خلطة زيوت للي تبي شعر طويل كلمة (عجيييييبه) قليلة في حقهآ ,,, ومجررب بعد اشتبون اكثر

[حلآتي بخلطآتي]

آلسسسسسسسسسلآم عليكم ورحمة الله وبركآته

وآلصلآة وآلسسسلآم على آشرف الأنبيآء والمرسلييين أمأ بعد

<< قلبت خطبه

آن شآء الله آلكل بصحة وسسسلآمه

حلآتي بخلطآتي اليوم تفصح عن سر الخلطة العجيبه للشعر ومجربه مني انا بس ومآحد يعرف عنها بالعآيله واللي يسئلني آقوله آهتمآم بطريقة غسسسله وكذآ


طبعآ كلنآ نحلم بالشعر الطويل الكثيف اللامع

ولزيآدة الهمه عشششآن نوصل للي نبيه

شوفوآ

مآشآء الله تبآرك الله

تتأملون ولآ تتحسسسفون على شعوركم

آستشوآر من جهه وفرد من جهه وصبغات من جهه

محروق ومتنتف وحالته حاله

قصير ومتقصف ولاطعم ولامنظر

ولآ آقول شوووفوا هذي

.




.

مآشآء الله شحلآته ربي يهنيهآ فيه ويحرسسسهآ من آلعين

تأملي وردي لي

تبين مثلة

مو مستحيييل

ومو تقولين ايه وتنامين وتصحين وتقولين مآتغير

آللي يبي الدح مآيقول آح

تدورين ورآ الزين يبيلك تتعبين سنة سنتين ثلاث اربع

حمآتي قبل خمس سنوآت بعد زوآجها قصت شعرها فوق كتفها وكآن طوله لخصرهآ

واللحين مآشآء الله تبآرك الله تحت مؤخرتها ربي يهنيها

وقبل نبدأ بحملة تغير شعورنآ

فيه شروط

1- روحي سوي فحص فيتآمينآت وشوفي الناقص وعالجي ياطبيعي يآمكملآت

2- الإستمرار الإستمرار مو تجيني وحده تقول مافادتني وهي تحطها مره واوقات تنسى ولا عندها مشآكل ولا بعض اساليب خطأ تستخدمهآ

3- وانتي تغسسلي شعرك لتحت الشآمبو مخفف وبس على الفروة البلسم بس على الأطراف التمشيط انسيه بعد الحمام لين ماينشف مشطي وخميه

4- الاستششوآر ابتعدي عنه إلا لضرورة

5- اكلك صحي وفواكة وخضار وعصيرات طبيعيه وابتعدي عن الغازات على قد ماتقدري

6- الخلطة ماتجلس على الشعر اقل من ساعتين ولا اكثر من ست سآعآت

7- توزيع الخلطة على الأطراف اول شي وبنسبة اكبر من الجذور

8- بعد ماتحطي الخلطة مسسآج لشعرك عشر دقآيق

9- الخلطة استخدآمهآ يوم وترك يومين

10- دعوآتكم لي واذكروآ الله قبل كل استخدام :eh_s(22):

ثآني شي قصتي مع شعري :eh_s(16):

شعري من يوم عرفتة ماشفته نزل على كتوفي إلا باثنين ثلاث سآنتي :eh_s(15):

حلووووو

المهم

كآن يآمكآن قبل سنتين من الآن قررت آصبغ شعري

وفعلا رحت للكوافير

وجلست وبسم الله وبدت تصبغ

طبعا اول شي الأرضيه صبغ الشعر كله بلون وآحد كآن عسسلي فآتح

وغسسلت شعري وشفته :eh_s(22):

يآآآآآآي آول مره آحس آني قمر بجد

شفت حلآوة مآهي طبيعيه وفرحت كثييير ومآكآن محروق بشكل كبير

ومستآنسه حدي

بس يآفرحه مآتمت

ليش

آقولكم ليش

لآني مآني طالبه بس عسلي

طالبه ثلجي

يعني تغطيه وبعدين تخصيل

وبدت الفلبينيه بالعمليه

تخصل وتخصل وآنآ مستآنسه باللون البني

ومدري وش جآني آنخررست :eh_s(16):

على بآلي بيطلع آحلى لين مآخلصت وغسسلت

الله لآيوريكم الشعر الاشقر الخصل يوم آمسسكهآ الشعر يتقطع بايديني وصآر مثل

الشعيرآت اللي بالذرة اللي نشويهآ والله صآر نفسسسه

وندمت آشد الندم على اني ماقلتلها خلاص ابيه كذا ومآعجبني شكلي مره

بس منظره حلو بس وش يفيد وهو ملمسسة كرهت امسك شعري عشان لا انصدم انه صار كذا

ومن بعدهآ شعري آنتهى

بعد اسبوعين

مآعجبني الوضع ورحت المطبخ وخميت

وش تتوقعون

خميت حنه

واخلط واخلط واخلط واحط واغسسل شعري واشوف بالمرآية

قسسم تقول دجآجه واللي يشوفني ينكت ويمشي صآر برتقآلي :rerrerek: على كيف كيفك

بس مآعجزت صرت كل اسبوع احط حنه مع نسكآفه وشآي

لغآيه مآصآر لونه بني محمر وزآن شوي

وبيوم ملكتي الكوافير اللي سوت لي التسسريحه خررربت شعري خرآب الله لآيوريكم

فيرت شعري بفير مو بالصلاه ع النبي حرآره وآنتهى لآ فير وتسخنه بدآفور الله لا يبآرك بطريقتهم دمرت شعري

ومرت ايآم الملكه على خير :eh_s(22):

وبعد زوآجي بثلآث آشهر قررت آني آقص شعري

ورحت للكوفير وحشيت يآهي حششه : )

كنت آبيه طول وآحد تحت رقبتي إلآ طلع قصت لي قصة تقصهآ لكل رعيه الحآرة ومن قبل جيت عندهآ وكآنت قآصة نفس القصه

كرهت مشغلها بسبتها :rgewrg:

بس ماعليه استشورت وزين وروحت البيت وشكله حلو :rerrerek:

ومن بدآية زوآجي وآنآ آعرف آن زوجي يحب الشعر آلطويل وخوآته يضرب بشعورهن المثل مو خلطآت ولآزيوت لآ من زمآن وزمنآ مآيعرفون المقص ومآشآء الله تبآرك الرحمن

وآنآ كثير مشتهيه الشعر الطويل بس المشكلة آنه لو تمر سنه على شعري مآشوف فيه تغيير يذكر

لين شهر تسسعه رمضآن قررت اني احط حد وقمت وسسويت الخلطة

يآزين يومي ذآك اليوم سويتهآ وآستخدمتهآ آول شي يوم وترك يوم وبعدها تكيسلت صرت احط مره مرتين بالاسبوع ومرات يمر اسبوعين ماحط يعني مدآومه بشكل متوسط

وكم مر من شهر تسسسعه :eh_s(10):

3 اشهر بالضبط

والله يآبنآت شعري تغير 180%

مآقول وصل نص ظهري فوقة بنسبة لاتذكر

وعآجبني كثير وقبل يومين خلصت القآرورة

وبرجع استخدمه ثآني

وزوجي عآجبته النتيجه بس المشكلة

الصبغه صآرت تحت وآحسس شعري من تحت ميت إلا اذا رطبته وعكفته فوق يزين شوي بس نفسسه

فكرت انزلها بخلطات وكذا بس مانسابتني الفكره

واليوم فكرت اني اقصصه لحد كتوفي وارجع اطوله بس قلت خسسآرت تعبت وبالنهايه تششش

برجع للخلطات وانشاء الله يزين حال شعري

وبرضوا عندي مشكلة بشعري عارضتها بموضوع ثآني

طلع بسبة الإستشوآر ادمنته الفترة الماضيه بس اللحين تركته الا لو احتجته

وبرضوآ مسسويه جدول لششعري الخلطة والتنعييم والتكثيف جدول يآآآي

حلآوه×حلآوه

ربي يبآرك وييسر

ودعوآتكم لي وآشووفكم على خير

ولاتنسسوا الإستمرار

وفمآن الله

.


.

آمزح آمزح لآتدعون علي بقولكم مو هآربه

آول بآشتآن آسمهآ ( آلخلطة آلسريه )

مكونآتهآ :

من العطآر (من وادي النحل زيت الخروع وزيت الثوم وزيت الخردل , وزيت كيشور دهني وزيت نارجيل ابو خمس ريآل وزيت دابر املا الأصلي وبرضوا محلب وكثيره يعطيك بعلبه صغيرة مثل الكسر )

وكمآن نحتآج زيت سمسم من المعصرة وزيت زيتون عآدي

و فصوص نواة تمر محمس ومطحونه ومسمار مطحون وثوم مجفف ومطحون

ومن الصيدليه كبسولآت هير فيت

نجي للطريقة اول شي

خذي كوب بلاستيك وصبي فيه الخروع كامل وشوفي لوين يوصل وخطي خط من برا الكوب عشان بقية الزيوت تتساوا

وجيبي طنجره وصبي زيت الخروع اللي بالكوب وزيت الثوم وزيت الخردل وزيت كيشور دهني كامل وزيت السمسم وزيت الزيتون والنارجيل ودابر املا بالكوب البلاستيك بالتقدير واخلطيهم مع بعض على نار واطيه بس تسسسخين بسيييييييييييييييييييييط

وصبيهم بقارورة قزاز مثل قارورة فيمتو واللي يزيد خبيه بقارورة بلاستيك واستخدميه مع زبادي مثل الماسك ساعتين بالشعر

نرجع لقارورتنا بعد ماحطينا الزيوت

نجيب ملعقتين نواة تمر محمس ومطحون وملعقتين محلب وملعقتين مسمار مطحون وملعقتين ثوم مجفف ومطحون ويمكن ماينطحن معك كويس على حسسب درجه تجفيفه والكثيره نطحنها ونحطها

وقبل نقفل على خلطتنا نجيب 3 كبسولات هير فيت ونرعصم او ندقهم شوي ونحطهم ونقرا على خلطتنا ونسسمي بالله ونقفلها ونرجها ونبدا نستخدمهآ

يوم ويومين لآ وقبل كل استخدام نرجها كويس وسمي بالله

وقآبليني بعد ثلاث اربع اشهر

آذآ حآبه آستخدميهآ وآذآ مآزآنت لك مكونآتهآ بالصلآة ع النبي لآ تدعين علي ولآ تتكلمين ورآي

تبين تشاركين وحدك حياك تبين تشاركين انتي ووحدة من قرآيبك معنآ هنآ الموضوع على طول آب آن شآء الله

وكل وحدة تحفزاللثانية

لين مآنوصل للشعر الطويل

بكرة بشتري المكونآت وبرجع آسسسويهآ

وآن شآء الله ربي يحقق لنآ اللي ببآلنآ وآستغفروآ وآذكروآ الله على طول

واللي تبي تنقل الموضوع ماحلل لها إلا بذكر المصدر

وعوآفي عليكن الخلطة :eh_s(22):

وآنتظروآ بقية آسرآري بموآضيع جآيه :eh_s(7):

 

[قلبك صار موطني]

يسسسلمووو حياتي بجربهاا

بسس كثيره وخايفه ماتعمل شيء

 

[حلآتي بخلطآتي]

uuup على طول​

 

[حلآتي بخلطآتي]

حيآتي تطمني تعمل كل شي وآذآ مآزآنت لك مثل مآقلت مآني غآصبه آي وحده تروح تشتري وتخلط اللي منآسبتهآ تسسسمي بالله وتسسويهآ ​

 

[:نسوني غلاه:]

عسى الله يوفقج صح كلامج اهم شي الفحص

 

[سالم الروح]

يعطيج العافيه اسلوبج يشوق والبواريك اللي حاطتهم لووول
تنفع لتكثيف الشعر

 

[حلآتي بخلطآتي]

نسسوني مشكورة ع المرور

سالم الروح هذا تعب بنات ووصلوا لنتيجتهم الحلوه

بقا احنا لمتى واحنا سادحين ونتصفح بالمواقع الجماليه ولانسسوي شي ​

 

[المتلثمه بعلم الكويت]

مشاء الله تبارك الله الله يتمم عليك ,

 

[طفلة كبيرة]

يعطيج العافية

 

[حلآتي بخلطآتي]

الله يعطيكم العآفيه ​

 

[فررصة]

الله يهينج بالنتيجة يارب...

وماراح استخدمها اولاً لعدم توفر زيوت وادي النحل بالكويت..
ثانياً .. مكوناتها كثيرة..

بس يعطيج الف عافية ماقصرتي يالغالية..

 

[قلب محتاج]

حلاتي الله يهنيك بالنتيجه يارب..

ويحميك من العيون .. ماشاءلله تبارك الله ..

انا اللي نفسي شعري يطول لو شوي لاكن مافيه فائده كل شيء جربته ..

واو امنيه بصراحه معجزة لو يطول شعري بس لتحت الكتوف لكن ..الشكوة لله ..

فيه بنات يأكلون شبسات وغازات وكاكوات ولايهتمون بأكلهم وشعورهم ماشاءلله تتغذى وتطول .. وانا الله يخلف ماخليت شيء ماسويته ولا عنده نيه ..

مشكورين حبايبي ..

 

[همسات شقاوي]

يعطيج العافية قلبؤؤؤؤ

 

[حلآتي بخلطآتي]

جزآكم الله خير ع المرور وآن شآء الله مآتجربهآ إلا اللي تقتنع فيها

عني بظل استخدمهآ لين مآشوف شعري وآصل خصري بعدهآ برتآح : )

 

[kndora]

يعطييج الف عافيه

بس زيت الخروع اخااف منه لان يليين الاعصاب

 

[أعشقه]

والله ودي اجربها انا وامي وعمتي
بس امي بشرة راسها حساسه
وعمتي في في شعرها فراغااات يعني لو استخدمتها بيطلع لها شعر ويطول ولا بس يطول ماتطلع الشعر
ربي يوفقك

 

[نور الضي]

صعبه الطريقه وشكثر مكوناتها
لوووووووووووووول
عسي الله يهون عليج
ويوفقج

 

[ABEER FLOWER]

مشكووووووووره

: )

 

[جلنار..]

ماشاء الله .,تباركـ الله
والله انك صادقه وانا اختكـ ..
انا قبل سنتين تقريباً كنت استخدم هذه الخلطة بس مو كل كل المكونات اللي انتِ كاتبتها
لا بعضها
كنت مو حاطه كيشور ولا مسمار ولا ثوم ولا محلب والباقي ايه
وشعري بصراحه تحسن تحسن بشكل مو طبيعي وطال بسررعه حتى الفراغات الاماميه طلع فيها شعر وصار صحي ووشي بصراحه
بس يبيلها استمرار وعزيمه واصرار *_* علشان تحصلين على اللي تبينه ...
بس الحين تركتها ., وبس استخدم زيت سمسم وخرووع بس
وبرضو حلوين ماعليهم .,
بس الله يجزاك خير ذكرتيني شكلي برجع اضيف كل المكونات ..
هي صح كثيره بس وش نسوي ., على الأقل اغلبها ..
الله يوفقك ويسعدكـ

 

[غيــرة انثى]

مشكووووووووره بجربها بناات وين في وادي النحل بالكويت ؟ و شلون ثوم مجففف؟