خلونا نطلع شوي من مشاكل الحياه

[سعادة قلبي وياه]

صبحكم الله بالخير والمحبة والسرور

كيف حالكم حبايبي جميعا عسى اموركم دوم طيبة ومرتاحييييين يا رب ..

حابة اخذ رايكم بكم شغلة نفيد ونستفيد ..

بخصووووص المشاريع المنزلية اللي تفيدنا وتفيد اللي حولنا

يعني الحياة صارت مابقول صعبة لانه بعض الناس عادي والبعض عندهم شبه صعبة

يعني حابة يكون عندي وعندكم مدخول ثاني .. بتسألون شلووون؟؟

اللي بتقول عندي عيال ماقدر
واللي بتقول اشتغل عيزااانة ..
واللي بتقول مامنها فايده ..

زززين خلووونا نجرب انا حابة يكون عندي مدخول استفيد منه بس شلون ابي اعرف الطريقة

ماشاءالله بنت عمي لها هواية تمكيج وماشاءالله تشتغل وتمكيج عسى الله يوفقها
واحس بكون حلو المدخول من الدوام ومن هوايتج اللي تمارسينها وتستفيدين منها

مثل ريلي يحب تربية الطيور وفتح له محل توه والحمدلله شغله ماشي لانه هوايته من صغرته
تربية الطيور وبيعها

انا بعد ودي اشغل نفسي واستفيد بس علموني شنو احسن المشاريع المربحة
بخصوص الطبخ والحلويات انا ماعرف ولا اقدر اجازف بأمور الطبخ ... غيرهاااا علموني

بناااااات خلونا نستفيد :eh_s(15):

 

[سعادة قلبي وياه]

10 مشاهدين مافي رد ..؟؟

لماذااااا

 

[CuTe KuwaiTia]

موضوع حلو

على هالطاري امس شفت حلقة بنات و بس على الوطن و لقيت بنت مسوية مشروع حلو ما شاء الله فكرة يديدة علينا

سينما منزلية شارية شاشة بروجكتر و تسوي شعر بنات و بوب كورن وتعرض سينما بالبيوت مع خدمة الاكل و توفر هالشي للعزايم

والاحلى احلى خطوة حلوة منها قالت ( السينما بالكويت ما وفرو مكان لذوي الاحتياجات الخاصة انا اسويلهم سينما منزلية عمل تطوعي ببلاش ) يعني للمعاقين ببلاش ما شاء الله عليها

والله كل من يسوي افكار ولو كانت بسيطة تسوين لها اعلان قوي اهم شي و تنجح

اما شنو الخطة والله مادري مافي شي ببالي حاليا على حسب ميولج و تخطيطج وميزانيتج

بس بالكويت ما شاء الله كل مشروع ينجح وعليه اقبال

موفقة حبيبتي ​

 

[أم حسوون]

السلام عليكم
ما شاء الله عجبني تفكيرج ، وأنا ودي بنفس الشي ، أنت شوفي شنو اللي تحبينه وشنو اللي ماشي عندنا بالكويت ، وهم اسألي الناس اللي عندهم خبرة ، ترا التجارة حلوة وباب رزق ينفعج حيل بالمستقبل .

 

[هيبة ملك]

ياليت. لكن. حنا ناس. ذابحنا الكسل

 

[نجمه السيد]

في مشاريع واجد تكون في البيت طبيخ أكل في البيت تصدقي اني تعاملت مع ناس واجد في الطبخ ماشاءالله ذوق وتوني من شوي وصيا لي باستا وبشأميل من وحده جارتنا تسوي في بيتهم او مثلا سوي طوقات بنوتات صغار او بيعي مكياج وهالسوالف يبي لها خبره ومكان او ملابس وإذا عندك هوايه الرسم تقدري تحني في البيوت أو تحطي مكياج ويبي لش وحده تسوي الشعر معاك تراها شغله ماشيه وتدخل افتحي لش حمل كوستا أفراح خاص في النساء وتنسيق باقات ورد عرائس او نظمي أعياد الميلاد ووووكيكات هال سوالف

 

[اميره بكلمتي]

شلونج مع التصاميم والأزياء

أنا بخاطري أسوي تصاميم بدل عمليه بأفكار غريبه

 

[اميره بكلمتي]

شلونج مع التصاميم والأزياء

أنا بخاطري أسوي تصاميم بدل عمليه بأفكار غريبه

 

[! بــدويه وآآيــد !]

اذا عندج خبره تطلبين من النت طلبي مكياج بدل اطفال قمصان نوم هالاشيا ماشي سوقها

 

[زينانه]

احلا شي
تعلمي تطلبين ملابس او بضاعه مفيده من النت
وبيعيها
هذي الشغله مربحه حيل
لانج تطلبين كميات والشحن مالهم سعره رمزي

ملابس
جناط اطفال
شغل مواليد
ادوات للمطبخ بس جذابه،مثل ادوات التقطيع

 

[سعادة قلبي وياه]

في افكار وايد ماشاءالله

صديقتي تأجر فساتين وماشي شغلها

 

[Pinky -cat]

يعطيج العافية حبوبة والله الواحد فعلا ودة ينحاش من مشاكل الدنيا هاذي بكبرها ويكون بروحه ويرتاح ويسوي شي زين

مشكورة على موضوعج