خلاص طبقو منهج اولي ابتدائي والا لأ ؟

[غلاي عزوزي]

السلام عليكم ورحمة الله وبركاته


وزارة التربية
طبقو منهج اولي ابتدائي

امل فراشة بيضاء

الفاشل
والا
لأ


الحين المنهج عباره عن قصص
ماعليه
خلاف


ليش ماكو تاسيس لهلمنهج


مو معقوله طفل يتخرج من روضه حكومه
لعب وخرابيط


علي طول اكتب هالجمله وطلع الهمزات وانواعها
واحفظ الكلمات


انزين اهو اشعرفه بالاحرف



لا والابلات الله بالخير

وي
ووي
مالهم خلق يشرحون ولا يتعبون مع الياهل


طبعا مو الكل الاغلبيه
الي داشه تربيه وميته عالمعاش القوي






المهم
من حرتي طلعت عن الموضوع


خلاص تطبق



والي تعرف شي عن مدرسة ملا سليمان الخنيني

تقولي طبقو المنهج فيها وشلونها من مدرسه

وبالمره الي تعرف معلمة تيي البيت تاسس
كثرت بالاسئله

تكفون ردو لا اطنشون



ومشرفاتنا العسل دشو نوري موضوعي لو بالرفع


وسلامتكم​

 

[ملكة بيتها]

السلام عليكم
بنتي في مدرسه إنجليزيه خاصه ..وهذا كان منهجها للسنه المنتهيه الحاليه وبصراحه المنهج مو صعب بس يبيله مجابل عدل عشان الطفل يستوعب عدل ..والله يوفق عيالنا

 

[الفنانه79]

السلام عليكم

اختي هدددددددددي اعصابج اشوي

ترى المنهج حيييييييييييييييييييل حلو وقوي وايد بس يبيله متااابعه من الاهل وتأسيس من المعلم

والله ترى الكتب حيل حلوه مشوووقه والقصص وايد حلوه بالعكس اشوفه منهج قوي

وانا اعيالي السنه اليايه يروحون اولى ابتدائي

واطلعت على المنهج كااااااااااااااااااااااااامل

وسجلتهم عند حمزه الخياط بدت دورتهم من شهر 4 وخلصت شهر 6 الحمدلله ادرسوا اول كتابين وماشيييين 100%

وبالعكس اليهال اعرفوا الاحرف بسهوووووووووووووووووووووووووووله والله العظيم

اتوقع ان لو امحفظته الاحرف ماراح ايعرفهم كثر الحين ايعرفون الكلمات وايطلعون منها الاحرف

واستاذ حمزه اول شي سواه خلاهم ايعرفون الكلمات (بالنظر فقطططططط) وبعدين بدا ايعلم الكلمات والاحرف من كل درس

واللهم لك الحمد الحين انا قاعده امجابلتهم واراجعلهم وراح ابدي معاهم املااااء للكلمات وكلمات خارجيه

وعندج القاعده الحلبيه القاعده النورانيه يمدحوووون تأسيسهم بالعربي لان انا اقووولج حمزه الخياط ماااااااااااااااااعنده مكان خلاص سكر

وسلامتج اموفقين اعيالج يارب

 

[hotchocolatee]

احسه فـــــــــــــــــــــــــــا شــــــــــــــــــــــــــتل يعني يعتمد 99099 بالميه على البيت مو على شرح الابله

 

[غلاي عزوزي]

مشكورين حبايبي بس همن محد جاوبني يعني



خلالالالالالالالالالالالالالاص
راح يطبقونه واعتمدوه للتدريس والا بعد بيجربونه
لانه كانو مطبقينه لبعض المدارس

وانا دخلت ولدي الحلبيه بس تعليمهم بطئ يعني اقل شي 6 شهور يالله يصير بلبل بالعربي ومافي فرع قريب من بيتي عشان جذي دخاته شهر وكملت معاه فالبيت والحمدلله زوين
همن ردو اعتمدو المنهج والا لأ

وشرايكم بمدرسة الخنيني بالخالديه زينه

 

[شيــوخه]

اعتمدو المنهج من هسنه الي اخلصنا منها

اللهي عين ومن ناحيت المدرسه الي بلخالديه مادري والله

 

[غلاي عزوزي]

رفع

 

[حروف من ذهب*]

ولدي مستانس على القصه يقولي ابي اشوف فراشه مسكين ما عمره شاف فراشه

 

[رفرف]

المنهج مطبق للأسف

مع اني كنت اكثر وحدة بالكويت معترضة عليه بس شفت الكل معارضني قلت يمكن العلة فيني ..
وبنتي عارفة الحروف كلها من الروضة ومن تدريسي موووو من المنهج ..
عيزت ادرس وأأسس واحفظ املاء ودرجات بنتي دايما نهائية والابلة تمدحها تهبل وتينن وشاطرة وفلتة ..
بس الله وكيلكم مستواها انا اشوفه ميح غير كلمات الدرس ما تعرف .. تصم الدرس صم بس ما تعرف تقرا .. تسمعه تسميع ..
والحروف ركضة ركضة يدرسونهم ومو بالتفصيل ومن اول درس ستين مليون همزة ..
قلت اذا بظل عالمنهج لا بالله بنتي تأسست ..
شريت حق بنتي قصص شكثر بالعربي من رامز يهبلون بالحركات وخطهم واضح .. وكل يوم نقرا قصتين هلكتها بعد عمري .. واخليها كل يوم تكتب موضوع قصة من خيالها تحاول تتهجى الحروف وتكتبها وانا اصلح لها ..
وشرحت لها بروحي التاء المربوطة والمفتوحة والتنوين والهمزة اللي على السطر واللي على سنة .. صرت ابلة عربي لأن الدرس نفسه فيه تنوين وفيه نون وبنتي ذكية تسأل ليش هذا جذيه وليش هني نكتب النون وهني ما نكتبها .. وفيه جميع انواع الهمزات من اول درس ماشالله ..

والحمدلله الحين انا راضية عن مستواها تقرا وتتهجى وتكتب .. بمجهودي طبعا اولا واخيرا مو من زين المنهج ..
وبنتي خلصت اولى ابتدائي وليلحيني مصرة على كلامي ان المنهج فاشل ..

رايي الشخصي ..
خلي المنهج على كتر .. ودرسي عيالج بروحج

 

[شانييل]

بنات عفية وين نقدر نشتري الكتب للمنهج اليديد مال أولى ابتدائي؟!
في مجال ولا للأ؟

 

[غلاي عزوزي]

تسلمون بنات


رفرف صاجه مصير الياهل ينسي الفراشه ويركز لامهم




شانيل


انا قاعده اوصي بنات العايله مرت اخوي واختي وغيرهم يعطوةني كتب عيالهم والي بثانيه ابتتدائي همن اخشهم


شوفي الاهل او روحي مخازن الوزارة

 

[وردهـ حساسهـ]

اختي المنهج طبقوه وخلاااااااااص والمفروض تتعودون هالشئ من وزارتنا العزيزه نسيتوا تغيير السلم التعليمي ونسيتوا الزي المدرسي
بيوم وليله غيروه وعارضوا الناااااااس وماتوا ولاحياة لمن تنادي فنصيحتي لج عملني ولدج الحروف كللللللللها لان المنهج يركض معاهم ركض فاحسن يكون الطفل متاسس وخالص هذي نصيحتي لج والله يوفقه ويعينج هالدراسه ورانا ورانا

 

[حنون المزيون]

رد : خلاص طبقو منهج اولي ابتدائي والا لأ ؟

وااااااااااااااي الله يعينج على أولى ابتدائي

تصوري بنتي أول شهر حاطتلها الأبله مقبول وكله تقولي خطها وحش والله كان ودي أدفنها وإهي حيه توها مسكينه ما داوموا إلا نص شهر عشره والشهايد شهر 11 وتقولي خطها وحش وحاطتلها هالنسبة والشهر اللي عقبه امتياز ( يوم شطح نطح )

ولدي بملا سليمان بس عدى هالمنهج التعبان ... أبلته العربي كانت بأولى أبله ع>اري والنعم فيها الله ي>كرها بالخير .. بس الله يعينج على إدارتهم تعباااااااااااااانه والإخصائيات على قولتها ما نحكم الأولاد ليما دش ريلي الصف وزف له ولد يطق ولدي ولا حياة لمن تنادي

لي مواقف لا تعد ولا تحصى ولا أنسى وحده على اسم مديرتهم اللي تقول لولدي انت ليش ما تعرف تتكلم قول لأهلك يودونك الطبيب ( لأنه فيه تأتأه ) حسبي الله عليها

شطيت عن الموضوع بس برجع له أول كلمه يعطونه كلمة فراشه وبعدين بيضاء وبعدين إسراء وكلمة أخت
بالمجمل 4 كتب إحنا خلصت السنه وما كملو الأحرف كلها بصراحه كنت حاطه لبنتي مدرسة لغة عربيه ووحده للرياضيات لأن أبلتها ولله الحمد أشكره تقول إنها تحل لبنتي الإمتحان تحبها وما تبي تعطيها جيد جدا بس حاليا أبلتها العربي مسافره لمصر إ>ا تبين رقمها قوليلي بس لمن ترجع وإ>ا لقيتي وحده سوريه أفضل على إيدج أختى

وموفقين وكل سنه وإنتوا طيبييييييييييييييييييييييين عالسنة الجديده

 

[غلاي عزوزي]

حنون راح ابجي انا بودي ولدي ملا سليمان الخنيني



ااااااااااااااااااااااااااااااااه ياقلبي صدمتيني



منو تعرف هالمدرسه بعد

 

[غلاي عزوزي]

حنون للعربي غير سوريه ماكو وبعدين ودي ابله تاسس كل المواد منو تعرف عالاقل تييله مره بالاسبوع تراجعله