خلاص كنت بروح بس ماقدرت!

[Only One]

السلام عليكم بنوتات وحريم

خويتكم مضايقة حيل كنت على وشك اروح الحج هالسنة كان بخاطري وايد اروح احج من زمان وهالسنة هلي قالوا يروحون وطرت من الوناسة وقلت الله استجاب دعائي لان قبلها بفترة كنت ادعي اني الله يرزقني حجة قريبة بس بالاخير هونوا ومحد بيروح الا اختي وزوجها وهمن ميزانيتي كانت مو ذاك الزود يعني كنت بكمل عليها من سلف فكان ناقصني محرم + ميزانية الحج؛؛؛

المهم انا الحين حدي مضايقة وكلما اتذكر ابجي وهالايام الكل يتكلم عن الحج في كل مكان والتلفزيون وغيرة حتى ماقدر احط عالحرم واطالع اطقها بجية والله نفسيتي تعبانة حيل!

احس ما بقدر انسى الا بعد ما يخلص الحج والناس ترجع!

والمشكلة الحين لازم اننطر سنة كاملة!

قولوا لي وشلون انسى واعيش طبيعي؟!

 

[^حــور العيـن^]

ماعليه حبيبتي لا تتضايقين
الله مو كاتبها لج هالسنه ان شاء الله يكتبها لج ولنا عن قريب بحيل الله

 

[G!RLooNa]

الله يكتبلي و يكتبلج و يكتب حق بنات المنتدى حجه بالقريب العاجل يارب

خيره ما عليه تروحين السنه اليايه انشالله

انا ابوي اليوم راح الله يتقبل منه و يرده بالسلامه انشالله*

 

[last-moon]

الله يسرلج ويسهلها لج السنة اليايةياااااااااااااااااااااااااااااااااااااااااااارب

 

[Only One]

^حــور العيـن^

G!RLooNa

last-moon

امين يا رب العالمين ييسر الحج لي لكم وللكل السنة الياية

نسيت اقول اني استخرت كم مرة قبل وتوني وانا ابجي اتذكرت ان انا اليوم جتني الاحم احم وانا اطول معاي 8 ايام يعني كنت بلحق على يوم عرفة واللي بعده بس بصراحة نسيت موضوعها! انا كنت بروح حج سريع بس بعد احس ما كنت بستانس في الحجة هاذي وانا ماقدر اادي المناسك كلها!

يلله الحمدلله على كل حال

الله يرزقني ويرزقكم عمرة قريبة وحجة السنة الياية ان شاء الله

 

[ربي محتاجتك]

انما الاعمال بالنيات ولكل امرئ ما نوى
ان شاء الله الله راح يعطيج علا قد نيتج
حتما امي متضايقة واايد كانت بتروح هالسنة بس الظروف صارت ضدها
يلا كل تأخيرة فيها خيرة
قولي امين انشا الله ربي يكتب لامي ولج حجة السنة الياية

 

[سكوتي بذوقي]

ماعليه اختي الغاليه

الله يكتبها لك السنه الجايه يارب

 

[ڕۆۆحــي ڣــڍااگ]

ربي يكتبلج الحج السنة الجايه
خيرة وانا اختج لا تضايقين

 

[مجنونة هع]

الي ناوي الحج ياخذ اجر حجة كاملة

 

[روح مغليهاM]

تصدقين انا نفسسسسك وطرت من الوناااسه وربي ماكتب لي الحج هالسنه بس ان شاءالله السنه الجااايه

 

[صابرة رغم الجروح]

ان شاء الله ربي يكتبها لج السنه الجاية

 

[الحللللوه]

معليكي قللبووو انتي نويتي والله ماكتب خيييييره صدقيني واذا ماتزوجتي ياااارب تحجين السنه الجاايه مع زووووجك

 

[الحللللوه]

لاتنسووو التكبير
الله اكبر الله اكبر لااله الا الله الله اكبر الله اكبر ولله الحمد

 

[! هُوْ وِينِه !]

مآ تدرين يمكن تكون مكتوبة لج هآلسنة
أنآ رفيجتي آلعآم كلش مآ نوت بأخر 3 أيآم رآحت للحج
الله يكتب لج إلي فيه آلخير

 

[ƒⱥ6ǿØǿღ]

لا تتضايقين الله مو كاتبلج هالسنه حجه

ادعي انشالله انه يكتبلج حجه السنه اليايه

 

[Tulips]

حبيبتي ليش تبجين

الله مو كاتبلج هالسنه تحجين

وكل تأخيره وفيها خيره صدقيني

خلاص اللحين ابدي يمعي حق السنه اليايه ان شاءالله اتحجين

وكفايه انج خذيتي اجر النيه ترا اجرها عظيم

 

[غلأأأأ مغليهأأأ]

يااااااااااااحبيبتي الله يكتبها لنا ولج يااااااااااااااارب السنه الجاااايه

 

[Unusual]

ولاتزعلين ياقلبي ،، الحج تساهيل من رب العباد ..

الله يكتبلك الخير وتحجين ان شاءالله بدال المرة ألف ..
*

 

["غـَّلآۅِي ♥~]

ما ششاء الله عليج حبيبتي ..

كل تـأخيرهـ و فيهـآ خيرهـ .. و عسسى ان تكرهوا ششيـاً و هو خيـراً لكم ..

مـآتدرين ممكن يصير ششي بفترة الحج الي انتي مفروض فيها يغيرلج مسسار حياتج !!

تصصبري حبيبتي و اعتمري و اطلبي ان الله يرزقج و اتكونين من الحججاج في السنين المقبله : )

 

[mrs.abk]

عيل شو تقولين عني .. اللي حازة ومحرمي جاهز وأمي شارية غريضاتها يا قلبي .. وفجأة اكتشفت إن جوازي بينتهي وطرشته التجديد وما خلصه أخوي .. وبعدين الحملة طلعوا بيحطونا 12 في جناح واحد فقلنا بندور غيرها .. وفي يالاخر امي فديتها تعبت وصار ضغطها يرتفع فجأة لمستويات قياسية !!