالة ان خلاص فيني شي كبير والالام كبيره الله يبعدها عني وعنكم

خواتي الله يخليكم مالي غيركم ادعولي الله مايفجعني بطفلي ومايجي الا بشهره التاسع ومااشوف بعد دم ولا افرازات بنية

والله يحفظلي هالجنين ويبلغني فيه يااااااااااارب :eh_s(2):

 

[tho tho]

رد : خواتي تكفون طمنوني وللي ماتعرف يكفيني دعوتها لا تبخلون علي فيها

السلام عليكم ورحمة الله وبركاته

خواتي انا الحمدلله حامل باول الرابع لمن كنت باخر الثاني نزل علي دم وافرازات بنية استمرت اسبوع ووقفت والحمدلله

امس بالليل كنت ارتب بالمطبخ على الخفيف وبعدين رحت ريحت ورحت تكرمون للتواليت ولا اشوف نقطة بنية :eh_s(2): والله الليل كله مانمته من الخوف والبجي والتفكير

الحمدلله ماشفت شي بعد هالنقطة اللي شفتها يعني الحين معاي افرازات عادية شفافة بس مو مطمنة

اعراض الحمل اللي للحين معاي من اول الحمل الم باسفل الظهر كانه الم الدورة وصارلي كم يوم احس بنغزات بالمهبل مو متواصله

خواتي الله يخليكم شنو تتوقعون سبب هالنقطة البنية اللي نزلت امس المشكلة انا بغربه وهني حسبي الله ونعم الوكيل فيهم مايدخلوني الا بحالة ان خلاص فيني شي كبير والالام كبيره الله يبعدها عني وعنكم

خواتي الله يخليكم مالي غيركم ادعولي الله مايفجعني بطفلي ومايجي الا بشهره التاسع ومااشوف بعد دم ولا افرازات بنية

والله يحفظلي هالجنين ويبلغني فيه يااااااااااارب :eh_s(2):

حبيبتي ان شاء الله مافيج الا العافيه
هذا من التعب لانج كنتي تشتغلين
انا صار معاي جذي بحمالي الاول
بس الاحسن تأكدي من الدكتور
الله يتمم عليج ياقلبي :nbvppw:

 

[كويتيه مذهله 87]

الله يثبته لج يارب لا تحاتين هالاعراض كل حامل تييها بس انتي ريحي علي الاخر يمكن نزل عليج من التعب
وفهمي ريلج ان لازم ترتاحين ياقلبي والله يعينج علي الغربه

 

[a7la_7b]

حبيبتي لازم تروحين للدكتوره عشان تعطيج علاج وتسويلج سونار تتأكد من كل شي

الله يثبت اللي ابطنج ويفرحج بشووفته يارب

 

[كوكي العسل]

جزاكم الله خير خواتي

انا كنت عند دكتور خاص قبل 10 ايام تقريبا وطمني ان كل شي تمام

المشكله هالدكتور يبعد ساعه ونص علينا والحين بدت العطله الرسمية لان راس سنة

دعواااااااااااااااااتكم

 

[أنا الثريا]

رد : خواتي تكفون طمنوني وللي ماتعرف يكفيني دعوتها لا تبخلون علي فيها

حبيبتي ان شاء الله ماكو الا العافية,,,لاتحاتين
اهم شي اهم شي الحين وقفي جماع بس ليما تروحين للدكتور تطمنين
وريحي ظهرك واتركي عنك الحركة الزايدة,,انسدحي ورفعي ريولك
ترى وايد حريم جذي ,,بس الافضل انج تتاكدين

وسمعت بنات يقولون عن تحطين قفشة نشا بقلاص ماي وتشربينه
بس للامانة انا ماجربت هالطريقة بس اسمع وايد يمدحونها

وصج ,,,الله يعينج على الغربه

 

[LiL MaMa]

رد : خواتي تكفون طمنوني وللي ماتعرف يكفيني دعوتها لا تبخلون علي فيها

لا تحاتيين عاديييي انا دايما و اذا تعبت و شلت و حطيت ينزل علي نفس الافرازات البنيه

بس لازم ترتاحييين و هالفتره حاولي ان مايكون في جماع

 

[ابتسمامه]

لا تحاتين ان شاء الله ما فيج الا العافيه

انسدحي على السرير وارفعي ارجولج

 

[حلوه العسل]

انا بحمالي الاول والحين كلا جذي
هذا من التعب والشغل
دم يكون من خارج الرحم
هذا عادي
ارتاحي ولا تجهدين روحج

 

[ام صاالح]

رد : خواتي تكفون طمنوني وللي ماتعرف يكفيني دعوتها لا تبخلون علي فيها

الله يثبته لج يارب وتفرحين فيه

 

[KOKO_284I]

رد : خواتي تكفون طمنوني وللي ماتعرف يكفيني دعوتها لا تبخلون علي فيها

حبوبه لا تحاتين هذي شغلات طبيعيه انتي حاولي لا تشغلين نفسج وايد وهالنغزات راح اتحسين فيهم وايد بين فتره وفتره لين يطلع النونو

 

[غنوة ستايل]

اخذي مثبتات
لازم مثبتات نفسي انا اول 3 شهور كان ينزل علي دم خيوط
بعدين بالرابع بدأ يوقف مع الابر التثبيتيه والحبوب

 

[noorq8]

جيكي المشيمه لاتكون نازله .