خلاص بوقف محاولات فقدت الأمل

[Joody]

صباح الخير بنات يمكن فهمتوا شنو اقصد بأني بوقف محاولات انا الصراحة ماني عارفة شنو يمنع حملي الحمدلله انا وريلي مافينا اي شي صارلي سنه ونص من تزوجت وما حملت الشهر اللي طاف عطتني الدكتورة ابر منشطه والحمدلله كان في 7 بويضات وكلهم حجمهم من 20 وفوق وكنت حيل متأملة أحمل هالشهر بس للأسف امس نزلت علي الدورة وحسيت الدنيا تدور فيني وكل شي تسكر بويهي وعرضت على ريلي ان ننفصل مع اني احبه واموت فيه واهو كل حياتي واهو زفني وعصب على كلمتي هذي نفسيتي بالارض من امس وانا ابجي وحالتي حالة قلت له مابي اراجع الدكتورة ولاني رايحة مره ثانيه حق الدكاترة بنات مالي غيركم اشكي له ساعدوني حاسة نفسي بديت انهار خلاص.........

 

[زهـــر]

حاسه فيج
و الي يدور براسج يدور براسي
مع اني توني مسويه منظار للانابيب و تو الناس على الحكم
بس مادري من صحيت من البنج و انا فاقده الامل
و قلت حق ريلي شيل الموضوع من راسك و تبي تتزوج الله معاك

بس تدرين هم في شي صغير
حيييييل صغير
بداخلي و داخلج
و داخل كل وحده مثلنا
عطي نفسج فرصه و انا بعد بسوي مثلج
الله موجود ما يقصر صدقيني
حبيبتي لا يضيق خلقج ولا تتعبين
انا بلشت بشغله قلت يمكن تغير حياتي و ارتاح
جربي معاي منتي خسرانه
ردي بحياتج ي اول ايم زواجج ردي عروس
كل يوم خليه اهو يومصباحيتج كل اسبوع اهو اول اسبوع زواج
صدقيني ترتاحين
انا جربته و الحمد الله ما اقولج الراحه 100% ما اقص عليج
بس توني باول الطريج و انشالله تصير كامله

لا يضيق خلقج يا قلبي ربج كبير :tek:

 

[روعة خيال]

جوودي افا والله وين ايمانج بربج!!

غيرج مو قااادر يشم ريح الضنى و انتي تقولين فقدت الامل!!

دام كل شي اوكي خلااص حمدي ربج غيرج يحمل و يطيح الياهل و ما يدري شنو علته

اعرف وحدة صارلها 15 سنة ما حملت والله العظيم انها متقبلة الامر على انه امر من الله

دام ما فيج شي لا انتي و لا ريلج عيل صدقيني بيي اليوم اللي تسمعين فيه مبروك حامل

يمكن الله يبيج تدعين مستحيل تدعين ربج بقلب صادق و خاشع و يردج مستحييييييييييييييييل

و اعرف وحدة ما حملت 4 سنين و الحين عندها خمس صبيان ماشاء الله الله يخليهم لها

السالفة بس يبيلها صبر مو تقولين خلااص فقدت الامل اذا جذي عيل عمرج ماراح توصلين اللي تبين تعوذي من ابليس و ردي لربج هذا كله من الشيطان يبيج تفقدين الامل و انتي اخذليه تذللي لربج بالدعااء و اقولج على شغلة مهمة

الاستغفااااار يا الله شي مو طبيعي شكثر حريم ما يحملون حملوا على الاستغفااار

و بعد اذا يا خامس يوم الدورة تبخري بجاي اخضر لمدة 3 ايام بعدها بينزل وصخ لمدة 3 ايام بعد

عقب بلشي جماع انتي وريلج 3 ايام ورا بعض و خليه بوضعية السجوود (سوري لازم اصير وقحة شووي )

بعدها رفعي ريولج على الطووفة لمدة ثلث ساااعة

و ان شاء الله راح تحملين الشهر الياي بحييييييييييييل الله

 

[ماي الورد]

ليش رب العالمين يعطي الاجانب ويعطي المسحيين العيال احنا اولى فيهم صراحة المسلمين ما اشوف الا المسلمين يعانوا من العقم ومشاكل تاخر الانجاب وتعالوا شوفوا الاجانب والكفار عيالهم حاملينهم وبطونهم جدامهم حوامل

من اول ما صحيت من النوم وانا نفسيتي تعبانة متضايقة جالسة اتامل بهالبشر والله الي يحملون عن طريق الحرام ويقطون عيالهم بشوارع احنا اولى فيهم بنصونهم وبنحطهم بعيوننا

حسبي الله ونعم الوكيل ولا حوله ولا قوه الا بالله

 

[zalabia84]

حبيبتي جوودي لا تياسسن من رحمت ربج .. ودايما حطي اببالج انه الله يحبج عشان جذي قاعد يختبرج وريلج ويشووف شكثر راح تصبرون ولا تياسون منه ودايما قولي لا حول ولا قوة الا بالله العلي العظيم .. شوفي حبيبتي انا صارلي 3 سنين متزوجه وسويت كل شي ووقفت عند التلقيح الصناعي سويته مره ومانجح ونفسيتي كانت تتازم واايد وكل ما اشوف وحده تحمل من اهلي وخاصة الي تزوجو معاي نفسيتي تتعب واقعد ابجي ليما احس اني بختق والعام مرت حماي حملت وانا لا اهني انا تازمت اكثر وقام الشيطان يوسوس لي انه اهل ريلج الحين يتحجون عليج ويعايروني ومن هالحجي فما قمت اروحلهم لمده اسبوعين وبهالحزة كنت كل الوقت قاعدة في البيت ما اطلع كللش وريلي نفسيتي تعبت مني ومن اللي قاعد يصير معنه للعلم لا انا ولا ريلي فينا شي ولله الحمد بس اهي مساله رزقة من الله ومتا ما الله قال تصير راح تصير .. المهم بعد الي صار باسبوعين ريلي طاااح بالمستشفى لمدة 10 ايام وانا هني بعد قمت اقول ياربي اخذني من هالدنيا بس تعبت مافيني طاقة اتحمل شي بعد وسبحان الله جنه مرض ريلي كان سبب حق وايد اشياء صارتلنا بعدين .. تخيلو بعد ما ريلي تشافى من الي اهو فيه تم شهرين كله يحوشه عوار بالخصية وما كنا ندري لييش واذكر كنت احن عليه انه يروح يشوف شسالفة وو على شهر 8 الي طااف راح جيك والا يطلع فييه دوالي خصية بالصوبين والحيوانات حدها ضعيفة ريلي شوي تازمت نفسيته بس انا هني قمت اهدي واقوله خيره ما تدري لييش وسوا ريلي العملية والحمدلله نجحت و تمينا شهرين ما سوينا شي انا وريلي وو من بعدها سافرت سوريا ورديت ودورتي انا تلخبطت يعني كل مره تييني 28 يوم بس من بعد السفرة قامت تيي كل 30 - 35 يوم طبعا كالعادة تازمت بس مو نفس قبل لانه خلاص انا وكلت امري لله تعالى وو على شهر 5 الي طااف ريلي قالي شرايج نسوي اانابيب ونجرب حظنا فيها قتله اوكي ورحت حق الدكتور على اساس انه هالشهر بيبدي علاج والشهر الي بعده على طول انابيب بس قدر الله فما شاء فعل وسبحانك يارب هالزيارة كانت سبب حق شي انا مادري عنه وطلع فيني يا بنات كيس ماي بحجم 7 سم ورا المبيض اليسار اهني الدكتور قال ماراح اسويلج انابيب لازم عمليه اشيل الجيس وفعلا سويت العملية بنص 5 وتميت شهر تقريبا ماكو شي وقبل جم اسبوع رحت راجعت الدكتور وقالي ها ابلش معاج علاج عشان الانابيب تخيلو بنات مادري شنو الي خلاني اقووله لا بنطر دكتور على شهر 8 او 9 بسويها مو الحين بعطي نفسي جم شهر ويمكن الله ما يردني الدكتور حده استانس وقالي عفيه علييج خلاص ننطر وبعد شهرين تعالي ابدي معاج علاج حق الانابيب..
الخلاصة انه حبيبتي لا تحاتين وخلي ايمانج بالله قوي والبلاء على المؤمن ترى نعمه لانه الله يكون قاعد يختبره ويمتحنه ووو بعد فتره من الوقت راح يعرف حلاوة النجاح هذا وودايما حطي اببالج انه الله تعالى مسبب الاسباب وتوكلي علييه واستغفرييه على طووول وصدقيني الله ما راح يردج و لا تخلين الشيطان يوسوس لج او يدش بينج وو بين ريلج بالعكس حطي ابالج انه مدام الله لليحن ما رزقكم بالذرية استانسو وطلعوا وسافرو وخلو الوضع عادي ولاتفكرون واايد وان شاءالله الله ما يردج خايبة حبيبتي .. واسفة لانه طولت عليكم

 

[روعة خيال]

ليش رب العالمين يعطي الاجانب ويعطي المسحيين العيال احنا اولى فيهم صراحة المسلمين ما اشوف الا المسلمين يعانوا من العقم ومشاكل تاخر الانجاب وتعالوا شوفوا الاجانب والكفار عيالهم حاملينهم وبطونهم جدامهم حوامل

من اول ما صحيت من النوم وانا نفسيتي تعبانة متضايقة جالسة اتامل بهالبشر والله الي يحملون عن طريق الحرام ويقطون عيالهم بشوارع احنا اولى فيهم بنصونهم وبنحطهم بعيوننا

حسبي الله ونعم الوكيل ولا حوله ولا قوه الا بالله

ماي الورد ليش تقولين جذي ترى الاحتجاج على قسمة الله يعتبر كفر و العياذ بالله
اذا بتمين جذي ثقي ان ربج ماراح يرزقج هذا بدل ما تشكرينه على نعمه عليج تقولين جذي

استغفري ربج يا معودة

بعدين ما سمعتي (الدنيا سجن المؤمن و جنة الكافر)

 

[روعة خيال]

زلابيا

هذا الحجي السنع اللي يبرد القلب

ربي يكتبلكم الحمال ان شاء الله

 

[ماي الورد]

صح كلامج والله بس مرات لمن تحسين حالج متضايقة تطلعين كلام لا شعوريا الله اعلم بنيات ياقلبي

 

[ريم الصبايا]

االه يرزق كل محرومه


بضنا تستانس فيه

كثرو من الدعاء والاستغفار

 

[mosta7eel]

يا حياتي جودي ذكري الله ماعليه والله حاسه فيج
كل وحده فينا عندها هم وانا مثلج صارلي الحين سنه
وماحملت بس الحمدلله ما بيدي شي اسوي غير الدعاء
افتريت على نص الدكاترة وكلهم يقولون تحاليلج سليمه
وتحليل زوجج بس ماصار يعني كلنا في الهوا سوا
واحنا احسن بوايد من البنات الي مساكين كل مرة
مطلعين فيهم علة انا مثلج قلت بوقف العلاج خلاص
بس مو علشان فقدت الامل لا لان قلت بتوكل على الله سبحانه
بس لان الدكاترة مجرد اسباب لا اكثر ولا اقل
ومن اول ماخلصت الدورة الي طافت قمت امشي لي موعد التبويض
وتبخرت بشاي اخضر وكثرنا جماع ونهائيا ما قمت اكل وجبات سريعه
لان اهي الي تخربط الهرمونات وابتعدت عن المشروبات الغازية
وابتديت برنامج ديني اصلي صلاة الليل لمدة 40 يوم وقراءة سورة البقرة
وقمت اتفائل واقووول بيني وبين نفسي انا اكيييييد هالشهر حااااامل باذن الله

 

[om-nora]

السلام عليكم ورحمة الله وبركاته

ابيج تقرين هالحديث وفهمي معناه زين

عَنْ أَنَسِ بْنِ مَالِكٍ رَضِيَ اللَّهُ عَنْهُ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: "إِذَا دَعَا أَحَدُكُمْ فَلْيَعْزِمْ فِي الدُّعَاءِ وَلَا يَقُلْ اللَّهُمَّ إِنْ شِئْتَ فَأَعْطِنِي فَإِنَّ اللَّهَ لَا مُسْتَكْرِهَ لَهُ". أخرجه ابن أبى شيبة (6/21 ، رقم 29162) ، وأحمد (3/101 ، رقم 11999) ، والبخاري (5/2334 ، رقم 5979) ، ومسلم (4/2063 ، رقم 2678) ، والنسائي فى الكبرى (6/151 ، رقم 10420) . وأخرجه أيضًا : البخاري فى الأدب المفرد (1/213 ، رقم 608) ، والديلمي (1/316 ، رقم 1245). قال الإمام النَّوَوِيّ في "شرح صحيح مسلم": وَفِي رِوَايَة : (وَلْيَعْزِمِ الرَّغْبَة فَإِنَّ اللهَ لَا يَتَعَاظَمهُ شَيْء أَعْطَاهُ) قَالَ الْعُلَمَاء: عَزْم الْمَسْأَلَة: الشِّدَّة فِي طَلَبهَا, وَالْجَزْم مِنْ غَيْر ضَعْف فِي الطَّلَب, وَلَا تَعْلِيق عَلَى مَشِيئَة وَنَحْوهَا, وَقِيلَ: هُوَ حُسْن الظَّنّ بِاَللَّهِ تَعَالَى فِي الْإِجَابَة. وَمَعْنَى الْحَدِيث: اِسْتِحْبَاب الْجَزْم فِي الطَّلَب, وَكَرَاهَة التَّعْلِيق عَلَى الْمَشِيئَة. انتهى كلامه رحمه الله، وقال الإمام المجدد محمد بن عبد الوهاب في "كتاب التوحيد الذي هو حق الله على العبيد": فيه خمس مسائل: الأولى: النهي عن الاستثناء في الدعاء. الثانية: بيان العلة في ذلك. الثالثة: قوله: (ليعزم المسألة). الرابعة: إعظام الرغبة. الخامسة: التعليل لهذا الأمر.

 

[$غــ(ز)ــل$]

الله يرزقج ان شااءالله ويفرح قلبج
حبيبتي توج ماصارلج سنتين متزوجه
وخلي املج بالله كبير

 

[_ظل الياسمين _]

ربى بيعطيج ويعطى كل البنات ..والله من تجارب شفتها بعينى محد قالى..

بنات الدعاء ثم الدعاء ثم الدعااااء..والاستغفار والصدقه والتوكل على الله..

ترا الحاله النفسيه والترقب تلعب دور بلخبطه الهرمونات..

الجؤووا الى الله وربى مابيقصر مع احد لانه الكريم ومابعد كرمه كرم.

 

[zalabia84]

تسلمين حبيبتي روعة خيال .. هذا الي لازم يصير وكل ما احد يمر بحالة ضعف خل يتعوذ من ابليس ويقول " على الله في كل الامور توكلي و باهل بيت الرسول صلى الله عليه واله وسلم توسلي ) وان شاءالله هالسنه نسمع بعض بخبر حمااالنا ياااااااااااااااااااااارب

 

[نيبال الايمان]

صباح الخير بنات يمكن فهمتوا شنو اقصد بأني بوقف محاولات انا الصراحة ماني عارفة شنو يمنع حملي الحمدلله انا وريلي مافينا اي شي صارلي سنه ونص من تزوجت وما حملت الشهر اللي طاف عطتني الدكتورة ابر منشطه والحمدلله كان في 7 بويضات وكلهم حجمهم من 20 وفوق وكنت حيل متأملة أحمل هالشهر بس للأسف امس نزلت علي الدورة وحسيت الدنيا تدور فيني وكل شي تسكر بويهي وعرضت على ريلي ان ننفصل مع اني احبه واموت فيه واهو كل حياتي واهو زفني وعصب على كلمتي هذي نفسيتي بالارض من امس وانا ابجي وحالتي حالة قلت له مابي اراجع الدكتورة ولاني رايحة مره ثانيه حق الدكاترة بنات مالي غيركم اشكي له ساعدوني حاسة نفسي بديت انهار خلاص.........

ياعمرى يا جووودى اول شى تعوذى من الشيطان ووكلى امرج للى بيده امور العباد كلها وقولى يارب

بعدين ياعمرى توج صغيرة وما صارلج سنه ونص من تزوجتى وبهالسرعه ياستى من رحمت ربج اللى هو ارحم بالعبد من نفسه 000

ياعمرى انا مع كل خواتى اللى انصحوج تطولين بالج وتتوكلين على الله وتتركين عنج سوالف ابليس الله يلعنه
ياعمرى تاكدى مية بالمية انها خيرة لج وصدقينى ربنا اعلم منا بمصلحتنا يعنى مثلا كان جايز الله يرزقج من اول شهر بالزواج بالحمال ويطلع الولد عاق لا سمح الله او يطلع معاق لا سمح الله او تفرحين فيه ولما تتعلقين فيه ياخذه منج لا سمح الله او او او
الاسباب كثيرة ورحمة ربج اكبر من كل شى فحمدى ربج واستغفريه ولا تياسين من رحمته الواحد الاحد وحطيها ببالج عدل انها خيرة لج
ولا تخلين الشيطان يدخل عليج من هالمنفذ ويفرق بينج وبين ريلج ويضعف ايمانج

اسعى بكل طريقة ولا تخلين مكان ولا سبب يعتب عليج بخصوص العيال وطبعا قبل هذا كله قولى يارب وصدقينى وانا واثقة مية بالمية عن قريب بتفرحينا بخبر حمالج اللهم امين يارب 000

نصيحه منى قومى اللحين صلى ركعيتين لربج واستغفريه واطلبى منه وتذللى له عشان العيال

وعسى الله يرزقج يا عمرى ويرزقنى ويرزق كل محروم ومحرومه منهم اللهم امين يا ارحم الراحمين

 

[ريمو]

علشان تحملين لا زم تنسين الموضوع -على ذمة فوزية الدريع- وإذا تذكرتيه شوشي تفكيرك بأي شئ لو ترددين آية قرآنية أو قصيدة تحبينها لها ذكرى حلوة والله يرزقنا ويرزقك

 

[نيبال الايمان]

ليش رب العالمين يعطي الاجانب ويعطي المسحيين العيال احنا اولى فيهم صراحة المسلمين ما اشوف الا المسلمين يعانوا من العقم ومشاكل تاخر الانجاب وتعالوا شوفوا الاجانب والكفار عيالهم حاملينهم وبطونهم جدامهم حوامل

من اول ما صحيت من النوم وانا نفسيتي تعبانة متضايقة جالسة اتامل بهالبشر والله الي يحملون عن طريق الحرام ويقطون عيالهم بشوارع احنا اولى فيهم بنصونهم وبنحطهم بعيوننا

حسبي الله ونعم الوكيل ولا حوله ولا قوه الا بالله

افا يا ماى الورد افا 000 ليش تخلين الشيطام يدخل عليج من هالباب ويلعب بافكارج ويضعف ايمانج بارحم الراحمين
رب العباد ربى وربج ورب كل شى القادر الواحد الاحد الفرد الصمد 000 ليش يا ماى الورد ليش

اول شى ياعسى الله يرزقج ويرزقج ويرزقج بالعيال الصالحين البارين السليمين المعافين لين يرضيج اللهم امين يارب اللهم امين يارب اللهم امين يارب 000

يا عمرى استغفرى الله وصلى ركعتين حمد وشكر للى انتى فيه واستغفريه استغفريه لين ترتاحين وصدقينى الله بيريحج ان شاء الله

وحطى ببالج عدل انه الاجانب على قولتج لهم الدنيا واحنا المسلمين المؤمنين الصابرين لنا الاخرة 000 بعدين تعالى يعنى على كثرت عيالهم على قولتج شايفه شكثر مصايبهم شايفه شلون هالعيال يطلعون هم لعنه لابائهم وسبب همومهم 00 واحنا الف الف الحمد لله عيالنا اقل شى بارين مواصلين لنا وفرحتهم هى فرحتهم وسعادتنا هى سعادتهم ترى والله هذى اكبر نعمه 000

واللى يحملون بالحرام يا عمرى هذا عذاب لهم مو فرحه كافى انه بالحرام


سمعى منى استغفرى واستغفرى واستغفرى وشيلى هالافكار اللى زارعها الشيطان ببالج وخلى ايمانج بالله قوى واقوى من كل شى وعسى الله يرزقج ويفرح قلبج اللهم امين بالذرية الصالحه البارة عاجلا غير اجلا اللهم امين يارب


وعسى الله يرزقج ويرزقنى ويرزق كل محروم ومحرومه منهم اللهم امين يارب

 

[سهم الليل]

حبيبتي شفت عنوان المشاركة ودشيت حتى ما قريت كل الردود بس ردج


قلبي عورني

شوفي اول شي خلي ايمانج بالله كبير

وفي شي لا تفكرين بالحمل كلش وهو ترى بيد رب العالمين لو الواحد شنو يسوي ما راح يصير الا الي الله كاتبه وهذا زرق من الله

صبري وشغلي نفسج وحتى ريلج خليه يفوض امره لله وشغلو نفسكم عن الحمال وراح يصير ان شاء الله

عن تجربة انسي الحمل ويصير

 

[Joody]

مشكورين وايد وايد كلامكم ريحني ماقصرتوا وانشالله بنشيل بعض لما نحمل كلنا
أنا برتاح هالشهر من روحتي للدكتورة وعلاجها وبخليها على الله وعسى الله يرزقني ويرزقكم

 

[pink-rose]

حبيبتي مثل ماقالوا البنات لا تفقدين الامل بالله سبحانه وتعالي
انتي وقفي العلاج وارتاحي فتره وبعدين ردي كملي
وخلال فتره الراحه او العلاج اهم شي ان تكون نفسيتج مرتاحه
وعن تجربه انصحج ان تكثرين من الاستغفار والصدقات والدعااااء وقراءة سوره البقره ولا تنسين اذكار الصباح والمساء
واالله اذا داومتي عليهم بتحسين براحه نفسيه
وعسي الله يرزقج وكل محروم بالذرية الصالحه
:klhfl: