خلاص فلت وفلتت أخلاقي ...

[متي أركد]

السلام عليكم ورحمة الله وبركاته​

شلونكم خواتي ..​

أنا مو صاحبة النك أنا بنت خالتها ...​

وأتمني خواتي تساعدوني لأن الحياه عندي أحسها وصلت لحد الأفضل لها الأنتحار أنا من داخلي نظيفه وأعرف الله جيدا وحبي وتقربي لله أجمل مافيني بس ياني فتره مريت بضروف أظطريت أن أكونبروحي بالحياه مشاكل بين الأهل والكل راح عاش بروحه ووفاة والدتي ووالدي خل الأخوان والخوات يتفرقون أهنيه محتاجه صدر حنون أستند عليه وأحس بالأمان لكن الله ماكتب النصيب الضربات صارت أتييني ورا بعض لحد ماقمت أثق بأحد يعني شلون أفسرلكم هم ماراح أقدر أوصل لكم أللي بخاطري أمور هزت نفسيتي وحياتي يعني تمرمطت عدل صارت عندي ردة فعل للأسوء القيم والعادات والتقاليد أللي كنت متربيه عليها كنت أعيف الحرام من أجل الحلال كنت ماحب أحط بذمتي دينار كنت أخاف أحاجي الرياييل وأطلع معاهم كنت أخاف أللي يطرشون صورهم أقول عفيه قلب وين عقولهم وأللي يدخنون أقول شهالموليات لاحيا ولامستحي صرت نفسهم وأدري أحاجي شباب أطلع معاهم أدخن زقاير شنو تتوقعونه وأللي ماتتوقعونه بدعت بأمور الفساد أحيانا تحوشني صحوات وأحيانا أقول خلاص شعقبه يابنيه الكل عرف عنج أنج خالصه وموليه وماكو شي يترقع أنا موداشه أدور عتاب داشه أدور فيه أمل أرد مثل قبل بعد أنحراف دامله اكثر من اربع سنين ...​

وجزاكم الله خير....​

 

[Tom ♥ Jerry]

.


لا حول و لا قوة الا بالله !

حياتي باب التوبه مفتوح في اي وقت لج بينج و بين ربج
توبي للخالق توبة نصوحه و بعدي عن رفاق السوء
و عليج بالاستغفار و الدعاء
" الا بذكر الله تطمئن القلوب "

اهم شي انج عرفتي غلطتج و مستعده تصلحينها
رجعي فلانه القديمه و خلي الشباب و الزقاير و هالسوالف عنج
الله يهديج يارب و يثبتج على الهدآيه

 

[لحظآتَ]

أكيد فيه مجال !
شيء أكيد وما يبيله كلام حبيبتي
اطرحي على نفسج سؤال !
إنتِ لما تسوين خير .. وتبتعدين عن الحرام و تدورين الحلال دواره !
تنطرين من الناس مدح ؟؟؟؟ ولا تنطرين رايهم ؟
لا أكيد تبين ما عند الله صح ؟!

طيب نفس المُعادلة .. لما تسوين ذنب وترتكبين معصية .. وتبين تتوبين وتصحين !!
تنطرين رأي الناس ولا مشورتهم ؟؟ ولا تبين ما عند الله من غفران ورحمة ؟!
يعني همج الأساسي منو ربج ولا الناس ؟؟؟؟

اطرحي هالتساؤلات على نفسج .. لإنج حالياً مُشتته وابليس بدأ يشتغل ويغيّب منطقة الوعي عندج !!!!!

مابي اتفلسف عليج بس والله صج هذا الحاصل !!!!

فأنتِ تجاهلي اي تفكير سلبي وخلج قوية وصلبه من الداخل !
عشان هالقوة تنعكس عليج خارجياً .. والناس خليهم على جنب .. !!!
بكرا لا متّي بعد عمر طويل بطاعه الرحمن .. محد ذاكرج ولا احد نافعج !!
راح تتمنين تردين الدنيا وتطلعين من قبرج بس تصلين ركعتين بس !! من فظاعة اللي بينشاف بالقبر يارب ترحمنا برحمتك !!!
فـ وين الناس اللي شاطرين بالقيل والقال ؟؟
بينفعج احد منهم ؟
بالعكس بيضرونج ويأذونج حتى وأنتِ بقبرج !!!!
قطي كل شيء ورا ظهرج ... وباب التوبة للحين مفتوح ... لا تأجلين !!!
ردي مثل ما كنتي عشان تحسين بمتعة الحياة .. واللذة الصجية !!!


/

 

[تراب زماني]

ويييع شنو هذا فلتانه للأخر وبايعتها ؟؟ يعني اذا امج وابوج ماتو خلااص ماكو ادب ماكو اخلاق ؟؟
انتي ماعندج اهل يربونج ؟؟ ماعندج اعمام يقصون رقبتج ... ؟ :rgewrg:












#

#



بذمتج هذا كلام حابه تعيشين طول عمرج وانتي سامعته ويعايرونج فيه ؟؟ طبعا لا ....
واللي مأكدلي كلامي انج مستنكره روحج ومنتي حابه تمشين بالغلط وهذا انتي ندمانه وحابه ترجعين لللطريج الصح ..
اذا انتي صاجه بتوبتج ؟؟؟؟
هذي حلولي:
& حاولي تقطعين علاقتج بالشباب على طول _ اتقربي الى الله اكثر وادعي ربج بصلاة القيام ان ربي يهديج ويبعد عنج الحرام_ تصدقي باليوم لو بدينار على نية ان ربي يوفقج ويهديج ويرزقج بولد الحلال اللي يسعدج_ اشغلي حالج دائما عندي قـــاعده ( ان وقت الفراغ يفسد) كملي تعليمج شوفيلج وظيفه او خذيلج دورات اشغلي يومج عالاقل 4 ساعات شغل _ روحيلج عمره وادعي لربج وتوبي توبه نصوح _ وحبيبتي ترى كلنا يتنا مصايب تشيب الراس لكن صدقيني كل ماكنتي قوووية ايمان بالله خفت مصيبتج واحتسبتي الاجر عند الله ..

اللهم اني استودعتك اياها عن الحرام وطريق الحرام :eh_s(7):

 

[Mjnont '3lay]

الله مايبلي عبد الا عشان يختبر قدرة تحمله وقوة ايمانه لي وين واصله !!
الله يهديج حبيبتي انتي ويغفر لج ياااارب توبي لله عز وجل وماعليج من شي صلحي الخطأ بالصح مو تعالجين الغلط بالغلط
لمن تشوفين الاهل متشتتين حاولي تلمين الشمل مره ثانيه زوريهم كلهم او قعدي معاهم غصب اذا كانو بنفس البيت سولفي معاهم غصب حتى لو مايبون واشكي لهم بلي تبينه بدال ما تخلين تفكيرج سلبي وتقولين خلاص محتاجه حنان اروح اخذه من بره بالعكس قووولي انا ابي هالحنان منهم اهم اهلي وملزومين غصب عنهم فيني اطلعي معاهم اقترحي عليهم تتجمعون مره بالاسبوع عالاقل ومحد يتعذر بهاليوم او اجرو شاليهات وطلعو كلكم واستانسو مع بعض او سافرو او طلعو بر او بحر مع الشوي والاكل والسوالف والضحك النفسيه تتغير صدقيني حاولي تسوين كل هذا مع اهلج وصدقيني اي شي ثاني مرررح يفيدج بالعكس شفتي كل هذووووول اللي يكلمووونج ترى اذا طحتي بمصيبه او صار لج شي او مرضتي لا سمح الله بغمضة عين مرح تلقينهم كـلش حواليج واكيييد انتي عارفه هالشي عشان جذي ادعي الله انه يسترج مع ولد الحلال اللي يحافظ عليج ويحبج احسن لج من كل هذا وعسى الله يحفظج ويحميج وديري بالج من وساوس الشيطان قولي اللهم اني استودعك سمعي وعقلي من وساوس شياطينك فاحفظني بحفظك منهم ودايما تذكري انه الشيطان اقسم انه يوسوس حق كل عباد الله عشان مايدخل بروحه النار وعشان الكل يدخلون النار معاه وتذكري الله سبحانه وتعالى قال وسوس لكل الناااااس الا عباااادي الصالحين مااايقدر يقرب منهم الشيطان وتحدي نفسج وقولي بينج وبين نفسج مرح اسمح اني ادش النار عشان وسوسة شيطان والدنيا كلــــــــــــــــــــها ماااااااااااااتسوى شي من اللي بتشوفينه بآخرتج وعسى الله يرزقج الزوج الصالح اللي يعوضج حبيبتي

 

[al-musk]

باب التوبه مفتوح
وهذي بدايه زينه انج حسيتي بغلطج وتبين تغيرينه
بس اخلصي النيه وتوكلي على الله

 

[Patcholli]

{ كَلاَّ إِذَا بَلَغَتِ ٱلتَّرَاقِيَ * وَقِيلَ مَنْ رَاقٍ * وَظَنَّ أَنَّهُ ٱلْفِرَاقُ * وَٱلْتَفَّتِ ٱلسَّاقُ بِٱلسَّاقِ * إِلَىٰ رَبِّكَ يَوْمَئِذٍ ٱلْمَسَاقُ }

لما تيج لحظة نزعة الروح وتفرفرين وروحج تنقبض الى رب العالمين وتطيحين جثه ميته يابس لاتتحركين ولاتنطقين ولا لج مجال للتوبه والمغفره

وتنامين بهالحفره الظلمه اللي مليانه عقارب ودود وفيران وحيايه ..

وينخرس حلجج وينربط لسانج وتشهد عليج جوارحج وتسجلين ذنوبج بيدينج وتشهدين على نفسج بهالذنوب شنو اللي راح يفيدج من كل هذا ..؟؟
ترى الدنيا دار عبور ودار فناء ودار غرور وخداع


صدقيني لاتغرج الدنيا ولاتنجرفين فيها ولاتركظين ورا ادنى شي فيها من المظاهر والمغريات
رب العالمين خلقنا لاهداف اسمى وارفع وارقى من الشهوات والوناسه واللهو
لاتظيعين روحج مو بالدنيا لان بالطقاق الدنيا باللي فيها ماتهم اذا رب العالمين ماكان راضي عليج وصدقيني هالطريج اذا مشيتي فيه ماراح تقدرين توقفين طالما ان الشيطان مسيطر عليج راح تتمادين اكثر واكثر
بس طالما ان الحين فيج ندم وظميرج ليلحين صاحي وحايشج تانيب ظمير ورغبه بالتوبه تلاحقي عمرج قبل لاينعمي بصرج وبصيرتج ..
كنت اعرف وحده مثلج بالظبط
لاهيه بالدنيا
ماخلت شي ماسوته
شرب سفر علاقات وناسه طلعات لاصلاة ولاصيام ولاحجاب
وللاسف كانت مره كبيره
وحالها حال اي بني ادم تنتهي رحلته بالدنيا .. ويدش بعالم الخلود يدش للعالم الحقيقي اللي انخلقنا عشانه ..
صدقيني بالمغيسل محد قدر يغسلها من ريحتها العفنه اللي كانت فايحه كل الناس كانو سادين خشومهم من سوء اعمالها ريحتها فاحت ووييها كان مرعب وعينها مو راضيه تتغمض
وعقب ماندفنت وكل واحد راح بيته
تتوقعين شنو حالها وشنو صار فيها تحت التراب ..؟؟
بشنو جابلت ربها
وبشنو قاعده تبرر وتتعذر
واهي للاسف حتى بيت الله ماشافته بعيونها ..!!

تلاحقي عمرج واهم شي فكري برضى ربج وتوبته عليج قبل لاتفكرين الناس شنو فكرتهم وانطباعهم عنج لان الناس استغفر الله مامن وراهم خير سواء كنتي زينه او شينه وياما شفت بنات رايحين فيها وسمعتهم بالقاع وفاتحين بيوت الله اذا يبي يستر على الوحده يستر عليها بس التوبه مو اي شخص يطولها

 

[ام كوثر2007]

عسى الله يستر عليج يارب

ويبعدج عن طريج الحرام وعيال الحرام ..

ويكافيج شر شياطين الانس والجن حبيبتي

ورب العالمين كبير ومافي احد اكبر منه ..

بابه دايم مبطل لج ولغيرج .. بس انتي قولي يا الله عيني علي طاعتك


قولي يارب ثبتني علي دينك وابعد عني شر الناس ودرب الفسااد

وصدقيني متي ما حطيتي ايدج بيده سبحانه ما يخيب لج ظن

وعسى الله يهديج يارب ويرزقج بالزوج اللى يستر عليج اللهم امين

ويرحم والدينج ويغمد روحهم الينه يارب

 

[فطوم 84]

كلنا نغلط محد معصوم بس قرري من الحين تركي الحرام الله سبحانه دوم يسترنا فلاتخلين الله اهون الناظرين لج الله مولانا غفور ستار والله غيري حياتج غيري رفيجاتج غيري رقمج قولي ياالله انا تركت كل شي عشانك بتحسين بفرق من ترك شييا لله عوضه الله خيرا منه "وتذكري لايغير الله مابقوم حتي يغيروا مابانفسهم" اتركي معاصي ترتاحين والله ويعوضج الله بنعم ماتتخيلينها والله يوفقج انشالله بس الزمي استغفار وصلاة الليل والله هالاشيا ريحتني بحياتي وانشالله بتغير حياتج نصيحه من اخت حاسه فيج والله ""

 

[دلوعة صلوح]

لا حول ولا قوة الا بالله الله يهديج يارب العالمين حبيبتى باب التوبة مفتوح توبى لله

واتركى كل شئ لوجة الله قبل ماتروح الروح وماينفعج لا مال ولا بنوون.

 

[الحيا]

الله يستر عليك ويبعدك عن الحرام باب التوبه مفتوح كثري من الاستغفار الله يتوب عليك يارب ويغفر ذنبك

 

[عادت ذكرياتي]

باب التوبة مفتوح أخلصي النية وتوبي توبة نصوحة

الله يهديج ويثبتج عالصراط القويم ....

 

[مرره كيوت]

حبيبتي باااب التوبه مفتووح والله يفرح بتوبه العبد ونصيحه
لاتخلين الشطان يلعب براسك ويزين لك المحرمات واشغلي نفسك بقراه القران وقيام الليل
والله يهدييك ياااااااارب

 

[فاقده ابوهاااا]

انا بختصر كلام البنات بافضل واطهر كلام

بسم الله الرحمن الرحيم
(( قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ ))

صدق الله العظيم

 

[جلكسيه اس 3]

تبين احد تشكين له و يكون حنون. صدقيني ماراح تلقين احدكثر ربنا سبحانه و تعالى اهو الرحيم
اهو يرحمنا حتى و احنا نغلط. فما بالج لو تركتي الغلط

كلنا نغلط مغصوبين و الابتلاء رحمه من رب العالمين عشان يشوف منو الي يصبر اكثر عشان ربنا سبحانه و تعالى

تدرين انا قبل ما كنت اصلي. كنت على طول مو مرتاحه كنت في يوم متزوجه بس دايما خايفه من المستقبل
كنت اغلط و ما اعتبر
حياتي كان مالها معنى و اشلون ارتاح من الداخل و انا ما اصلي للي خلقني للي كل يوم يعطيني حياة يديده
الحمدلله بعد طلاقي رجعت له و وانا متاكده ربي مابلاني بالطلاق الا عشان ااتغير باب التوبه مفتووووح
مو مثل لما تسالين افلان يسامحج ولاالا و يمكن يقول انا مسامحج و هوا من داخله مو مسامحج
و انتي اتقولين كنتي خوش وحدهقبل ما تتغيرين. ترا كل هذا الي انمر فيه ابتلاء عشان الله يشوف منو الصابر و منو الي ما يصبر
رجعي حق ربج و توبي و تصدقي و استغفري و كل ما تحسين انج بتعصين ربج دشي النت شوفي اشلون الكفار و العاصين موتتهم اشلون كانت و انا متاكده كل ما شفتي هالمواضيع بتخافين

 

[بسمه المشتاق]

بعده عندج وقت وباب التوبه مفتوح للجميع طول ما أنت عايشه لاخر نفس

واول شي سويه قطعي علاقتج بكل اصحاب السوء اللي كانت لج علاقه معاهم

وغيري لبسج وحياتج وروحي عمره اطلبي من الله يغفرلج ويسامحج وطلبي من الله ان يثبتج بالتوبه النصوحه

ودايما استغفري واقري قرآن وادعي وحافظي على صلاتج ترى الصلاه تنهى عن الفحشاء والمنكر وتعف نفسج

واتمنى من كل قلبي ان الله يهديج للطريج الصحيح وتبشرينا امييين يارب يا مقلب القلوب ثبت صاحبه الموضوع على دينك

 

[بولندية]

البنات كفووو و وفوووو =)

اصلا تفكيرج عقب 4 سنين انج تردين نفس قبل وان حياتج اللي عايشتها غلط هذا اكبر دليل انج انسانة رووعة من داخل و الله يوفقج

 

[قلبي وينك]

الله يهديج قومي توضى وامسكي المصحف وقري على فيه على ايه سوره تفتحينها وصلى ركعتين لله اعلني فيها توبتج واوعدي ربج على التوبه وادعي وانتي تبجين انه يهديج ويسر لج امر التوبه والهدايه ترى انتي ماشيه بخطوه جدااا مهمه وصعبه بحياتج وراح تقابلج منعطفات شيطانيه وتحاول تردج عن توبتج علشان جذي حاولي ترافجين بنات على دين وخلق يساعدونج على الاستمرار صدقيني ترى اخرتنا قبر ما ندري شو الي بيصير فيها ربنا ارحم ضعفنا .

صحيح انه الي له اهل هم سنده بالحياه وجود الاب والام بالدنيا شئ مهم بس الله اخذ امانته يا قلبي وكلنا ماشين عالطريج هذا ومو انتي اليتمه الوحيده ترى وايد ناس ايتام حتى يمكن ما شافوا اهلهم تيتموا وهم صغار بس رغم هذااا ما شين على الصراط المستقيم

 

[тεķάηαн]

البنآت كفوو و وفو بالحجي : )
الله يستر عليج وعلى المسلمين آجمعين , ​

 

[** باربي **]

كفى بالموت واعظا..

((الأمام علي )).