خلطة النيل والورس والكركم والصندل للبيااااض الطبيعي

[غرنجيه]

السلام عليكم


اخباركم بنات؟؟؟؟؟


بصراحه شفت هالخلطه في النت حبيتها والسبب مكوناتها الطبيعيه والمعروفه بمفعولها الآمن والواضح واللي شجعني مدح البنت للخلطة كانت راضيه وااايد بالنتيجة ولاحظت الفرق في اسبوع واحد من الاستعمال...الله يوفقها ان شاء الله



المهم

المكونات هي:

1. نيل مطحون( معروف بفايدته مايحتاي اتكلم)

2.كركم جسم (نظافة وبياض وتعقيم)

3. ورس مطحون (للاسف مالقيت له صوره في النت بس قولواا للعطار وبيعطيكم) :eh_s(22):


4. ماي ورد

4. صندل مطحوون (تقدرون ستغنون عنه مايغير النتيجة)

نخلط كل المكونااات ويا بعض وطبعاا انتوااا حددوا الكميه..يعني اذا بتحطونه للجسم والويه زيدووا الكميه

حاولواا تخلونه فتره طويله شوووي اذا لقيتواا وقت


وبعدين تروح للخطوه الثااااانيه والمكمله للخطوه الاولى:

قبل ماتتدخلون الحمام(عزكم الله) نحتاي

1. لزيت اللوز (ينحط لمدة نص ساعه وطبعا تعرفون فايدة الزيت يرطيب ويبيض وبعددد بيشيل اللون اللي من خلطة الاااولى)

بعدين تتسبحون بالماي عادي


اذا تبون تكملون عاددددددي واذا تبون تكتفون بالخلطة اللي فوق بعد عادي اللي يريحكم بس لنتايج حلوه ومرضيه كملوااا الخطوه الثالثة

الخلطة الصابونية:

صابونة بابايا + صابونة اغادير المغربيه + صابونة روز + صابونة الكركم + ودادا المغربي(اذا ما لقيتوه عند العطار حاولوا تاخذونه من الصالونات المغريبه اللي يسوون حمام مغربي وتقدرون تستغنون عنه بس حاولوا تحصلونه) + نشا


الطريقة:

1. نبشر الصوابين كلهاااا
2. نحطها على النار+ كوب ماي ورد ونحرك الخليط ونخليه لحد مايذوب الصابون كله ونشليه من النار
3. نضيف ملعقتين كبيرة نشا+ ملعقتين كبيرة بودرة الداد ونحرك ونخلطه ونستخدمه بعد مايبرد


والباقي حطوه في علبة بلاستيكية في الثلاجه


تنحط هالخلطة الصابونية على الجسم بعد مانغسل الجسم من الخلطة الاولى واستخدموااا الليفة المغربية

و اخررررررر الشي بعد التفريك هذا كله :eh_s(9): حطوا ملح الحليب دقيقتين وغسلوا بالماااااي

والحين صج صج اخر شي بعد هالحمام الحلو والخطيررررر:eh_s(15): حطوااا كريم بزبدة الكاكاو بارمز


النتيجة من اول اسبوع:

جسم نااااااعم + بياااااااااض ملحووووووووووووووظ + وداعا للاسمرار

وترا يا بنات الورس وايد مفيد للبشره اللي فيها حبوب ويعتبر معقم جيد للبشره و نفس الشي الكركم

ومره شفت دكتوره كويتيه على الراي نسيت اسمها(الله يجزاها الجنه) ذكرت الورس للحبوب


والنيله معروفه للبياض يستخدومنها العرايس والحيييييييييييين الصين عندهم مصنع مختص بس للنيل ...شفتوااا كييييييييييييف....؟؟؟


انا صح ما جربتهاااا بس ارجع واقول مكوناتها تحمس وتشوق الواحد والشي الثاني تذكرت كلام الدكتوره و هم بعد رفيجتي(يا سلااااام اتحجى كويتي خخخ) استخدمته للحبوب

وفي الاخير يا بنات ماابي غير دعوه حلوه منكم بظهر الغيب:yaaaaaarb: لاني صج تعبت رجعت ارتب الموضوع من اول ويديد لان البنت ماكانت مرتبة الموضوع...

وعن نفسي بحطها من ضمن الخلطات اللي ناويه اسويهااا

و ان شاء الله تستفيدون


تقبلوااا تحياتي

غرنجية

 

[$حبيبة عبودي$]

يعطيج العااافيه حبيبتي ..

 

[Miss Unique]

مشكووورره ويعطيج الف عاافيه ^^

بس كم تنحط ؟؟

 

[اصيلة]

مشكوره ما قصرتي اختي

 

[سالم الروح]

مشكوووره حبيبتي
شنو النيل ! وشنوفوايده

ويعطيج العافيه=)

 

[انثى عاشقة]

النيل حق شنو هذا ؟؟؟

يسلمووو ع الموضوع ​

 

[غرنجيه]

العفوووو يسعدني مروركن


اختي miss unique كثر ماتقدرين خليه على ويهج اماااا جسمج تقدرين تنطرين لحد ماينشف ولبسي عادي دامج بالبيت

 

[غرنجيه]

سالم الروح العفو اختي تسلمين


النيل= النيله الزرقا معروف بفوايده يبيض ويصفي يستخدمونه العرااايسسسسس


شفت بالمنتدى بنات يستخدمون صابون بالنيله والورس وهم الصابون التونسي فيه النيله


شوفي بالنت بتلقين معلومات عنه

 

[غرنجيه]

انثى عاشقه


نفس الكلام لج اختي النيله=النيله الزرقا اسألي العطار وبعطيج بس اطلبيها مطحونه

حاولي تشوفين بالنت معلومات عنهاااا

صدقيني من بعد الاستخدام بتحبينهاااا

 

[سالم الروح]

سالم الروح العفو اختي تسلمين


النيل= النيله الزرقا معروف بفوايده يبيض ويصفي يستخدمونه العرااايسسسسس


شفت بالمنتدى بنات يستخدمون صابون بالنيله والورس وهم الصابون التونسي فيه النيله


شوفي بالنت بتلقين معلومات عنه

مشكوره حبيبتي :eh_s(7):

 

[غرنجيه]

العفوووووووووو سالم الروح


والله نورتي