خواتي اللي في التربية الاساسية التطبيقي تخصص حاسب آلي تتفضل؟

[ذكرى الفراق]

السلام عليكم ورحمة الله وبركاته ....


خواتي اللي تدرس في كلية التربية الاساسية التطبيقي حاسب آلي ...بغيت اسألكم عن هذا التخصص ودراسته سهلة ولا صعبة ..لاني بكمل ان شالله اجازة دراسية وافكر بهالتخصص ..خاصة اني علمي واحب الكمبيوتر ..وشاطرة فيه ان شالله بس مادري كثير خوفوني وقالولي انه دراسته غير ....اتمنى بنات اللي تدرسه الحين تقولين عن كل شي خاااص فيه ..ولكم دعوة بظهر الغيب بالتوفيق ان شالله​

 

[مزن الكويت]

والله انا سمعت عنه ان دراااسته اغلبيته بالانقلش
مووووووووووووفقه ياااااااااااااارب

 

[الباسمه]

حبيبتي توكلي على الله دامج تحبين الحاسوب ومبدعه فيه
انا تخصص حاسوب سنه رابعه
وبصراحه بالبدايه كنت ماعرف ادرس له لانه الماده الوحده بالعربي والانجلش؟ كنا ضايعين
وكانو الاساتذه كلهم منتدبين وبصراحه انظلمنا حيل الله لا يسامحهم
بس من سنتين المواد صارت بالانجليزي وصار عندنا مجموعه اساتذه كويتين والله كلهم عسل يعني مو نظام الانتداب اللي يحطون علينا والا يواعدونا بa وb , وبالنهايه c او d
وبالنسبه للانجلش بس اول كورس تحتاجين تترجمين بعض الكلمات وترجمي اول بأول مع الاستاذه الكلمات اللي تقولها بالكلاس
والكورس اللي بعده تلقين نفس الكلمات تتكرر اصلا تحفظينها من كثر ما تتكرر عليج يعني سهالات
وبالتوفيق انشاء الله ما في شي صعب واساسا كل قسم فيه الزود؟
لا يحبطونج البنات
واي استفسار انا حاضره واذا ما رديت دزيلي عالخاص
اسفه طولت بس بغيت اوضح لج كل شي

 

[ذكرى الفراق]

رد : خواتي اللي في التربية الاساسية التطبيقي تخصص حاسب آلي تتفضل؟

ماقصرتي يالغاااااالية والله يوفقج وين ماتروحين .....اذا عندي اسئلة بدز لج ع الخااااص .....

وودي اعرف شنو موااااد هالتخصص .....

 

[الباسمه]

حياج الله بأي وقت
مواد التخصص برمجه 1 / 2
وفجوال بيسك
وشبكات
وبرمجة نت
وذكاء اصطناعي
وتطبيقات حاسوب
وجنه فيه مواد جديده كهرباء وجذيه؟
على العموم لاتخافين من اسم المواد ترى الدراسه حلوه​

 

[الباسمه]

وفيه بعد مواد رياضيات ومواد تكنلوجيا التعليم يعلمونج فيها شلون تصممين دروس بالحاسوب ووسائط تعليميه
وانجليزي
يعني خلطه مواد​

 

[((((جومانه ))))]

انا ودي أسال يصير ها التخصص ادبي تكفين ردي علي لأني انا بعد احبه

 

[الباسمه]

هلا جومانه اعذريني توني أشوف سوالج
لا والله ما يصير من شروط القسم أن الطالب يكون تخصصه علمي

 

[تعاال وألبيكـ]

وانآ بعد انششالله يآررب انقبل فيه ..
تسسلمون وانششالله اي شي بدزه لـ ج عالخآص .،'

 

[طيوف الشوق]

بنات بليزز حتي لو ماخذه اجازه دارسيه لازم علمي ولا ماله شغل انا سمعت ان ماله شغل علمي ةلا ادبي للي ماخذه اجازه دارسيه

 

[رجآوي]

لا بس للعلمي انا اجازة دراسية وماخذته قالوا من الشرروط بس علمي ~.؟

وانا ثاني سسنه الحين اي شي تبين انا حاضرة حبيبتـي وموفقة ي رب

 

[مسك الحرم 1]

يعطيكم العافية كلكم عالمشاركة بس سؤال اذا ممكن أطول محاضرة في تخصص الحاسب الالي كم مدتها ... لان ودي اكمل بس احاتي عيالي اخاف اتأخر عليهم ... يعني ما ابي تكون المحاضرات من الصبح لي العصر....

 

[مسك الحرم 1]

اختي الباسمة مشكورة عالردود
بس ابي أسأل أطول مدة للمحاضرات كم ساعة في الحاسب الآلي.
لان احاتي عيالي أخاف أتأخر عليهم ..... يعني ما ابي محاضرات من الصبح لي العصر