خلطات صابونية مميزه واكثر استخدامنآآ

[s7r 3yonk]

السلآم عليكم ورحمه الله وبركاته

شحالكم يآآ اهـــــل منتدى كويتيات

رديت لكم اليوم بموضوع حلو ويسهل عليكم البحث

وموضوعي لهذا اليوم جمع الخلطات الصابونية

نبدا بسم الله

الاولى : خلطه مزيونه وشقره واظن الكل سمع عن خطتها الصابونية

1-خلطتي الصابونية:والله بيـــاض على بياض فضيع للجسم ولون واحد وبدقايق _بصــور من تلفوني

بسم الله الرحمن الرحيم


السيدات المحترمات // عضوات ومشرفات ومديرات منتديات كويتيات

الموضوع /// خلطتي الصابونية:والله بيـــاض على بياض فضيع للجسم ولون واحد وبدقايق _بصــور من تلفوني

تحية طيبه وبعد,,,



شخباركم كويتيات

وخليجيات

وعربيات

عندي لكم خلطه صابونية خاااصه فيني من تأليفي عاااد أبي عليها براءة اختراع منكم اوكي

بنات ما كتبتها لكم الا و انا مجربتها وضامنتها لكم والله يشهد علي

بنات هالخلطة تعطيج بياض على بياض ونظافة حلوه ولون الجسم يصير منور وعجيب وبياض بتشوفينه فوري والله العظيم في دقيقتين بس

وطريقتها سهله وتونس وممتعه
والأشياء اللي نحتاجها مع فوايدها

1-صابونه الكركم ------------------------- ( تبييض+ نظافة+ تشيل الحبوب الدهنيه بالجسم )
2-صابونه الغار--------------------------- ( تبييض + نظافة وتشيل الحبوب وتصفي)
3-صابونه السحرية------------------------ ( تبييض)
4-صابونه البابايا --------------------------( تبييض + تشيل الحبوب وتوحد اللون)
5-ماي ورد قلاص وربع------------------- ( ترطيب نعومه تبييض)
6-اشوية كركم جسم ------------------------( تبييض)
7-ملعقة كبيره ملح خشن -------------------( تطهر الخلطة + نظافة)
8-ملعقتين كبار سفيد اب مطحون- ---------- ( تبييض)
9-ملعقة وسط نشا-------------------------- ( تبييض + لتماسك الخلطة)

والحين نبشر صابونه الكركم وصابون الغار و الصابونه السحرية وصابونه البابايا

نبشرهم في المبشاره مالت السلطة عرفتوها انا من حلااات هالخلطة شريتلي مبشاره خاصه للصابون

نبشرهم ونحطهم في صحن بروحهم راح تصير عندج كميه من الصابون المبشور

نخليهم ونروح نأخذ جدر ضيج اشوي ما يكون كبير ونحط فيه قلاص وربع ماي ورد ونحط السفيد اب ملعقتين كبار وبعدين الكركم اشويه وبعدين ملح خشن ونحركم ونحطهم على النار وإذا سخن اشوي بس الماي نحط الصابون كله مع بعض ونحرك راااح تلاااحظين انه على طول بيسيح ويذوب مع ماي الورد الحار ونحرك لحد ما يندمج ويصير مثل الخلطه جنها عصيدة <<< طاااع التشبيه المهم

أي والله صج بيذوب وتتكون عندج الخلطة والحين إذا سخنت الخلطة وبدت تبقبق اشوي حركيها بعد اشوي وإذا حسيتها اندمج مع بعضها المكونات وصارت على شكل خلطه وشيليها من النار وحطي قفشه النشا على طول واهيا حارة على الخلطة وحركيها عدل

وبعدين تكون الخلطة جاااهزه فرغيها بس في علبه أو مطبق نايلون اللي يكون له غطا وراح اوضحلكم بالصور فرغيه في هالعلبه وغطيها ونطريها على ما تبرد ونبدي نستخدمها عااادي وراح تكون مثل أي صابون عاادي ماراح تخترب ولا راح يضرها شي إن شاء الله

طريقة استخدامها:
مع كل استحمام استخدميها اخذي كميه في ايدج وفركي فيها جسمج كااامل ومع الوجه حتى الرقبة والمنطقة الحساسة والإبط وخليها عليج من 2- 3 دقايق او اذا تبين اكثر وغسليها والتنتيجيييه شي خيااالي بيااض ولون منور وحلو

وبعد الحمام بعد ما تنشفين جسمج دهني جسمج في أي كريم مرطب للجسم عشان تزيد النعومه وترطبين الجسم بعد الصابون

للعلم انا سويت خلطتي الاولى وخلصت وسويت ثانيه وبتخلص بعد والحين ببتدي في الثالثه ان شاء الله

 

[s7r 3yonk]

التآآنية : صابونية كرستين

2-أقـوى صــابونيـه الجلوتاثيون + وأكتشافي (( ســر خطيييييييير ))

صباح الخير

اشتقت لكم وربي

وعندي لكم أسرار وماقولها لأحد غيركم




طبعا قبل كل شي انا سويت صابونيه من زمان بس قلت ماراح اعرضها بالمول
الأ لمن توصلني دفعه كبيره من الصابون
لأني كنت ناطرتها توصلني من الفلبين
(( صابون مو متوفر اهني ))
سميتها


(( صـابونيه الجلوتاثيون ))

لإنها تحتوى على أعلى نسبه جلوتاثيون

لحبايبي اللي يحبون البياض

الصابونيه مركزه وتبييض بياض ملحوظ من أول استخدام !!

انا راح أقول شنو الصابون ومكوناته عشان تستفيدون
بس

الطريقه وباجي المكونات أحتفظ فيها لنفسي لأن ماحد سواها <
نبتدي ...

صابونه skin white
glutathione
vitamin c
المطور بالجلوتاثيون القوي يساعد على التبييض الحاد في 7 أيام ، فيتامين A , B3 , C , E . أثبت آمنا وفعال !
ملاحظه:
( طبعا انقطع القديم لأن قالو بيطورونه وفعلا صار احلى من القديم ويبييض اكثر ومركز )
حبيت أوضح نقطه ..؟؟
لمن أقطع قالو راح نجدده ونطوره للأفضل ....
عاد بعض الناس قالو انقطع لأن يجيب سرطان ؟؟
استغفرالله العظيم
الله يهديهم بعض البنات مصدر اشاعات
اللي ماتعرفهم ماده الجلوتاثيون تسوي عنها سيرج راح تستفيد وتتطمن

صابونه glupa
glutathione papaya
تعتبر المجموعه المثاليه للتبييض
صابون يخفف لون الجلد في 3 دقايق ويبيض ويحمي الجلد بدون جفاف اضافه الى فيتامين c e ,
تحتوى على اعلى نسبه جلوتاثيون طبعا هالصابونه اقوى من سكن وايت عن تجربه
فضيعه للتبييض
سعرها ب دينارين

Gluta
صابون الأبيض والقوي
يطهر الجلد ويزيل الأوساخ بشكل مسرف
ويقشر كليا ويجرف خلايا الجلد الميته
مركب من الجلوتاثيون ...

Belo
صابون الوردي المطور
يقشر الجلد الميت ويبييض بوضوح ب 7 أيام
المكونات الصوديوم palmitate حامض salicylic عطر دلتا ، ثاني أوكسيد ، غليسرين ، ملح الحامض ، ألفا ...

هالصابونه عجيبه وفيها حبيبات ورديه تهبل مثل السنفره

صابونه
Belo Nourishing Whitening
بالجلوتاثيون
غنيه عن التعريف وروعه

صابونه Glutathione
غنيه عن تعريف وصارلي أكثر من شهرين ابيعها
وعليها طلب واقبال

صابونه جلوتاثيون بالحليب
glutathione soap with milk
بعد مايحتاج اسولف عنها وخصوصا انها بالحليب

صابونه الحليب للتبييض
تحتوي على فيتامين e ترطب الجلد وزيت جوز الهند المصفى وزيت ذره والغليسرين ...
حيل اعجبتني مكوناتها وريحتها

صابونه فيتامين سي
تساعد على تغذيه البشره وتبييض وتنعم وتخفف الكلف والنمش والبقع السوداء

__

هذي بس مكونات الصابون هديه لكم
وشكل صابونيتي النهائي بعد اضافه المكونات الباقيه
وشوووفي جسمج شلون يصير
قطنننه وربي وترغي عجييييبه
وبياااض من أول مره
من كثر ماحبيتها حطييها حتى على وجهي
ههههههههههههه
والله جربوها وماراح تندمون
وأتحدى اي صابونيه تبييض ربع مفعولها

مجموعه الجلوتاثيون ان شاء الله راح اعرضها بالمول اليوم

:eh_s(22):

السـر الثاني


تعبت والله وأنا ابشر مت جتفي انكسر !!

وطبعي ماحب احد غيري يبشر حتى لو كانت اختي
معقده يعني ماحب احد يلمس شي

قبل شهرين يأست فكرت وفكرت وفكرت ورحت
عند محل قلتله ابي مكينه تبشر
قالي اه تبشر قزر < يعني جزر يعني يزر

قلتله اييييي مايدري هو شسالفه

المكينه تبشر بطاط وجزر وتبشر شغلات
وتخلط عصير كل شي كامله
قلتله بس ابي تبشر قال لا هذي كامله
وأصليه وتتحمل
اقول بقلبي بيجيها بشر بتروح فيها
واستانست حيل لأن مرات مانام من عوار جتفي

لاتقولين لي هالخلاطه جربت قبل
احس انها تتعور وتعور صابون وتكسره بشكل بشع
عالفاضي والله

تعااالووووو



شووفوو خلاطتي العجيبه ولا الصابون اللي ابشره
حتى منظر الصابون يهبل بطوله مبشور

أول شي تحطين حديده اللي تبشر تركبينها
لأن في 4 تختارين بشر او بالعرض او .. ..

وتحطين صابون وتضغطين على الزر

بأقل من 20 ثانيه تنبشر الصابونه !!!


شفتي شلون ..؟؟ وانا سنه كامله ظالمه نفسي
انا لمن شفتها بعيني 20 ثانيه انبشرت خلاص ؟؟

حقدت على نفسي هههههههههه والساعات للي ابشر فيها

تهبل شحلاتها ودج تاكلينها

ومبشوره بدقه وبطولها وخفيفه والله اتعب لوبتكلم واقولكم

شرايكم فينيييييي ؟؟

ومابي منكم غير دعووه حلووه منكم
وان شاءالله راح انزل لوشن الجلوتاثيون

قريييييب

أحبببببكم اختكم
كــرســتين

 

[s7r 3yonk]

وكمآآن في خلطه صابونية لكرستين :

3-خــلــطـهَ كــرســتيـن : للـتبيييض وتوحيد لون الجسم 2012 حياكم الله :*

صباح الخير لإحلى كويتيات



:eh_s(7): آشتقت لكم حييييييل


وما حبيت أردلكم بدون خلطه

وتستاهلووون المكونات كااامله


طبعا قبل فتره طويله سويت خلطه للجسم أحطها ساعتين وأغسليها والنتيييييجه خيااااااال

تهببببببل تهبل آآتعب لو بمدحها

وخفت أصور صراحه قبل وبعد :eh_s(2):
بروحي مو مترقعه

بـس أكيد أول ما تجربونها بتعرفون شكثر الخلطه تبييض وتنعم وتخفف السيلوليت :rerrerek:

وتقدرون تستخدمونها بس لرجولكم اللي تعاني من حززز أو سواد بالأصابع الرجول..تحطونها وتلبسون دلاغ ساعتين وتغسلين وشوووفي البيااض والنعومه










نبدي بسم الله بالمكونات

*زيت الجلسرين
*زيت الليمون
*زيت المره
* زيت الكركم
* زيت اللوز الحـلو
* زيت السمسم
* زيت جنين القمح
* كبسولات فيتامين e

* صابونه جلوتاثيون

* لوشن جلوتاثيون

* زبده الشيآ & الكاكاو

من الغاليه جراس :*

* سيروم فير أند وايت للتبييض والتقشير ب فيتامين c

*كريم جليسوليد & كريم جلسرين

أول شي نبشر صابونه الجلوتاثيون
وتنقعها ب نص قلاص ماي ورد
نخليها 15 دقيقه بسرعه تذوب وتصير كريميه

نذوب 4 قفاش كبار زبده شيآ
و 5 قطع كبار زبده كاكاو

نضيفهم على الجليسوليد وكريم الجلسرين واللوشن والزيوت & السيروم & منقوع الصابون

ونخلط مده 3 دقايق

الشكل النهائي

بنات الخلطه لآتطوفكم عجيييبه

تبييض حيل

طريقه الأستخدام تحطينها على جسم نظيف
تخلينها ساعتين وتغسلين بتشوفيييين جسمج نعووومه وبيااض ولمعه

طبعا تعرفون فوائد الزيوت والسيروم وصابون الجلوتاثيون للتبييض

والأهم زبده الشيا والكاكاو

وبالاخير مابي منكم الا الدعاء
والله لايحرمني منكم

:eh_s(7):وأنطروو جديدي

أحبكم أختكم كرستين

 

[s7r 3yonk]

الرآآبعة: صآآبونية فلبينية عبدة

4-خلطتي الصابونية ..تبيض وتنعم وتشد البشرة ..حياااكم

السلام عليكم ورحمة الله وبركاته​

مبارك عليكم الشهر وعساكم من عواده هـ السنه ​

طبعا هذي اوول موضوع لي بهالقسم ​

وحبيت اعرض لكم خلطتي تراها رهيييييييبه والله​

اتمنى تجربووونها وتعطوني رايكم فيها ​

نبدي بالشرح​

هذي مقادير الخلطة ::​

​

​

نجمع الصوابين كلهااا ونبشرهااا​

​

​

طبعاااااا انا مالي خلق ابشر قصصتها كبار ​

​

حطيت الصوابين بالخلاط​

​

واضفت عليهم معلقتين زبدة الشياا​

​

ونضيف عليه كوب ماي ورد​

ونخلط المكونات بالخلاط لين تصير كريميه ​

جذية راح تكوون شكل الخلطة ​

​

نحط المكونات بصحن كبير ​

ونجي نخلط المكونات الباقية بالخلاط​

​

لوشن فتامين سي

​

​

و​

​

هذا مو صج فيتامين بحدود ال9 دنانير بس نتايجه واااااااو ​

ونضيف لوشن زبدة الكاكو​

​

ونضيف هذا اللوشن لشد الجسم والترطيب​

​

واخر شي نحط عشبه الداد المغربيه والكل عارف فوايدها للبشره ​

وبودره الكولاجين الياباني استخدمت العلبه البيضة​

​

حطيت 9 ملاعق من عشبة الداد + 10ملاعق من الكولاجيييين​

​

وحطيت فنجان زيت اللوز وفنجان زيت الخروع​

​

جذية بيكون شكل المكونات اللي حطيناهم​

​

ونخلط المكوناااات ع بعض​

وهذي شكل الخلطة النهائي ​

​

 

[s7r 3yonk]

يــتــبــع لخلطه صابونية فلبينية عبدة

الحين نجي نتكلم عن الصوابين وفوايدها للبشره​

​

هذا للبثور و الاغشايه السوده الصغيره اللي ع البشره من ماركه فتامين سي ​

​

هذي للحبوب الصغيره ولحب الشباب ولترطيب بالخيار ​

​

صابونة بيزلين مايحتاج اتكلم عنها شي خياااااال​

الكركم معروف لتفتيح البشره ​

​

هذي الصابونة لنعومه ولمعه الجسم وتبيضيه ​

الصابونه السودا لتقشير البشرة ​

​

واللوشنات والكولاجين غنيه عن التعريف
كل الي عليكم تشترونها وتسونها ​

فوائد الخلطه ​

1. تبيض الجسم بوقت قياسي جدا ​

كل المكونات تقدرين تسألين عنها اي صيدلي بيمدحها لج ​

2.تنعم البشره وتصيرين مثل جلد الاطفال ​

3.تعطيج الملمس المخملي لو تركتيها​

4. تشيل الحبوب السودا والخطوط وتشد البشره ​

5.تعطيج لون واحد وتشيل التصبغات ​

طريقه الاستعمال :​

نجهز بداله السونا ​

ونحط الخلطه على كامل الجسم كله ونلبسها ​

ساعتين بس ونشيلها ونتسبح ​

ومن اول استخدام راح تحسين بالفرق ​

( والنتايج سريعه وطبيعيه100% حتي الحامل تقدر تستخدمها )​

​

وفي النهاية​

اللي تجربها وتنفعهاتدعلي من قلبها دعوة حلووة :eh_s(22):

تحط تجربتها للبنات
عشان يتشجعووون يسونها ويستخدمونها :eh_s(7):​

 

[s7r 3yonk]

الخآآمسة : صآآبونية آنــل

قوووه كويتيات شلووونكم


صراحه مادري شقول لوووول احس جني اول مره اكتب موضوع

:eh_s(22):

بس كل اللي بقوله قبل لا دش بموضوعي اني اشتقتلكم وااايد

و 3 شهور وااايد بالنسبه لي فتره طويله

بس ماحبيت ارجع لكم وايدي فاضيه هههههه




وابي اشكر كل عضوه اسألت عني سواء برساله خاصه او بمسج على فوني او بالواتس اب

وان شاءالله ما اقاطعكم ابد

ندخل بالموضوع

خلال هالفتره اللي غبت فيها عنكم كنت اسوي سيرج عن اكثر المواد الآمنه اللي ( تفتح )

انا قلت تفتح لاني ماحب اقول تبيض صراحه كل ما اقول تبيض اتذكر كلوركس وتايد وهالسوالف

لوووووووول

المهم طبعا المادة اللي تحتل المرتبه الاولى بالتفتيح اهيا :

1- الالفا اربوتين ( alpha arbutin )

طبعا هالماده غااااااااليه ومو متوفر كخام عندنا

الثانيه :

2- حمض الكوجيك ( kojic acid )

تقدرين تلقينه كسيروم او كريم بالصيدليات بس مادري اذا موجود او لا بس

ماينفع البشره الحساسه والجافه لان يمكن يتحسسون منه






و من ضمن الشغلات اللي تفتح اللي لقيتها وسويت عليها سيرج وشفت انها من مكونات

اغلب كريمات التفتيح والصوابين واللي استعملته بخلطتي اهوا :












العرقسوس ( licorice )

هذي صورته واهوا مطحون :

وبنقل لكم فقره عنه لقيتها بمنتدى عروس من العضوه منووووشه كاتبه عنه :



((العرقسوس أو أصل السوس نبات شجري معمر ينبت في كثير من بقاع العالم مثل سوريا ومصر وآسيا الصغرى وأواسط آسيا وأوروبا.
تستخرج من جذور الشجرة مادة العرقسوس، وهي أكثر حلاوة من السكر العادي ويمكن مضغها أو تؤكل كحلويات. وهناك 12 نوع من جذور العرقسوس تختلف في الطعم
المادة الفعالة في السوس هي الكلتيسريتسن، وثبت أن عرق السوس يحتوي على مواد سكرية وأملاح معدنية من أهمها البوتاسيوم، الكالسيوم، المغنسيوم، الفوسفور، ومواد صابونية تسبب الرغوة عند صب عصيره، ويحتوي كذلك على زيت طيار. ففي عام (1955- 1960) تم فصل مركب سيترويدي أطلق عليه اسم


حمض الجلسريزيك glycerrhysic acid من جذور نبات العرقسوس وقد تبين أن هذا الحمض يشبه في بنيته الكيميائية مركب الكورتيزون المعروف إلا أنه يتميز عنه بخلوه تماما من الآثار الجانبية المعروفة عند التداوي بالكورتيزون خصوصا لمدة طويلة.

يحتوي مستخلص عرق السوس (Licorice extract) علي مادة الجلابريدين، وهي مادة آمنة لتبييض الجلد، حيث تمنع كثرة التصبغ بمادة الميلانين عن طريق منع تخليق إنزيم التيروزيناز، ويعتبر هذا الإنزيم هو المسؤول عن تخليق صبغة الميلانين، كم أن مستخلص عرق السوس له تأثير فعال كمضاد للالتهابات.
وهو مضمون من ادارة الغذاء والادويه الامريكيه fda وقد ادرج فى قائمه الاعشاب آمنه الاستعمال بصورة عامه


ويدخل مستخلص عرق السوس فى مستحضرات التجميل ويعالج حب الشباب ويقلل من حروق الشمس ويساعد فى علاج تلون البشرة الداكنه الكلف . وفى اخر دارسه اجرتها جامعه كاليفورنيا اتضح ان عرق السوس له اثر كبير فى منع تسوس الاسنان))


عشان جذي سميتها خلطة الكورتيزون الطبيعي طبعا انا سويت كريم للجسم وصابونيه وسنفره



اول شي



1- كريم الجسم :


علبة جليسوليد 250 مل تحطينها كامله

كوب واحد من مستخلص العرقسوس ( راح اكتب شلون تسوونه )

زيوت ( زيت لوز - زيت افوكادو - زيت جوجوبا - زيت جلسرين ) من كل زيت ملعقتين كبار

الطريقه :


اول شي تشترين عرقسوس مطحون وتاخذين منه مقدار ملعقتين وتصبين عليه مقدار كوب ماي

وتخلينه ينقع بالثلاجه يوم كامل , تالي صفي المنقوع بقماش واخذي مايه , اخذي الجليسوليد و

حطي عليه كوب مستخلص العرقسوس مع الزيوت من كل زيت ملعقتين وخلطيهم بخلاط الكيك

راح تطلع النتيجه جذي :

2- الصابونيه :



انتي حره باستخدام الصوابين اللي تبينهم بس انا بكتبلكم اللي انا افضله

وماتزيدين عن 3 صابونات


انا اخترت الصابون السائل الافريقي ( اذا استعملتي الافريقي تزيدين عليه صابونه وحده كافي )

( التاجره Grass تبيعه )

مع

صابونه بالمرز بزبدة الككاو ( موجوده بلولو هايبر وفي منها بزيت الزيتون )

او

صابونة سكن سكسس ( موجوده بلولو هايبر )

او

صابونة فير اند وايت ( so white ) ( طالبتها من النت )

كلهم مجربتهم وحلوين


الطريقه :


تاخذين العرقسوس المطحون وتطحنينه زيااااده لين يصير ناااعم انعم من اللي شريتيه اوكي

تقطعين الصابون الافريقي قطع صغيره كلش وتبشرين معاه صابونه وحده من اللي حطيتهم لج

تالي بعدين حطي 4 ملاعق من العرقسوس الناعم وصبي عليهم 2 كوب ماي وخلطيهم بملعقه

عاديه وخليه ينقع بو جم ساعه اللي مافيها صبر لووووول تحطه بخلاط العصير سيدا مو مشكله

بعدين عبيه بعلبه وحطيها بالثلاجه يوم كامل بعدين استعمليها


هذي صورتها :

طبعا اهيا يوم عن يوم راح يصير لونها غامج من العرقسوس يتركز فيها اكثر فا عادي لا تخافون

مو عبالكم اختربت


وهني صورة الكريم مع الصابونيه

بالنسبه للسنفره اختاري اي سنفره تعجبج ستيفز وربعها وضيفي عليها العرقسوس المطحوون

الناااااعم وخلطيهم عدل واستعمليها بس خليها يوم كامل بدون استعمال عشان يتركز فيها وبس

واذا تبين تضيفين لها زيوت مو مشكله



وتقدرين تسوين تونر حق جسمج منه تنقعينه وتاخذين مايه وتحطينه فبخاخ كبير وبخي فيه

جسمج بعد السبوح






الحين نيي للبرنامج اللي بتمشون عليه سهل وايد :

1- تتسبحين بالصابونيه وتتفركين فيها وتخلينها شوي على جسمج بو 5 - 10 دقايق تالي غسلي

وتسنفري و غسلي ونشفي وجان تبين بخي من التونر وخليه ينشف على جسمج

2- اخذي الكريم وتدهني منه على كامل جسمج ونطري شويه تتشربه البشره ولبسي ملابسج


وكل يوم جذي لمدة شهر وبتشوفين شي يسرج ,طبعا كل وحده على حسب جسمها تبين النتيجه



ملاحظه :

قبل لا تسوين هاللي قلته كله نقعي العرقسوس واخذي مايه وسوي تست ( تجربه ) حق جسمج

شوفي تتحسسين ولا لا اوووووووكي مو تقولون ماقلت

اي صح نسيت اقول تحفظون الكريم والصابونيه بالثلااااااااااااااجه عشان ماتخترب وتكون فرش

حزت السبوح اخذي منها اللي يكفيج فباديه ورجعيها الثلاجه مو تبربسون فيها لووول ومدة الحفظ شهر



وهذي النتيجه بعد الانتظام والاستمرار لمدة شهر بعد اسهل من جذي برنامج ماكو لوووول

على فكره ترا انا ما اسوي مغربي ولا احط خلطات قبل السبوح الله يخلي الماجيك بيلنق و

بخار الحمام

ترا واااايد حلوه الخلطه اقوى من خلطة فيتامين سي

لمعه

نعومه

تفتيح

صفاء

:rerrerek:


واتمنى تجربونها وتعجبكم وبس خلصت

واسفه اذا الموضوع مو مرتب

​

 

[s7r 3yonk]

السادسة : صابونية وردة سلفر

6-بالصور صابونيتي الوردية ... بدم الغزال وعطر اللافندر


لكن كل وحده فينا قامت تضيفلها او تنقص منها اللي تشوفه مناسب حسب نوعية بشرتها وشنو اهي

محتاجه غير البياض والصفاء .


وهذا اللي خلاني اعيد صياغة الصابونية بطريقتي الخاصة .. وانتوا عارفيني ما اعز

شي على اي وحده فيكم فديت قلوبكم نكاً نكاً


بسم الله يالله نبدي



المكونات :


صابونة البابايا بالقطع (تناسب الكل بدون خلاف)

صابونة الكركم بياري (تناسب الكل بعد)

صابونة الغار (ماعليها كلام بس اخذو المجيسة تكون رطبه)

صابونة الطاووس بالحليب (نفس الشي)

صابونة اليوكو (تبيض وضفتها بدال السحرية لأن خوفونا منها)

+

خلطة بودراتي :

سدر مطحون + ترمس + خزامى + بابونج + حلبة + شوفان (مقدار استكانه من كل واحد) + قفشة كركم

حطوا الخلطة بعلبة . (رووعه للتبييض)

+ بطلين ماي ورد

+ نص استكانة زيت زيتون + مقدار 2 غطا زيت لافندر (ترطيب وتعطير)

+ نشا ودم الغزال (تفتيح وتوريد) وبعلمكم شتسوون فيهم .


ما استعمل ملح اليوكو ( لانه يحرق بعض الاجسام وعلى بشرة الويه قوي + انه يخفف من رغوة الصابونات)
........................................


نبدا بطريقة الخلطه :


1- نبشر جميع الصابونات ونسخن بطل ماي ورد كامل وقبل لايغلي نسكرة ونظيف

الصابون عليه ونخليه اطول فترة ( انا اخليه 6ساعات او يوم)

انا هني استبدلت الغار بصابونة لشد وترطيب البشره (بزيت جوز الهند) .. لان الغار اهي اللي تنشف الصابون وتمتص الرطوبه منه ولونها خايس خخخ

وهني نقعتهم بفازة عوده بماي الورد .




2- نحضر جدر صغير او الجدر نفسه اللي فيه الصابون ونشغل عليه النار وتكون هادية

ونقعد نخلط الصابون بملعقة يستحسن خشب ونخلط ونخلط ليين نشوف كل الصابون ذاب

وخلال الخلط نظيف ملعقتين من خلطة البودرات بعد ما نرجها عدل .

.. وحطوا بالكم لايغلي الصابون ان شفتوا فقاعات سكروه وكملو خلط بدون نار .. وحاولوا

تذوبون الصابون اللي ماذاب عن طريق عجنه بالملعقه على اطراف الجدر .


3- نحط الخلطة بالثلاجه واهي بالجدر وبعد ساعة نطلعها تكون بردت .. هني اتيي الخطوة الاهم

علشان اسوي صابون طري مثل الكريم وريحته ولونه خياال :

البس قلافز واييب بطل ماي الورد الثاني واخليه يمي .. ابدي اعجن الصابون بيدي وراح الاحظ انه

صار جامد فراح اضيف شوي شوي من ماي الورد واكمل عجن (اللي تشوف صابونها طري ومايحتاج

يطرا اكثر لاتزيد ماي ورد وايد) .. وافقص الصابون بيدي لييين اشوف

انه صار كريمي ... و اضيف زيت الزيتون

واللافندر اللي حضرته واخلطه عدل مع الصابون .

انتوا بتشوفون ان الصابون صار حيييل خفيف وطري بزياده بس ترى راح يجمد عن هالشكل ثاني

يوم .. عشان جذي لاتحاتون


شوفوه شلون طري .. حتى دخل داخل القلافز ههههههه

4- لما اشوفه وانا اعجن صار نفس الكريم وحتى لونه تغير شوي الى الاوف وايت .. اييب ربع استكانة ماي باارد واحط

فيه قفشتين نشا واخلطه عدل واحط فوقه دم الغزال براس قفشة الجاي واضيفه على الخلطة واعجن .

بس راح اعبي الخلطة بعدين بالعلبة

شوفو اللون شلوون رهييب

واتمنى تضبطونها وتحبونها ياارب

 

[s7r 3yonk]

السابعة : صابونه حور الجنآآن 1

7-الخلطة الصابونية ( 2) سهلة ونتائجها فظيعة للصفاء بياض ملحوظ وتوحيد للون الحقو روعه

السلام عليكم ورحمة الله وبركاته


اليوم خلطتي الصابونية الخارقة ( 2) وراح تعجبكم وتنال على رضاكم بجد نتائجها مثل الخلطة الصابونية حقتي الاولى رهيبة بياض وصفاء وتوحيد لون ي**** معايا في اغراضها

المكونــــــــــــــــــــــــ ـــــاتــــــــــــ

1 صابونة الطاوووس المغربية


1صابونة دوف




1 صابونة ايسكن وايت
skin whiteالفلبينيه
لون العلبه ابيض فيها خط ازرق غامق على اخضر
والماركه إكستراديرام ماعندي صورتها حاليا حبايبي


3 صابون الوزير الحجر اللبناني



2 صابونة بايوديرم صابون مبيض للبشرة بالمادة الواقية من الشمس مع فيتامين e



نصف كوب زيت اللوز المر

كوب ماء ورد

نصف كوب زيت السمسم

فنجان زيت الجلسرين

فنجان عسل طبيعي


2 فنجان ملح الحليب



الــــــــــــــــــــــــــــ ـــــــطــــــــــــ ــريــــــــــــــــــــــــــ ـــــقــــــــــــــ ــــــــــــة

تبشركل صابونة على حدى يعني كل صابونة في طاسة لحالها عن طريق المبشارة الخاصة بالخضار والكل يعرفها صح ولالا ثم تخلط الصابونات في زجاج خاص مثل زجاج العصائر الجاهزة مع باقي المكونات تخلط في هذي الزجاجة وترج جيدا وتترك اوتنقع لمدة ليلتين واليوم الثالث تبدئين بستخدامها وكل ماتخلص تعملي غيرها
نتائج الصابونة الخارقة 2
توحد اللون ، بياض ملحوظ بأذن الله ، صفاء بالبشرة ، رطوبة



بنات الوصفة ترا يومية ضروري لنتائج واضحة


وضروي بعد الوصفة الصابونية استخدام الدهان بالخلطة الكريمية للبياض الملحوظ ضروري التطبيق لافضل النتائج

3ملاعق اكل كريم زبدة كاكاو النقي


ملعقتين اكل عصير ليمون الاصفر



ملعقة اكل عسل





ودعواتكم لي بالشفاء يابنات

 

[s7r 3yonk]

الثامنة : صابونية انجل كاات

هي عبارة عن خلطة بس الكثير يستخدموها كخلطة صابونة

8-خلطه البابايا ل~~~~angel cat ~~~~خلطه تخليج صبه وحده لون واحد بالصور

ندخل في موضوعنا​

واهوا خلطه تنحط على الجسم كامل بدون الفيس قبل الشور من ساعتين لخمس ساعات​

وبعدين تاخذين حمامك عادي​

تنعم حييييييييييييل ​

تصفي الاثار ​

توحد اللون وتفتح الجسم مع الاستمرار​

المقادير والطريقه​

​

​

صابونه بابايا كامله مبشوره انا قطعتها كان عندي وقت انتظر تذوب انتو ابشروها احسن​

غرشه كامله ماي ورد​

2غطا زيت ليمون​

غطا زيت لوز​

غطا زيت جلسرين​

3 ملاعق كبار كريم جليسلود انا سعات اسويها بكريم البابايا نفس النتيجه​

ليمونه كامله بس الي بشرتهم حساسه او جافه لا يحطونها والوصفه بتعطيكي نفس النتيجه لان فيها زيت ليمون​

ملعقتين كبار نشا​

3 كبسولا فيتامين E​

عشان تحفظها​

الخلطه لا تخرب تقعد معاكي شهر كاااااااااااامل بدون ما تخرب​

الطريقه​

تبشرين الصابونه وتحطيها في نص غرشه ماي الود في علبه طول الليل​

نص ماي الود الثاني تحطينه في جدر على نار هاديه تحطين فيه قشور ليمون وبرتقال لمده 3 دقايق وبعدين تطلعيهم​

وتحطي الصابون​

لحد ما يذوب وما يكون فيه اي قطع​

​

شوفو اشلون صافي وذايب ​

اللحين تحطين الكريم وتنتظري لحد ما يذوب​

​

اول ما يذوب حطي الزيوت وقلبي شوي وبعدين اعصري الليمونه كامله​

​

اخر خطوة نحط النشا ونتركه يتقل شوي​

وخلاص نسكر النار​

ترا كل شغلنا على نار هاديه​

​

ننتظر تبرد شوي ونعبيها في غرشه زجااااااااااج لازم بنات الليمون يتفاعل مع البلاستيك​

نحط الفيتامين اي نغزه بابره ونفضيه​

​

حطيها بعد ما تبرد في الثلاجه قلت تقعد شهر ما يصيرلها شي​

طريقتها كل يومين قبل الشور او ثلاث مرات في الاسبوع​

وشوفي توحيد اللون والبيااااااااااااااااض​

اي سؤال انا حاضره​

ما احلل نقل الموضوع من غير ذكر اسمي واسم المنتدى كويتيات ولا نسبها لاي احد​

الوصفه سهله بنات استغنو عن الكسل لووووووووول​

ماراح اقول ما احلل الي يعجبها الموضوع ما ترد​

راح اقول الي عندها ذوق وتقدر جهد الناس بترد​

الي مايشكر الناس ما يشكر الله:eh_s(17):​

 

[s7r 3yonk]

التاسعة : صابونية هيفآآء المطيري

9-صابونيــة هيفآآآء غيييييييييييير .. وآسهل منها مافي تبيض وتنظف من قلب ..

السلام عليكم ورحمة الله وبركآته ..

شلونكم بنآآت ..

من زمان عن القسم رجعتلكم بخلطة صابونية اتهبببببببببببل تنفع مع الحمام المغربي بعد

نحتاج هالصوابين اول صابونة بالجلوتاثيون

او هاذي

انا استخدمت الثانيه





وبعد

نبشرهم ونحطهم بعلبة نصب فوقهم كالعاده ماي ورد بس زيادة عليها نحتاج الى


سيروم فيتامين سي

سيروم كولاجين

+ فيتامين e + جلسرين



تخلين الصابون ينقع عدل عدل ويذوب ..



بعدين اليوم الثاني .. نحطهم في الخلاط مع

هذا احسن نووووووووووووووع الطاووس ..



جربوها مع ليفة ماجيك الايطاليه .. :eh_s(15): وشوفوا النتايج الحلوه بعيونكم

انا ماخذتها من برا ..:eh_s(17):

 

[s7r 3yonk]

العاشره : صابونه سعودية

10-خلطــتي الصابــونيه + صنفرة + تبيييض لعيووووون بنات حملتي وعيون كويتيات

السلام عليكم ورحمة الله وبركاته


اول موضوع لي هنا خلطتي الصابونيه وهذا تلبيه لطلب الاخت همووووسه جزاها الله خير


حتي يستفيدو البنات

وماقول اني مااحلل احد ياخذ الصور او الطريقه فانا اترك الخلق للخالق ومسامحه من تاخذها



ومااسامح اللي ماتذكران المصدر منتدي كويتيات

اولا هذه الخلطة مو اخترااااع لي ولاكن حصيلة لتجاربي بالخلطات الصابونيه

ولان الحين كثرت الخلطات فصار الكبت = الدولاب كله خلطات واغلبهم نرميهم لان مافي وقت نستخدمهم كلهم


فاختصرت علي نفسي الاشياء المفيده والمبيضه في خلطه وحدهـ


ولان جوالي اخترب بعد ماطاح بالماء:eh_s(11):


نزلت لكم صور المكونات فقط

ويارب بالشرح افيدكم






خلطتي الصابونيه


وهي تتكون من زيت اللوز المر + زيت الجلسرين + ماء الورد الطائفي علبتين + ملح الحليب

ملح البابايا + كركم جسم +سدر مطحون

وصنفرة ستيفز + كريم كاب + ملح خشن+ زيت فيتامين E + ملتي فيتامين فوار

سيريوم فيتامين سي


الصوابين هي الغار + الجلوتامين + السيملايا بالاعشاب+ سكين وايت +بارتنر



وسيفيداب مطحون :eh_s(4):

اولا


بعد ماتبشرون الصوابين ياحلوات تحطون ماء ورد مقدار كاسة شاي في قدر متوسط

وتحطون ربع الكميه وترجعون تحطون كمان ربع كوب ماء ورد

وهكذا حتي تصير طبقات عندكم من ماء الورد والصوابين

وتخلينهم ليله كامله او 6 ساعات كافيه لانهم مبشورين وبيذوبون مع هالحر بسرعه:eh_s(14):





وتحطيونهم بعد كذا علي نار هاااااااااااااااااااااااااااديه

وتحركونهم حتي يصيرو مثل الصابون المغربي وتحطون ملعقه ملح خشن

احيانا البنات بيشوفونها سائله عادي لان باقي لسه الاغراض ماحطيناهم عليهم

ونشيلهم من علي النار ونخليهم يبردون


ونحط علي الصوابين فنجال من زيت اللوز المر وزيت الجلسرين

تذوبون قرص واحد ملتي فيتامين بكاسة ماء ورد

وتحطونه علي الصوابين

تحطون ملعقه من ملح الحليب وملعقه من ملح البابايا
وملعقه من سنفرة كاب وملعقه من سنفرة ستيفز

راح تلاحظون ان السنفرات كها تفتح البشره :eh_s(2):


وملعقه من الكركم حق الجسم وملعقه سدر مطحون وهذا اهم شي للتصفيه يعني اللي فيها اثار حبوب او اي اثار مع الاستمرار راح تختفي :ggdw:

ونضيف 5 ملم من فيتامين سي

وزيه من فيتامين E

عشان البشره تشد وتزيد نظاره


ونجي الحين لاهم شي


واخطر شي


:gr4uu:




وهو السفيداب :tomato2:


حطون 3 ملاعق منه وهو يبيييييييض


ونجيب خلاط الكيك ونضرب الخلطه حتي تصير متماسكه ماراح تكون لزجه سائله

لاكن طريه


قلتو ليش


لييييييييييييييييش


لان الخلطه فيها سفيداب مطحون






يعني يابنات كثرو من شرب الماااااااااااااااااااااااااااء كمان



وهذا شكل الخلطه بعد ماخلصت العلبه المربعه اللي علي اليسااااااار

واللي علي اليمين خلطتي للخطوط والتغذيه

ومااطلـــــــــــــــبه سوي دعوه بظهر الغيب منكم

 

[s7r 3yonk]

الحادي عشر: صابونية الشريرة سوسو

11-هديتي الرمضانية لكويتيات لبشرة بيضاء بلاحبوب

السلام عليكم حبيباتي كويتيات :eh_s(17):

بصراحة انا قبل اشتراكي في المنتدى استفدت الكثير منكم
ومن مواضيعكم الحلوة والمفيدة عشان جذي وبمناسبة رمضاان انا بحطلكم

خلطة وربي يابنات معجزة ماشاء الله تبارك الله :eh_s(9):بياض ومافي حبوب
وبشرررة مشدوووووووووودة وعلى فكرة ياحلوات انا كنت ابيعهاا ومتعلمتها من جدتي
وهي سورية ربي يعين اهلنا بسورية

وربي كل بنت استخدمتهاكانت تدعيلي لكن وربي اعتزلت هالبزنس لان جامعتي ماخذة كل وقتي
مقدر احتفظ فيها لنفسي لازم افيد حبيباتي كويتيات

الخلطة الصابونية سميتها سارة على جدتي اللي علمتني اياها<<ياكثر قرقة هالبنت خخ
طبعا انا وحدة بشرتي دهنية وكان فيني شوية اثار للحبوب
وكم حبة حقت الدورة :eh_s(22): وعندي حرف الTدهني مرررررررررة
ووجهي مدري وقتها كان مسمر اوبالاخص باهت عكس جسمي الابيض
طبعا هالكلام من زمااان الحين بااااااي خلصنا منه:eh_s(9): وربي من اول يوم استخدمتهاا
حسيت وهي ابيض ومشدود ومرتااااح مررة البنات عبالهم مسوية ابرة نضاارة
وربي وربي ماباااااالغ ابداا حتى الحبوب نشف وصار مايقعد يالويه اكثر من ثلاث ايام
يابنات ماحطيت هاللخطة الا ابيكم تدعون ربي يحفظ اخوي بكندة من كل حيوان مفترس:eh_s(16):
ويسخر لي زوجي هالزعوول
<<عجوز موبنت ياساتر


اليكم مكوناتها حبيباتي وسوري عالاطالة

صابونة الكبريت فديتهاااااا
صابونة الليمون الفلبينية

الصابونة السوداء الافريقية او الفلبينية بليشنج

صابونة البابايا اللي مكتوب عليها تفتيح خلال شهر واحد وهي تجي اورنج سادة موقطع

صابونة الكركم

بطل ماي ورد ابوغرشة خضرااا لانه مضمون ومركز


طريقة عمل الخلطة

تبشرين الصوابين كلهاا حبيبتي ثم تحطينها بالخلاط وتصبين عليها موية الورد

وتخلينهاا تتخلط وتتخلط وتتخلط ثم تطلعينها وطبعاا ثاني يوم بتكون كنها كريم لكن ثالث يوم بتكون جامدة شوية ب
فخذيلج ملعقة وهي بالعلبة سوي فيها ثقوب وبعدها تصبين عليها شوية موية ورد وتخلاطينها بايدج مايضر او للدلوعات خلاط الكيك ومن رابع يوم وتكون خلطة الصفاء جاهزة:eh_s(9):
وبتشوفينها لاهي عجين ولاهي سايلة كنها صبون عادي بس لينة اوك

نجي الان لطريقة الاستخدام
كل يوم اختي الصباح غسلي ويهج منهاا تناسب جميع البشرات
وخصوصا اللي فيهم اثار حبوب او بقع بنية اومسامات ارؤوس سودااء
ولا بشرتها دهنية وااايد او باهته
طبعا لوبشرتج دهنية غسلي فيها ثلاث مرات عاااادي جدااااااا

لكن اذا بشرتج جافة حياتي بس مرتين او غسلي براحتج بس حطي ترطيب ياام بشرة جافة :eh_s(15):

للجافة بس ترطيب الدهنية ماتحتاج

وربي بعدها بتدعون لحورية بنت امينة ربي يوفقها بكل خطوة
رهيييييييييييبة وتراها طبيعية وطبية

تنفع للحساسة بس بعدها حطي ترطيب او قناع عسل سدر كل ويك اند:eh_s(17):

وتحياتي لكم واي استفسار عيوني لكم
ويارب كل بنت تحصل على ماحصلته من هالخلطة انا وصقيقاتي

 

[s7r 3yonk]

التاني عشر : صابونية eldalla3

12-خلطة صابونية عجـــيـــبـــة توحد جسمج وتبيضة وتصفي لمحبين البابايا مع eldalla3

قوووووووووووووووووووووووة بنااات شلوووووونكم وشخباااااركم اليوم راح احطلكم طريقة خلطة صابونية

بنات الخلطة بقمت الرووووووعه ومخصوصة حق الي يحبووون البابايا اهي فيها شغل شوووية بس الي يبي الزين يتحمل ما راح اطول عليكم راح اكتبلكم المكونات والطريقة <<<< طبخة مو خلطة لوووووووووووووووووول

ثمرة البابايا فرش تلقونها بمركز سلطان واتوقع ستي سنتر

4 صابونات بابايا بالقطع 4 في 1

اسكينول بالبابايا

ملح اليوكو بالبابايا

2 ماء ورد

زيت جلسرين

الطريقة راح اكتبلكم اياها على شكل نقاط عشان تسهل عليكم

1- تاخذون البابايا وتقشرونها وتخلون القشر على صوب وطلعون البذور الي داخلها وهم تحطونها على صوب وتطلعونهم بالشمس مدة يوم كامل لين تنشف وتصير يابسة تاخذون قشروها وطحونونها بودر نااااااعم حييل اما البذور اطحنونها وتنقعونها بزيت جلسرين للجسم لين يغطيها يعني مقدار ملعقتين او ثلاث.

2- تاخذون صابون البابايا وتبشرونة وتنقعونة ابطل ماء الورد يوم كامل او 3 ساعات وثاني يوم تذوبون الصابون على النار بس مجرد ان يذوب مالة داعي تخلونة يطبخ وبهالوقت نكون مجهزين مطحون قشر البابايا وبذورها وناخذ من القشور المطحونة مقدار قفشة وسط والبذور الي منقعينها بزيت هم مقدار قفشة وسط .

3- نخلي الصابون لين يبرد ويصك ونيب بطل الماي الثاني والاسكينول ونصب نص علبة الاسكينول ونعجن ونصب جيس ملح الحليب كلة ونعجن واذا شفنى الخلطة يابسة نضيف لها ماء ورد لين تصير مثل الكريمة مو حييل سايلة ولا صلبة .

وبجذي الخلطة تكون جااهزة عندنا ونستخدمها مثل اي خلطة صابونية متعودين عليها والي جسمها في حساسية من البابايا لاتستخدمها وبعدين تدعي علي ولي جسمها في حساسية من ملح الحليب تستبدلة باي سنفرة اهي مرتاحة لها والي تجرب الخلطة وتعجبها ما ابي منها الا الدعاء واي سؤال انا موجودة والي يبي ينقل الموضوع لا ينسى المصدر .......​

 

[s7r 3yonk]

الثالثة عشر :صابونية eldalla3

13-خلطتي للصابونات صارت احلى من بعد هالصابونتين

قـــــــــــــــــــوووووووووووة


شلووونكم حبايبي وشخباركم طبعن اغلبكم جرب خلطتي مالت الصابونات واهي ((صابونة الببايا بالقطع-جونسون باللوز-صابونة المرة-صابونة الكركم)) وطريقتها انكم اتبشرون الصابونات وتصبون فوقهم ماي ورد وتخلونهم ناقعين لي ثاني يوم بس طحتلكم على صابونتين حلووووووين الأولى صابونة زيت الزيتون موجودة بكل حواي ومافي اي مشكلة تحطين النوع الي تبينة الحين ني حق الصابونة الثانية الي اهي سر الخلطة والي خلتها واااااو اهي صابونة زبدة الكاكاو باللمرز وهذي صورتها يحلوويين وانا خذيتها مع كريمها ب 3 ونص وماابي منكم الا الدعاء :bye22:

 

[s7r 3yonk]

الرابع عشر :صابونية دآهية مطير

14-سسآمحوني على الغيبــــه .. رجعتلكم بـ عنايه رمضان لـ العيد ان كنا من الحيـّيـن


السلام عليكم ورحمة الله وبركاته

مبارك عليكم الشهر وعساكم من عواده هـ السنه وكل سنه ان شاء الله



أول شي اسفه ع عدم تواجدي بـ المنتدى لـ ظروف خاصه

وبنفس الوقت ماقدرت اخليكم لاني ادري حبيباتي كويتيات لا اقبل شهر رمضان دورو خلطات

يتسنعون لـ العيد

وانا ان شاء الله جايبتلكم شي اتمنى انه ينفعكم ويحل مشاكل البشره


نفس ما حل مشكلتي

تمنيت لو اني صورت ايدي قبل استعمال الخلطه كانت ضيييييييييييييم

قلبت ايديني سمره حيل وبقع وحاله شكلها ارف بصراحه استحي حتى احط صبغ اظافر

وهذي صورت ايدي طبعا ما نطرتها لين تصير اوووكي لان هذا عقب رابع استخدام

مافيني صبر وابيكم تبلشون من الحين






بنات الخلطه رووووووووعه فوق ماتخيلون نعومه وتفتيح

هي خلطة كريمات + صابونيه



بنااااااااات بليييييز اللي مو عاجبها كريم او صابونه تشيله من الخلطه وتبدله باللي تبي

لا تقول هذا يضر وهذا مو زين

انا استخدمها جذي اللي ماتبي تشيل كريم براحتها




أول شي الصابونيه




هذا كل الصابون اللي بالصابونيه

بعد ماتبرشينه وتخلصين حطيه بطاسه وصبي عليه نص زيت جلسرين نص العلبه

وبطل ماي ورد وزدي ماي عادي لين يصير الماي اكثر من الصابون

وخليه ينقع لمدة يوم كامل بعدين بمضرط الكيك اخلطيه وحطيه بعلبه

بيصير وااااجد من الرغوه بس خليه 4 ساعات وتروح الرغوه وحطيه بـ علبه

هذا شكله بعد الخلط والتنقيع




الحين نجي للخلطه

مكوناتها :

1 فيد اوت بني غامج

2 ريكو

2 ديرموفيد

1 شيرلي

1 سودو

1 كريم الراعي

2 بين

نص علبة فكس

وفي كريم فيتامين سي علي علبته صورة برتقاله ماعرفت اسمه ونسيت اصوره من قريب

بس بحط صورته اذا حصلتوه حطوه واذا ماحلصتوه مو لازم عادي تستغنون عنه




وهذا شكل الخلطه بعد ماخلطت الكريمات مع بعض




الخلطه حيل حلوه وتنشف بسرعه دقايق يعني

حطوها بالليل ع الجسم كله تشيل سواد الفخوذ والركب والكوع والاباط

والله العظيم بتشوفون بعينكم مع الاستخدام

ولا قعدتو الصبح غسلوها بالصابونيه وحاولي تخلين الصابونيه شوي ع الجسم يعني

دقايق

واستمرو وبتشوفون نتايج ترضيكم

ونفس ماقلت لكم اللي مو عاجبها كريم تشيله من الخلطه وتحط مكانه اي كريم

واستودعكم الله الذي لا تضيع ودائعه

اشوفكم ع خير

 

[s7r 3yonk]

الخامس عشر: صابونية داهية مطير

15- يآ كسسولآت .. لكم نصيب من العنايه بعد أنتم (تعآلووو)

خلطة صآبونة القهوه والزنجبيل تششد الجسم وتشيل الخطوط البيضه وتبيييييض عن تجربه يابنات


1 ملعقه كبيره قهوه تركيه

1ملعقه كبيره زنجبيل مطحون

1ملعقه كبيره مسمار مطحون

نص فنجال زيت مسمار (زيت قرنفل) موجود بالعطار

1صآبونة بابايا

1 الصابونه السحريه

نص فنجال ماي ورد


طبعأ الخلطه نبيها ثقيله عشان نحطها بـ قوالب وبالثلاجه بالتالي راح تكون صابونه عاديه

أول شي ..

نبشر الصابون ونخليه علي جنب

ونآخذ جدر صغير ونحط فيه ( الزنجبيل + والمسمآر + زيت المسمار )

ع نار هاديه ونخلطه مع بعض عدل

بعدين نضيف عليهم القهوه والماي

ونحركه لين يتماسك عدل .. بعدين نحط الصابون .. ونخلطه لين يذوب الصابون


طبعا لاخلصنآ نصبها بـ قوالب ونحطها بالثلاجه يوم واحد بس وطلعيها



طريقة استخدامها صابونه عاديه بعد ماتبلين جسمج بماي دافي مايل للحراره تحطين الصابونه

وتفركين كل مكان بالجسم وخليها عليج 5 دقايق ربع ساعه عادي

بعدها غسلي جسمج


















( بنات ترا الليفه والفرك يأذي الجسم افركي جسمج بطريقه ناعمه خفيييييييييييييييييف هالشي يسبب سواد

 

[s7r 3yonk]

السادسة عشر: صابونية افراح

16- خلطــــــــه صابونيه بعد تجااربي العـــــده (لكن هالمره خطيره )


:hearting:صباح النوور باقولكم ع هالخطله الصابونيه الخطيررره

صابونه الغااار 000 وحده فقط


صابونة الكركم 000 وحده فقط


صابونة اكني ايد 00 حبه فقط


صابونة البابايا 4 في 1 الي مثل قطع المانجوو من داخل 00 وحده فقط


الصابونة السحريه 000 حبتين منهاا


علبه صابون مغربي سايل صغيررررررررررررررررررررررررر

صابونة الحبه السوداء 00 وحده فقط مثل الي بالصوره

تبشرينها كلها بمبشارة السلطه وتصبين فوقهاا خمس قوارير ماء ورد ترى مو كثيره وتخلينها تنقع ليله كامله وبعد كذا تحطينها بالخلاط وحطي معهم علبة الصابون المغربي السايل

وتضيفين عليها ملعقتين سفيداب +ملعقتين حناء بيضاء + ملعقتين كركم الجسم + ملعقتين نشا


وبعد كذااا اذا بشرتك جافه اضيفي بالنهايه خمس ملاعق زيت لوز مر وخمس ملاعق زيت جلسرين اذا دهنيه بلا من الزيت


وعبيها بعلب راح تكفيك وقت طوويل وتنظف وتنعم وتبيض وتشيل الحبوب من الجسم


تحياتي لكن اختكم افراح :balo: من الان لحين لقائكم بموضوع قدام تقبلن مني ارق تحيه وسلام

 

[s7r 3yonk]

السابعة عشر : صابونية كازاوية

17-خلطتي الصابونية بمكونات مغربية نتيجتها روووووعة

جياكم الله يالغاليات

اليوم حبيت أشارككم طريقتي بالخلطة الصابونية طبعا طريقة الخلطة ​

مشهورة وكل واحدة تختار المكونات لي تناسبها أنا حاولت أشوف​

طرق مختلفة و أستفيد منها و قررت بالاخر أستخدم مكوناتي ​

الخاصة لأنها متوفرة عندي و متأكدة أنها طبيعية 100% ​

و نتايجها مجربة ​

الخلطة أسوي منها كل يوم و نتيجتها ممتازة تنظف نظافة من قلب و تفتح أنا صراحة ابتديت أستخدمها من فترة بسيطة لأني كنت أسوي حمام مغربي كل أسبوع بس الحين مع أولادي و شغلي ما عندي وقت وايد فقمت أسويه مرة كل 15 يوم و أتسبح كل يوم بهالخلطة والحمد لله استانست على نتيجتها لأنها ببساطة تهبللللللل​

المكونات​

صابونة الكبريت + صابونة أركان + صابونة اللوز +صابونة الورد + صابونة العكر الفاسي + صابونة الطاووس باللافندر + صابونة الطاووس بالجلسرين ​

​

​

قفشتين من خلطة الأعشاب مكونة ( الداد +بالورد + اللافندر + البابونج + الحناء طبعا الكل على شكل مسحوق)
طبعا فايدتها انها تبيض​

​

ماي ورد + بودرة العكر الفاسي أو دم الغزال للتوريد ما صورتهم بس ​

أكيد الكل عارف​

الطريقة​

أول شي أبشر الصابون بالمبشارة و أحطه على صوب آخذ الجدر الصغير و أحط فيه غرشة ماي الورد كاملة أحطها على نار هادية
و أضيف عليه قفشيتين من خلطة البودرات
بعد ما تغلي الخلطة أضيف مبشور الصابونات وأخليها ليما يسيح كل الصابون و أشيلها من فوق النار و أضيف عليها قفشة نشا و لما تبرد شوية ألبس قفازات و أدعكها زين ما زين حتى تصير ناعمة و
قوامها كريمي مثل الشكل لي بالصورة

​

ثم أضيف عليها بودرة دم الغزال تعطيها لون وردي وايد حلو​

​

هذا شكلها النهائي بعدما عبيتها الغرشة مو متروسة لأني قاعدة أستخدم منها حاليا

​

أتمنى تعجبكم طريقتي و تدعولي أن ربي يصلح عيالي ​

 

[زهرة الفلامنجو]

يااااقلبببي الله يعطيكي العافيه

من جددد استفدت كثير

وحلو إنك حطيتهم كلهم بموضوع واحد

بس خساارره بعض الصابونيات مكوناتها ماهي موجوده عندنا بالسعوديه

تسسسلميين حبيبتي

 

[s7r 3yonk]

مشكـوٍرٍه على آلرٍد
بمرٍوٍرٍج زٍآآآآآآدت صفحٍ ـتي أإأإشرٍآآآقـاًآآآآآ
دمتي ~ بـِ خ ـيرٍ..}

​