خلونا نتناقش : شنسوي بالمنحه؟ فكره مني وفكره منج (( دمج المواضيع ))

[المتميزة@80]

السلام عليكم بنات

ان شاء الله تكونون باحسن حال


مثل ما انتو عارفين الشهر الياي الكل بيستلم منحته

وربي لك الحمد والشكر ويزاه الله الف خير ابونا صباح على هالمكرمة الاميريه اللي مو غريبه عليه


فنبي كل وحده تقول لنا شنو ناويه تسوي فيه , تعطينا افكار :gr4uu:

المبلغ ماكان عالبال ولا مخطط له


فنبي كل وحده تعطينا فكره وراح ابدي وياكم :


مثلا : 10% نتصدق فيهم:yaaaaaarb: وعسى ربي يتقبل



سفره خليجية بعطلة الربيع



, عمرة ,

نيو لوك لووووول :RoadRunner: ركضة عالاسواق

لاب توب يديد , اثاث يديد ......



يلا وروونا تفاعلكم واقتراحاتكم

 

[بخـــارى]

رد : خلونا نتناقش : شنسوي بالمنحه؟ فكره مني وفكره منج

اول شي لازم نتصدق
بروح مكه ومدينه ان شاءالله

 

[لـــمـى]

رد : خلونا نتناقش : شنسوي بالمنحه؟ فكره مني وفكره منج

سفره على مصر
هذا اللي ودي فيه

 

[LuLiTa]

رد: رد : خلونا نتناقش : شنسوي بالمنحه؟ فكره مني وفكره منج

اتصدقين للحين ما فكرت شسوي فيها ؟ :/ بس يمكن اسويلي جم جلسه ليزر ب 100 دينار ,,,

 

[PinkY Dreams]

رد: خلونا نتناقش : شنسوي بالمنحه؟ فكره مني وفكره منج

بخشهم علشان بالعطله بنروح هاواي نغير جو الدراسه

 

[angel bysho]

رد: خلونا نتناقش : شنسوي بالمنحه؟ فكره مني وفكره منج

اذا مسكتها بيدي طبعا في احتمال ما امسكها قهررر المهم بشتري اثاث لغرفتي واشتري هم لاب جديد امممم واشتري جم هديه حق بنات خالتي وبنت عمتي يعني مني مناك يعني هذا الي ناقصني وان شاء الله بتصدق

 

[English.Teacher]

رد : خلونا نتناقش : شنسوي بالمنحه؟ فكره مني وفكره منج

الليزر فكرة مش بطالة

والله مافي شي معين

بس الله يستر من الاسعار

 

[وصال 86]

رد : خلونا نتناقش : شنسوي بالمنحه؟ فكره مني وفكره منج

ما شاء الله ولا قوة إلا بالله
الله اكبر اللهم زد وبارك
طيب واحنا الوافدين مفيش لنا منحه ههههههههههههههههههه
الله يزيدكم يارب ويحفظ لكم الامير
والله يرحم جابر الخيييييييييييييييييييييييييييير على فكرة يابنات مش انتم بس بتحبوا الشيخ جابر الله يرحمه احنا والله كمان كنا بنموت فيه
وعمره ما كان بينسى الوافدين ابدا وكان كل فترة يعطي الوافدين منح الله يرحمة ويوسع عليه في قبره إلى يوم الدين
ويزييييييييييييييييييييييييييد الكويت خير بلدي الثاني والله بعد مصر
احبكم كويتيات
وبارك الله لكم فيما رزقكم وماتنسون رحلة عمرة والصدقة​

 

[المتميزة@80]

رد : خلونا نتناقش : شنسوي بالمنحه؟ فكره مني وفكره منج

اول شي لازم نتصدق
بروح مكه ومدينه ان شاءالله

عسى الله يتقبل آمييييييييييين :yaaaaaarb:

خوش فكرة الله يسهل دربج يارب ويحقق اللي بالج :eh_s(7):

 

[سوزانو]

رد : خلونا نتناقش : شنسوي بالمنحه؟ فكره مني وفكره منج

المنحه صج ولا اشاعه ههههههه

 

[المتميزة@80]

رد : خلونا نتناقش : شنسوي بالمنحه؟ فكره مني وفكره منج

سفره على مصر
هذا اللي ودي فيه

:tek: حلوووو

ام الدنيا ونااسه تشري وسياحه وتغيرين جو

الله يوفقج بالسفره ويسهل دربج


ولاتسيين صوايغنا _03BA:

لووووول

 

[المتميزة@80]

رد : رد: رد : خلونا نتناقش : شنسوي بالمنحه؟ فكره مني وفكره منج

اتصدقين للحين ما فكرت شسوي فيها ؟ :/ بس يمكن اسويلي جم جلسه ليزر ب 100 دينار ,,,

وااايد فكرتج حلوة , ونتايجها طويلة الأمد نتهنى فيهم دووم :balo:
:aha:اهنييج على طريقة تفكيرج

 

[المتميزة@80]

رد : رد: خلونا نتناقش : شنسوي بالمنحه؟ فكره مني وفكره منج

بخشهم علشان بالعطله بنروح هاواي نغير جو الدراسه

:nbvppw: ربي يوفقج بدراستج وتييبين أعلى الدرجات

هاواي :eh_s(20): استرخاء حد الدعسة لووووووول


الله يهنييج

 

[المتميزة@80]

رد : رد: خلونا نتناقش : شنسوي بالمنحه؟ فكره مني وفكره منج

اذا مسكتها بيدي طبعا في احتمال ما امسكها قهررر المهم بشتري اثاث لغرفتي واشتري هم لاب جديد امممم واشتري جم هديه حق بنات خالتي وبنت عمتي يعني مني مناك يعني هذا الي ناقصني وان شاء الله بتصدق

اي والله قهر اذا ما مسكتيهم نوط نوط

ان شاء الله بتمسكينهم

اثاث ولاب شي حلوو وناسه لما تغيرين

من الحين حوسي بقسم الديكور عندنا واخذي لج افكار حق دارج

:jbdwjbd: وهدايا حق بنات عمتج وخالتج وسمعت بعد حق بنات المنتدى لووووول


الله يهنيج ويبارك لج

 

[المتميزة@80]

رد : خلونا نتناقش : شنسوي بالمنحه؟ فكره مني وفكره منج

الليزر فكرة مش بطالة

والله مافي شي معين

بس الله يستر من الاسعار

اي والله صدقتي الله يستر من هالتجار عسى ما شموا ريحة فلوس بتيينا راجعوا حساباتهم ويانا لوووول طمامعه :eh_s(14):

 

[المتميزة@80]

رد : خلونا نتناقش : شنسوي بالمنحه؟ فكره مني وفكره منج

ما شاء الله ولا قوة إلا بالله​

الله اكبر اللهم زد وبارك
طيب واحنا الوافدين مفيش لنا منحه ههههههههههههههههههه
الله يزيدكم يارب ويحفظ لكم الامير
والله يرحم جابر الخيييييييييييييييييييييييييييير على فكرة يابنات مش انتم بس بتحبوا الشيخ جابر الله يرحمه احنا والله كمان كنا بنموت فيه
وعمره ما كان بينسى الوافدين ابدا وكان كل فترة يعطي الوافدين منح الله يرحمة ويوسع عليه في قبره إلى يوم الدين
ويزييييييييييييييييييييييييييد الكويت خير بلدي الثاني والله بعد مصر
احبكم كويتيات

وبارك الله لكم فيما رزقكم وماتنسون رحلة عمرة والصدقة​

:eh_s(3): انتو يالوافدين عيونا لكم

هلا فيج اخت وصال عزيزة وغالية

ومنو يقدر ينسى جابر الخير الف رحمة ونور تنزل على قبره

واحنا بعد نحبكم وعسى الله يرزقكم امين

 

[المتميزة@80]

رد : خلونا نتناقش : شنسوي بالمنحه؟ فكره مني وفكره منج

المنحه صج ولا اشاعه ههههههه

صج مو اشاعه يلا هاتي ورقة وقلم وخططي ويانا :ada:

وقوليلنا شبتسوين فيهم

 

[قطوة@@]

رد : خلونا نتناقش : شنسوي بالمنحه؟ فكره مني وفكره منج

بعطيهم امي

 

[التائبه لخالقها]

رد: خلونا نتناقش : شنسوي بالمنحه؟ فكره مني وفكره منج

بسوي حديقه لاصارت ولا استوت حول بيتي واممممم بسدد معاش خدامتي متراكم
اتوقع مو بس هني فيه منح بالطريق احلامي ماتخيب ودائما تتحقق... قولوا ان شاء الله

 

[♥ SWeeRa ♥]

رد : خلونا نتناقش : شنسوي بالمنحه؟ فكره مني وفكره منج

حاليا افكر بلاب توب وكاميرا
لان ناويه اشتريهم
والحمدلله جتني ال1000

يعني 350 لاب توب
150 كاميرا
500 دينار يعني



وحفيدتنا الاولى جايه بالطريق
اكيد لها تقريبا 200 دينار
"هديه"


يبقى تقريبا 300
مافكرت اسوي شي